Rachel Portman

Rachel Portman

Biografía
Nacemento	(en) Rachel Mary Berkeley Portman 11 de decembro de 1960 (64 anos) Haslemere, Reino Unido (pt)
Educación	Worcester College (en) Charterhouse School (en)
Actividade
Campo de traballo	Músico
Ocupación	compositora, compositora de bandas sonoras
Xénero artístico	Banda sonora orixinal e ópera
Influencias	Wolfgang Amadeus Mozart, Franz Schubert, Johannes Brahms, John Williams, Ennio Morricone, Maurice Jarre, Jerry Goldsmith, Danny Elfman, Elmer Bernstein, Bernard Herrmann e John Barry
Familia
Cónxuxe	Uberto Pasolini (1995–2006)
Fillos	Anna Gwendolen Pasolini Dall'Onda, Giulia Ginerva Pasolini Dall'Onda, Niky Joan Pasolini Dall'Onda
Pais	Berkeley Portman   e Penélope Mowat
Premios
(2015)  Primetime Emmy Award for Outstanding Music Composition for a Series (Original Dramatic Score) (en) , premiado polo traballo Bessie (1997)  Oscar de melhor musical original (pt) , premiado polo traballo Emma (pt)  Oficial da Orde do Imperio Británico
Sitio web	rachelportman.co.uk

Rachel Mary Berkeley Portman, OBE, nada en Haslemere o 11 de decembro de 1960 é unha compositora inglesa, máis coñecida polas súas bandas sonoras.

Traxectoria

Primeiros anos

Portman naceu o 11 de decembro de 1960 en Haslemere en Surrey, Inglaterra, filla de Sheila Margaret Penelope (de solteira Mowat) Portman e Berkeley Charles Berkeley Portman.

Estudou en Charterhouse e comezou a interesarse na música dende nova, comezando a compoñer aos catorce anos.

Tras rematar a escola, Portman estudou música no Worcester College, Oxford. Alí comezou o seu interese na composición para filmes e comezou a experimentar coa escritura de música de producións de filmes e obras de teatro dos estudantes.

Carreira

A carreira de Portman na música comezou coa escritura da música para telefilmes dramáticos da BBC e Channel 4 como Oranges Are Not the Only Fruit, Four Days in July de Mike Leigh e a serie The Storyteller de Jim Henson.

Dende entón, Portman escribiu máis de cen bandas sonoras para cinema, televisión e teatro, incluídas The Manchurian Candidate (Jonathan Demme), Oliver Twist (Roman Polanski), A guerra de Hart (Gregory Hoblit), The Legend of Bagger Vance (Robert Redford), Beloved (Jonathan Demme), Benny e Joon (Jeremiah Chechik), Life Is Sweet (Mike Leigh), Never Let Me Go (Mark Romanek), Grey Gardens (Michael Sucsy), The Duchess (Saul Dibb), One Day (Lone Scherfig), The Vow (Michael Sucsy), Snow Flower and the Secret Fan (Wayne Wang), A casa do lago (Alejandro Agresti), Infamous (Douglas McGrath), O sorriso de Mona Lisa (Mike Newell) e The Human Stain (Robert Benton).

Portman é quizais máis coñecida polas bandas sonoras dos filmes Chocolat e As normas da casa da sidra.

Entre os seus outros traballos inclúense unha ópera para nenos, The Little Prince (que máis adiante foi adaptado na televisión) e Little House on the Prairie, musical baseado nos libros de Laura Ingalls Wilder Little House on the Prairie (2008). A Portman encargáronlle escribir unha peza de música coral para a serie BBC Proms en agosto de 2007.

Rachel Portman casou en 1995 con Uberto Pasolini Dall'Onda, co que tivo tres fillas, Anna Gwendolen, Giulia Ginerva e Niky Joan Pasolini Dall'Onda.

Premios e honras

O primeiro premio recibido por Portman foi como resultado de compoñer "un gran corpo de traballo" para The Storyteller, pola que recibiu o premio Anthony Asquith do British Film Institute.

Máis adiante, Portman converteuse na primeira muller que gañou un Oscar na categoría de mellor banda sonora por Emma (1996). Previamente gañaran un Oscar as compositoras Barbra Streisand (1977), Buffy Sainte-Marie (1983) e Carly Simon (1989) na categoría de mellor canción orixinal. Portman tamén foi candidata aos Óscar polas bandas sonoras de As normas da casa da sidra en 1999 e de Chocolat en 2000.

O 19 de maio de 2010, recibiu o premio Richard Kirk Award nos Premios BMI de Cinema e Televisión pola súa contribución á música de cinema e televisión. Portman foi a primeira muller que recibiu este honor.

Portman foi nomeada Oficial da Orde do Imperio Británico (OBE) nas honras de ano novo de 2010.

En 2015 Portman recibiu o Emmy á composición destacada para unha miniserie, filme ou especial polo seu traballo en Bessie.

Filmografía

• Privileged (1982)
• Reflections (1984)
• Last Day of Summer (1984)
• Four Days in July (1985)
• Sharma and Beyond (1986)
• Good as Gold (1986)
• A Little Princess (1986)
• 1914 All Out (1987)
• The Short and Curlies (1987)
• The Falklands War: The Untold Story (1987)
• 90 Degrees South (1987)
• The Storyteller (1988, serie de televisión)
• Loving Hazel (1988)
• Sometime in August (1988)
• The Woman in Black (1989)
• Young Charlie Chaplin (1989)
• Monster Maker (1989)
• Living with Dinosaurs (1989)
• Precious Bane (1989) (TV)
• Oranges Are Not the Only Fruit (1990)
• Shoot to Kill (1990)
• Life Is Sweet (1990)
• The Storyteller: Greek Myths (1990)
• The Widowmaker (1990)
• Where Angels Fear to Tread (1991)
• Antonia e Jane (1991)
• Flea Bites (1991) (TV)
• Elizabeth R: A Year in the Life of the Queen (1992, telefilme)
• Used People (1992)
• Mr. Wakefield's Crusade (1992) (TV)
• Rebecca's Daughters (1992)
• The Cloning of Joanna May (1992)
• Friends (1993)
• The Joy Luck Club (1993)
• Benny e Joon (1993)
• Ethan Frome (1993)
• Great Moments in Aviation (1993)
• The Road to Wellville (1994)
• Only You (1994)
• Sirens (1994)
• War of the Buttons (1994)
• To Wong Foo, Thanks for Everything! Julie Newmar (1995)
• Palookaville (1995)
• Smoke (1995)
• A Pyromaniac's Love Story (1995)
• O cuarto de Marvin (1996)

• Emma (1996, gañadora do Oscar á mellor banda sonora de comedia ou musical)
• The Adventures of Pinocchio (1996)
• Beauty and the Beast: The Enchanted Christmas (1997)
• Addicted to Love (1997)
• Beloved (1998)
• Home Fries (1998)
• As normas da casa da sidra (1999, candidata ao Óscar á mellor banda sonora)
• Ratcatcher (1999)
• The Other Sister (1999)
• Chocolat (2000, candidata ao Oscar á mellor banda sonora)
• The Legend of Bagger Vance (2000)
• The Closer You Get (2000)
• The Emperor's New Clothes (2001)
• Nicholas Nickleby (2002)
• The Truth About Charlie (2002)
• A guerra de Hart (2002)
• O sorriso de Mona Lisa (2003)
• The Human Stain (2003)
• The Manchurian Candidate (2004)
• Lard (2004)
• Oliver Twist (2005)
• Define Normal (2005)
• Because of Winn-Dixie (2005)
• Infamous (2006)
• A casa do lago (2006)
• H2Hope: The Water Diviner's Tale (Musical, BBC Prom 57) (2007)
• The Sisterhood of the Traveling Pants 2 (2008)
• The Duchess (2008)
• Grey Gardens (2009)
• Never Let Me Go (2010)
• Snow Flower and the Secret Fan (2010)
• One Day (2011)
• Bel Ami (2011; comparte os créditos con Lakshman Joseph De Saram)
• The Vow (2012; parte da banda sonora do filme foi composta por Michael Brook)
• Private Peaceful (2012)
• Still Life (2013)
• Paradise (2013)
• Girl Rising (documental) (2013)
• The Right Kind of Wrong (2013)
• Belle (2013; estrea ampla en 2014)
• Dolphin Tale 2 (2014)
• Bessie (2015)
• Mog's Christmas Calamity (2015)
• Despite the Falling Snow (2016)
• Their Finest (2016)
• O heroe de Berlín (2016)
• A Dog's Purpose (2017)

Véxase tamén

Ligazóns externas

• Páxina oficial
• Rachel Portman en Chester Novello
• Rachel Portman en Danish Filmmusic Society