Presidio de San Francisco

Presidio de San Francisco
	(en) Presidio of San Francisco
Tipo	base militar (pt) ; xardín público; barrio
Localización
División administrativa	San Francisco, Estados Unidos de América
	37°47′53″N 122°27′57″O / 37.7981, -122.4658
Bañado por	Golden Gate (pt)
Conéctase con	Ponte Golden Gate
Características
Superficie	2,347 mi²
Lugar inscrito no Rexistro Nacional de Lugares Históricos
Tipo	NRHP building
Data	15 de outubro de 1966
Identificador	66000232
Fito histórico nacional
Data	13 de xuño de 1962
California Historical Landmark
Data	29 de marzo de 1933
Historia
Data de creación ou fundación	1 de outubro de 1994 e 1994
Actividade
Operador	Servizo Nacional de Parques; Presidio Trust (en)
Sitio web	presidio.gov

O Presidio de San Francisco (orixinalmente en castelán, El Presidio Real de San Francisco; en inglés: Royal Presidio of San Francisco) é un parque situado no extremo norte da Península de San Francisco, en San Francisco, California, e dentro da Área de Recreo Nacional Golden Gate, (Golden Gate National Recreational Area) creada en 1972, que se estende cara ao norte e o sur da ponte Golden Gate.

Historia

Historicamente foi unha zona fortificada xa que Juan Bautista de Anza en 1776 e despois José Joaquín Moraga ao servizo de Carlos III, fixo dela o centro militar para a súa expansión na zona.

Despois pasou a mans mexicanas o 10 de novembro de 1822, e aos Estados Unidos o 9 de xullo de 1846 despois da batalla de Yerba Buena.^[1] Ao final da guerra, en 1848 e converteuse no cuartel xeral de varias unidades militares, sendo a base de xenerais como: William Sherman e John Pershing.

Ao longo da década de 1890, o Presidio foi o fogar do Hospital Militar de Letterman, chamado en 1911 en homenaxe a Jonathan Letterman, médico durante a Guerra civil estadounidense.

Como parte do programa de retirada militar, o Congreso votou a fin do estado militar do Presidio en 1989 e o 1 de outubro de 1994 foi transferido ao Servizo de Parques Nacionais, poñendo fin a 219 anos de uso militar para comezar unha fase mixta de uso comercial e público.^[2] Fort Point, dentro do Presidio, estivo implicado en varios enfrontamentos militares no Pacífico. Foi o centro de defensa do oeste norteamericano durante a Segunda guerra mundial. Até o seu peche en 1995, foi a base militar continuamente operada máis longa dos Estados Unidos.

En 1996, o Congreso dos Estados Unidos creou o Presidio Trust para administrar os 80 % do interior do parque, sendo o Servizo de Parques Nacionais o xestor do 20 % restante.^[3]

O parque caracterízase polas súas áreas amplas e frondosas, outeiros ondulados, un museo,^[4] un forte de ladrillo da Guerra civil estadounidense, no que se e vistas espectaculares da ponte Golden Gate, a baía de San Francisco e o océano Pacífico. Foi recoñecido como Monumento Histórico Nacional polo Congreso en 1962.

Desde 2005, Industrial Light & Magic ten a súa sede no Letterman Digital Arts Center no Presidio de San Francisco.

Conservación

Crissy Field, un campo de aviación desaparecido situado xunto ao Presidio, foi sometido a unha importante restauración e agora serve como área de recreación pública. A zona limita co porto deportivo de San Francisco ao leste e a ponte Golden Gate ao oeste. O parque conta cunha gran cantidade de edificios (uns 800 aproximadamente), moitos deles históricos. En 2004 ao redor do 50% dos edificios do parque foron restaurados e remodelados parcialmente. O Presidio de San Francisco é o único parque nacional dos Estados Unidos que ten un amplo programa de alugueiro residencial.

Galería de imaxes

Notas

↑ NPS Red Book. nr.nps.gov (en inglés)
↑ National Park Service retrieved 2008-12-20.
↑ The Presidio Trust Recuperado o 20 de decembro de 2008.
↑ Guía Mundial de Viajes (ed.). "San Francisco: Atracciones principales" (en castellano). Arquivado dende o orixinal o 30 de maio de 2010. Consultado o 14 de marzo de 2010.

Véxase tamén

Ligazóns externas

[redbook-1] NPS Red Book. nr.nps.gov (en inglés)

[2] National Park Service retrieved 2008-12-20.

[3] The Presidio Trust Recuperado o 20 de decembro de 2008.

[guia-4] Guía Mundial de Viajes (ed.). "San Francisco: Atracciones principales" (en castellano). Arquivado dende o orixinal o 30 de maio de 2010. Consultado o 14 de marzo de 2010.

[1]

[2]

[3]

[4]