Potín
.jpg)
O potín é unha aliaxe monetaria utilizada na cuñaxe de moeda en momentos e culturas moi puntuais. Polo xeral, a súa composición é á base de cobre, estaño e chumbo en proporcións variables, e é motivo de controversia no ámbito numismático a necesidade da presenza de prata na aliaxe.[1][2][3]
O seu aspecto é moi similar ao do billón mais, en tanto que este último se utilizou nas emisións do baixo Imperio Romano, o potín é característico dalgunhas emisións da Antiga Grecia (sobre todo nas cecas de Alexandría e Antioquía) e, fundamentalmente, da moeda celta.[1][3][4][5]
Uso na moeda celta
[editar | editar a fonte]
En 1890 produciuse un achado arqueolóxico único no continente, nun antigo asentamento de vivendas prehistóricas en Vicus Turicum, preto do actual Zúrich, Suíza, consistente nunha acumulación de vultos de potín, o maior dos cales pesaba arredor de 60 quilos. Estes vultos resultaron ser grandes cantidades de moedas celtas fusionadas e mesturadas con restos de carbón. Algunhas destas preto de 18.000 moedas proviñan da Galia oriental, en tanto que outras tiñan unha tipoloxía local e foron asignadas aos pobos Helvecios, arredor do ano 100 a. de C.[1][6][7]
A primeira mostra de pezas similares nas illas británicas parece ser a constituída polos coñecidos como "Thurrock potins", e datan da fin do século II a. de C. Crese que estas moedas circularon sobre todo na zona de Kent e que estaban baseadas noutras emitidas en Massalia, na actual Marsella.[1][8][9][10]
Notas
[editar | editar a fonte]- ↑ 1,0 1,1 1,2 1,3 Gruel, K. et al. (1995).
- ↑ "Le potin". En Le site des métaux & alliages monétaires. Etna-Mint.fr
- ↑ 3,0 3,1 "Potín". En Alfaro Asins (2009).
- ↑ "Potin". En Stevenson, W. et al. (1889).
- ↑ Nick, M. (2003).
- ↑ Nick, M. (2009).
- ↑ Nick, M. (2005).
- ↑ De Jersey, P. (1996). Páxina 20.
- ↑ Cunliffe, B. (2005). Páxina 133.
- ↑ Fox, M. (2013). "The Tale of the Thurrock Potins". En The Numismatist. Setembro. Páxinas 37-43.
Véxase tamén
[editar | editar a fonte]Outros artigos
[editar | editar a fonte]Bibliografía
[editar | editar a fonte]- Alfaro Asins, C. et al. Diccionario de numismática. Ministerio de Cultura. Madrid, 2009. ISBN 978-84-8181-405-7
- Cunliffe, B. (2005). Iron Age Communities in Britain: An Account of England, Scotland and Wales from the Seventh Century BC until the Roman Conquest. 4ª ed. Routledge. ISBN 9780415562928
- De Jersey, P. (1996). Celtic Coinage in Britain. Shire Publications. ISBN 0-7478-0325-0
- Fox, M. (2013). "The Tale of the Thurrock Potins". En The Numismatist. Setembro. Páxinas 37-43.
- Gruel, K. et al. (1995). "Les potins gaulois : typologie, diffusion, chronologie". En Gallia. Vol. 52. Páxinas. 1-144.
- Nick, M. (2003). "Potin". En Reallexikon der Germanischen Altertumskunde 23. Berlín-Nova York. Páxinas 323–325.
- Nick, M. (2005). "75 kilogrammes of Celtic small coin. Recent research on the «Potinklumpen» from Zurich". En: Alfaro, C. et al. (2005). Actas del XIII Congreso Internacional de Numismática. Madrid 2003. Vol. I. Madrid. Páxinas 455-458. ISBN 84-8181-2382
- Nick, M. (2009). "Die 'Potinklumpen' von Zürich - ein Fund Verschmolzener Keltischer Münzen in der Bahnhofstrasse 1/3 aus dem Jahre 1890". En Balmer, M. (2009). Zürich in der Spätlatène- und frühen Kaiserzeit Vom keltischen Oppidum zum römischen Vicus Turicum. Zürich und Egg. Páxinas 175-194. ISBN 978-3-905681-37-6
- Stevenson, W. et al. (1889). Dictionary of Roman Coins. George Bell and Sons. Londres.