Orquídea branca das bolboretas
| Orquídea branca das bolboretas | |||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||||
| Clasificación científica | |||||||||||||||||||||||
| |||||||||||||||||||||||
A orquídea branca das bolboretas, Platanthera bifolia,[1] é unha especie de orquídea do xénero Platanthera, estreitamente relacionadas co xénero Orchis, no que estaban incluídas anteriormente, xunto coas do xénero Habenaria. Distribúese por toda Europa e por Marrocos. Son de hábitos terrestres e teñen tubérculos.[2]
Platanthera estivo anteriormente clasificada dentro do xénero Orchis.
Descrición
[editar | editar a fonte]
As especies de Platanthera distínguense das de Orchis e das de Habenaria, pola ausencia de procesos estigmáticos, ao posuír un esporón nectarífero para atraer aos insectos polinizadores. Outra característica diferenciadora é a das súas raíces tubérculos ovoideas.
Estas orquídeas terrestres desenvólvense en solos básicos e prados húmidos, lindeiros de bosques e en áreas onde a arboleda está clareando. Teñen tubérculos xeófitos enteiros, de ovoides a fusiformes,. Nestes grosos talos subterráneos poden almacenar gran cantidade de auga, que lles permitan sobrevivir en condicións de seca.
Posúen grandes follas ovoides ou oblongas que cambian a lanceoladas na parte superior cerca do ápice. Desenvolven un talo curto que alcanza unha altura de 30-40 cm. As follas da parte superior son máis pequenas que as follas máis baixas do talo.
A inflorescencia, é unha espiga cilíndrica, cunhas 5 a 25 flores pequenas de cor branca neve, con fragrancia. Estas desenvólvense a partir duns capullos axilares. As flores co sépalo dorsal e os pétalos solapados formando un casco, esporón (máis longo que o ovario) cargado de néctar e o estigma único e plano. Florecen a finais de primavera ou no verán.
Hábitat
[editar | editar a fonte]Estas orquídeas atópanse distribuídas por toda Europa e en Marrocos.
Taxonomía
[editar | editar a fonte]Platanthera bifolia foi descrita por (Carl von Linné) Louis Claude Marie Richard e publicada en Mémoires du Muséum d'Histoire Naturelle 4: 57. 1818.[3]
Platanthera: procede do grego e significa "antera ampla" referíndose á separación da base dos loculos polínicos.
bifolia: epíteto latino que significa "con dúas follas".
- Conopsidium platantherum Wallr.
- Conopsidium sthenantherum Wallr.
- Orchis alba Lam.
- Orchis montana F.W. Schmidt
- Platanthera montana (F.W. Schmidt) Rchb. fil. in Rchb.[4]
- Orchis bifolia L. 1753 (basónimo)
- Lysias bifolia (L.) Salisb. 1812
- Habenaria bifolia (L.) R.Br. 1813
- Sieberia bifolia (L.) Spreng. 1817
- Satyrium bifolium (L.) Wahlenb. 1826
- Gymnadenia bifolia (L.) G.Mey. 1836
- Platanthera solstitialis Boenn. ex Rchb. 1830
- Platanthera bifolia ssp. atropatanica B.Baumann & al. 2003
Notas
[editar | editar a fonte]- ↑ Ficha no libro Guía das orquídeas de Galicia de Carlos Cortizo Amaro e Elvira Sahuquillo Balbuena. 2006, Baía Edicións
- ↑ Jay Pfahl. "Platanthera bifolia". Internet Orchid Species Photo Encyclopedia (en inglés). Consultado o 7 de abril de 2013.
- ↑ "Platanthera bifolia". Tropicos.org. Missouri Botanical Garden. Consultado o 31 de maio de 2012.
- ↑ "Platanthera bifolia". Real Jardín Botánico: Proyecto Anthos. Consultado o 31 de maio de 2012.
Véxase tamén
[editar | editar a fonte] |
Commons ten máis contidos multimedia sobre: Orquídea branca das bolboretas |
 |
Wikispecies posúe unha páxina sobre: Orquídea branca das bolboretas |
Bibliografía
[editar | editar a fonte]- Bechtel, Cribb e Launert (s/a). The Manual Of Cultivated Orchid Species. MIT Press.
- Leroy-Terquem, Gerald & Parisot, Jean (1991). Orchids: Care and Cultivation. Londres: Cassel.
- Pridgeon, Alec (s/a). The Illustrated Encyclopedia of Orchids. Timber Press.
- Schoser, Gustav (1993). Orchid Growing Basics. Nova York: Sterling.
- White, Judy (1996). Taylor's Guide to Orchids. Nova York: Houghton-Mifflin.
