Saltar ao contido

Rubén Rivera

Na Galipedia, a Wikipedia en galego.
Modelo:BiografíaRubén Rivera

(2012) Editar o valor en Wikidata
Nome orixinalRubén Rivera Corral
Biografía
Nacemento3 de maio de 1985 Editar o valor en Wikidata (39 anos)
A Coruña, España Editar o valor en Wikidata
Altura1,82 m.
Actividade
Ocupaciónfutbolista Editar o valor en Wikidata
Deportefútbol Editar o valor en Wikidata
Posición de xogoDianteiro
Traxectoria Editar o valor en Wikidata
  Equipo Número de partidos xogados Puntos/goles/tantos anotados
2004–2008   Deportivo Fabril 95(30)
2007–2007   Deportivo da Coruña 1(0)
2008–2012   Montañeros CF 144(58)
2012–2013 Wolfsberger AC 30(3)
2013–2014 FC Admira Wacker Mödling 8(0)
2014–2014→ cesión:    Club Deportivo Leganés 7(0)
2014–2015   Real Avilés 13(1)
2015– Club Deportivo Boiro
2015–2015   Coruxo FC 18(5)

Ruben Rivera Corral, nado na Coruña o 3 de maio de 1985, é un futbolista galego que xoga de dianteiro no CD As Pontes, da Preferente Galicia. Aínda que chegou a debutar na Primeira División co Deportivo da Coruña, desenvolveu a maior parte da súa carreira en clubs galegos da Segunda B e da Terceira, disputando preto de 700 partidos totais nos que marcou case 250 goles. Vestiu a camiseta dunha ducia de equipos, conseguindo altas cifras anotadoras no Laracha, no Fabril, no Montañeros, no Boiro e no Bergantiños. Xogou tamén na máxima categoría do fútbol austríaco, nas filas do Wolfsberger e do Admira.

Traxectoria

[editar | editar a fonte]

Comezos

[editar | editar a fonte]

Coruñés de Catro Camiños,[1] formouse na canteira do Montañeros e do Deportivo da Coruña, e rematada a súa etapa como xuvenil fichou polo Laracha, da Terceira División.[2] Ás ordes de José Luis Vara, o Laracha acabou un posto por debaixo da zona de ascenso e Rubén Rivera foi o segundo máximo goleador do Grupo I, con 19 goles, superado só polos 22 de Jonathan Carril.

Fabril

[editar | editar a fonte]

O seu gran rendemento no club da Laracha chamou a atención do Celta de Vigo, que lle realizou unha oferta ao xogador para que militase co seu filial na Segunda B. Con todo, este rexeitou o ofrecemento céltico e asinou co Fabril, da Terceira División, regresando así á disciplina deportivista.[3] Menos dun mes despois da súa chegada disputou co primeiro equipo do Deportivo a 60ª edición do Trofeo Teresa Herrera, enfrontándose en Riazor ao Peñarol uruguaio, encontro no que substituíu na segunda parte a Diego Tristán.[4]

Na súa primeira tempada no filial coruñés marcou 16 tantos, sendo o máximo goleador do equipo. Con Tito Ramallo como técnico e con xogadores como Ian Mackay, Álex Bergantiños, Dani Cancela, Carlos Pita ou Iago Iglesias, o Fabril proclamouse campión do seu grupo, con sete puntos máis que o segundo clasificado, o Lugo, pero non conseguiu o ascenso.

O Fabril repetiu título na tempada seguinte, con 12 goles de Rubén Rivera, e finalmente conseguiu o ascenso na promoción, con outros dous goles do dianteiro coruñés nas semifinais ante o Anguiano. Esa mesma tempada debutou co primeiro equipo do Deportivo en partido oficial, no encontro de ida dos cuartos de final da Copa do Rei ante o Valladolid en Riazor. O adestrador Joaquín Caparrós deulle entrada no descanso, como substituto de Riki, e o coruñés anotou o segundo dos catro goles do seu equipo (4-1).[1] Uns días despois debutou na Primeira División, xogando como titular na xornada 23 ante o Levante, partido no que formou dupla atacante xunto a Arizmendi.[5]

Na tempada 2007/08 xogou 32 partidos co Fabril na categoría de bronce, disputando a promoción de ascenso á Segunda División, aínda que a súa cifra anotadora reduciuse a só dous goles, ante Celta B e Ourense. Disputou un total de 104 partidos nos seus tres anos no filial do Dépor, nos que marcou 32 goles.

Montañeros

[editar | editar a fonte]

No verán de 2008 volveu ao Montañeros, de Terceira, onde recuperou as súas estatísticas goleadoras.[6] Contribuíu con 19 goles ao ascenso do equipo adestrado por José Ramón e foi o terceiro máximo anotador do seu grupo, só por detrás de Hugo Soto e Felipe. Xogou durante os seguintes tres anos en Segunda B, e na tempada 2011/12 foi o máximo goleador do Grupo I, empatado a 19 dianas con Joselu, aínda que non puido evitar o descenso do club e a consecuente desaparición do equipo sénior.[7][8]

Wolfsberger

[editar | editar a fonte]

A continuación puxo rumbo a Austria, onde fichou polo Wolfsberger, da Bundesliga.[8] Debutou co seu novo club na primeira rolda da Copa de Austria, marcando dous tantos na goleada por 1-8 do seu equipo sobre o Ostbahn XI.[9] Once días despois xogou o seu primeiro partido na máxima categoría da liga austríaca, ante o Austria de Viena.[10]

Marcou un triplete na segunda rolda da Copa, fronte ao Grazer AK (0-6) e conseguiu o seu primeiro gol en liga nunha derrota por 2-5 contra o SV Ried.[11] Pechou a súa única tempada no club de Carintia, cun total de 34 partidos e 9 goles.

Admira

[editar | editar a fonte]

Na tempada 2012/13 xogou noutro equipo austríaco, o Admira Wacker Mödling, da mesma categoría, ao que chegou nun intercambio por Dani Segovia.[12] Apenas tivo protagonismo no conxunto da Baixa Austria, co que disputou só 9 encontros, case todos saíndo dende o banco dos suplentes. Nas primeiras xornadas tivo como adestrador ao histórico exfutbolista Toni Polster, ata que foi destituído polos malos resultados.[13] En febreiro de 2014 Rubén Rivera deixou Austria, saíndo cedido ao Leganés, da Segunda División B.[14]

Cesión ao Leganés

[editar | editar a fonte]

No equipo madrileño tivo como adestrador a Asier Garitano, e contribuíu con sete partidos ao ascenso do club á Segunda División.

Avilés

[editar | editar a fonte]

No verán de 2014 asinou como novo xogador do Avilés, tamén de Segunda B.[15] Xogou só media tempada no conxunto avilesino, disputando un total de 15 partidos, cun gol anotado. No mercado invernal deixou Asturias e regresou a Galicia, fichando polo Coruxo.[16]

Coruxo

[editar | editar a fonte]

Debutou no club vigués marcando dous goles ante o Sporting de Gijón B, rompendo así o período de seca goleadora do equipo, que levaba 695 minutos sen conseguir anotar.[17] Marcou tres goles máis co equipo verde, para un total de 5 en 18 partidos.

Boiro

[editar | editar a fonte]

En 2015 asinou como novo xogador do Boiro, da Terceira División. Na súa primeira campaña marcou 22 goles, sendo unha peza clave para que o equipo de José Luis Lemos se proclamase campión e ascendese a Segunda B. Foi ademais o segundo máximo goleador do seu grupo, só por detrás do tamén exdeportivista Changui (24).[18] Continuou como titular indiscutible durante a campaña 2016/17, na que marcou 11 goles, e foi unha peza clave para que o equipo do Barbanza acadase a permanencia, ao marcar cinco goles nas últimas catro xornadas, nas que o Boiro conseguiu saír da zona de descenso.[19] Con todo, o club boirense acabou por ser descendido administrativamente por culpa das débedas.[20]

Bergantiños

[editar | editar a fonte]

En xuño de 2017 fichou polo Bergantiños, de Terceira.[19] Na súa primeira campaña no club de Carballo compartiu ataque con Rodri Alonso, Iago Blanco e Nacho Fernández e con 44 partidos disputados, foi o segundo xogador con máis minutos do equipo, só por detrás de Baleato.[21] Marcou 19 goles na liga, colocándose de novo entre os tres máximos goleadores do grupo (por detrás só de Javi Pazos e Primo), e anotou outro gol na promoción de ascenso, na que o seu equipo caeu ante o Atlético Cirbonero.[22]

Na seguinte campaña disputou 9 partidos menos na liga regular por mor dunha lesión de xeonllo,[23] pero acadou a mesma cifra de goles, clasificándose de novo para a promoción de ascenso, ao rematar o Bergantiños segundo por detrás do Racing de Ferrol. A lesión impediulle disputar a primeira eliminatoria ante o Covadonga, pero reapareceu para xogar na segunda, na que o club carballés perdeu contra o Villarrubia.[24] Na súa terceira e última tempada en Carballo marcou 5 goles nun total de 28 partidos e foi titular no histórico partido da Copa do Rei que o seu equipo xogou contra o Sevilla en Riazor.[25]

Montañeros

[editar | editar a fonte]

En agosto de 2020 regresou de novo ao Montañeros, da Preferente Galicia.[26] Con todo, non chegou a xogar debido á pandemia de COVID-19 que atrasou durante meses o inicio da competición, e en novembro foi cedido ao Silva, de Terceira.[27] [28]

Cesión ao Silva

[editar | editar a fonte]

Disputou 12 partidos oficiais co club de San Cristovo das Viñas, adestrado por Bardanca, marcando dous tantos, ante Arzúa e As Pontes. Ademais, en decembro participou na 75ª edición do Trofeo Teresa Herrera, como membro dun combinado coruñés que se enfrontou ao Deportivo da Coruña.[29] Foi a súa segunda participación no histórico torneo herculino, 15 anos despois de disputalo nas filas do Deportivo.

Regreso ao Montañeros

[editar | editar a fonte]

Co inicio da competición en Preferente, regresou da súa cesión e púxose ás ordes de Dani Rodríguez, ata que o adestrador deixou o equipo por mor do cancro que pouco despois lle quitou a vida.[30][31] O Montañeros clasificouse na segunda posición e disputou sen éxito a fase de ascenso, xa con Posi como adestrador, resultado similar ao que obtivo na campaña seguinte.

Na tempada 2022/23 Rivera marcou 20 goles en 35 partidos, pero o Montañeros só conseguiu ser 12º.

As Pontes

[editar | editar a fonte]

Para a tempada 2023/24 fichou polo CD As Pontes, tamén da Preferente Norte.

Estatísticas

[editar | editar a fonte]

Actualizado ata o 23 de decembro de 2023

Club Tempada Categoría Liga Copa nacional Outros[N 1] Total
Partidos Goles Partidos Goles Partidos Goles Partidos Goles
Laracha 2004/05 Terceira División 36 19 - - - - 36 19
Fabril 2005/06 Terceira División 35 16 - - 2 0 37 16
2006/07 Terceira División 31 12 - - 4 2 35 14
2007/08 Segunda División B 31 2 - - 1 0 32 2
Total club 97 30 0 0 7 2 104 32
Deportivo da Coruña 2006/07 Primeira División 1 0 2 1 - - 3 1
Montañeros 2008/09 Terceira División 36 19 - - - - 36 19
2009/10 Segunda División B 37 11 - - - - 37 11
2010/11 Segunda División B 34 9 - - 2 0 36 9
2011/12 Segunda División B 36 19 - - - - 36 19
Total club 143 58 0 0 2 0 145 58
Wolfsberger 2012/13 Bundesliga de Austia 30 3 4 6 - - 34 10
2013/14 Bundesliga de Austia 0 0 1 0 - - 1 0
Total club 30 3 5 6 0 0 35 9
Admira 2013/14 Bundesliga de Austia 8 0 1 0 - - 9 0
Leganés 2013/14 Segunda División B 7 0 0 0 0 0 7 0
Avilés 2014/15 Segunda División B 13 1 2 0 - - 15 1
Coruxo 2014/15 Segunda División B 18 5 0 0 - - 18 5
Boiro 2015/16 Terceira División 38 22 - - 4 1 42 23
2016/17 Segunda División B 34 10 1 0 4 1 39 11
Total club 76 32 1 0 8 2 85 34
Bergantiños 2017/18 Terceira División 38 19 - - 6 5 44 24
2018/19 Terceira División 31 19 - - 3 0 34 19
2019/20 Terceira División 27 5 1 0 4 0 32 5
Total club 96 43 1 0 13 5 110 48
Silva 2020/21 Terceira División 12 2 - - - - 12 2
Montañeros 2020/21 Preferente Galicia 13 3 - - - - 13 3
2021/22 Preferente Galicia 32 11 - - - - 32 11
2022/23 Preferente Galicia 32 18 - - 3 2 35 20
Total club 77 32 0 0 3 2 80 34
As Pontes 2023/24 Preferente Galicia 15 2 - - - - 15 2
Total carreira 629 227 12 7 33 11 674 245
  1. ↑ Inclúe partidos de promoción de ascenso a Segunda e a Segunda B, Copa Federación e Copa Deputación da Coruña.

Palmarés

[editar | editar a fonte]
Fabril

Notas

[editar | editar a fonte]
  1. ↑ 1,0 1,1 ""No se puede vivir de un solo partido"". La Opinión A Coruña (en castelán). 2 de febreiro de 2007. Consultado o 22 de decembro de 2023. 
  2. ↑ "Nando y Rubén Rivera fichan por el Laracha, y Lerma causa baja en Baio". La Voz de Galicia (en castelán). 23 de agosto de 2004. Consultado o 22 de decembro de 2023. 
  3. ↑ "Rubén Rivera ficha por el Dépor". La Voz de Galicia (en castelán). 21 de xuño de 2005. p. 35. 
  4. ↑ "El Deportivo conquista el Teresa Herrera". El Mundo (en castelán). 16 de agosto de 2005. Consultado o 22 de decembro de 2023. 
  5. ↑ "Deportivo y Levante se conforman con el empate". El Mundo (en castelán). 18 de febreiro de 2007. Consultado o 22 de decembro de 2023. 
  6. ↑ D. Rodríguez, Rubén (21 de outubro de 2008). "Rivera se duplica". La Opinión A Coruña (en castelán). Consultado o 22 de decembro de 2023. 
  7. ↑ Bruquetas, Antón (10 de maio de 2012). "«La temporada que hemos hecho ha sido impresionante»". La Voz de Galicia (en castelán). Consultado o 22 de decembro de 2023. 
  8. ↑ 8,0 8,1 "Rubén Rivera: «Hay que aprovechar estas oportunidades»". La Voz de Galicia (en castelán). 7 de xullo de 2013. Consultado o 22 de decembro de 2023. 
  9. ↑ "SC Ostbahn XI 1-8 Wolfsberger". Transfermarkt (en inglés). Consultado o 22 de decembro de 2023. 
  10. ↑ "Wolfsberger 0-1 Austria Viena". Transfermarkt (en inglés). Consultado o 22 de decembro de 2023. 
  11. ↑ "Wolfsberger 2-5 SV Ried". Transfermarkt (en inglés). Consultado o 22 de decembro de 2023. 
  12. ↑ "Stürmer-Deal bei der Admira: Segovia geht, Rivera kommt" (en alemán). 17 de xullo de 2013. Consultado o 22 de decembro de 2023. 
  13. ↑ "«Me arrepiento de no haberme ido antes»". La Voz de Galicia (en castelán). 22 de outubro de 2023. Consultado o 23 de decembro de 2023. 
  14. ↑ "Rubén Rivera hace un paréntesis en su aventura austríaca". La Voz de Galicia (en castelán). 4 de febreiro de 2014. Consultado o 22 de decembro de 2023. 
  15. ↑ "El Avilés ficha a Borja García, Antonio Matas y Rubén Rivera" (en castelán). 5 de agosto de 2014. Consultado o 22 de decembro de 2023. 
  16. ↑ Rodríguez, Raúl (8 de xaneiro de 2015). "El Coruxo ya tiene a su nuevo goleador". La Opinión A Coruña (en castelán). Consultado o 22 de decembro de 2023. 
  17. ↑ "El doblete de Rubén Rivera despidió los 695 minutos sin marcar del Coruxo". La Voz de Galicia (en castelán). 20 de xaneiro de 2015. Consultado o 22 de decembro de 2023. 
  18. ↑ "Goleadores Terceira 2015/16". BDFutbol (en castelán). Consultado o 22 de decembro de 2023. 
  19. ↑ 19,0 19,1 Pereira, Eder (29 de xuño de 2017). "El punta Rubén Rivera firma con el club de Carballo por dos campañas". DxT Campeón (en castelán). Consultado o 23 de decembro de 2023. 
  20. ↑ Iván Antelo (1 de xullo de 2007). "El Boiro desciende a Tercera División por las deudas". La Voz de Galicia (en castelán). Consultado o 23 de decembro de 2023. 
  21. ↑ "Bergantiños 2017-18". BDFutbol (en castelán). Consultado o 23 de decembro de 2023. 
  22. ↑ "Un gol del Cirbonero en el añadido tronzó el sueño del Bergantiños". La Voz de Galicia (en castelán). 28 de maio de 2018. Consultado o 23 de decembro de 2023. 
  23. ↑ Longueira, Toni (15 de xuño de 2019). "El Bergantiños más enchufado". La Voz de Galicia (en castelán). Consultado o 23 de decembro de 2023. 
  24. ↑ Lado, J. V. (17 de xuño de 2019). "Las ganas y la superioridad del Bergantiños fueron insuficientes". La Voz de Galicia (en castelán). Consultado o 23 de decembro de 2023. 
  25. ↑ "El Sevilla aguanta el chaparrón y pasa con un gol de Koundé ante el Bergantiños". Marca (en castelán). 18 de decembro de 2019. Consultado o 23 de decembro de 2023. 
  26. ↑ Pereira, Eder (5 de agosto de 2020). "El delantero Rubén Rivera regresa a ‘casa’". DxT Campeón (en castelán). Consultado o 23 de decembro de 2023. 
  27. ↑ "Ruben Rivera, nuevo jugador del #Silva2021" (en castelán). 12 de novembro de 2020. Consultado o 23 de decembro de 2023. 
  28. ↑ "Rubén Rivera, el hombre gol que le faltaba al Silva". DxT Campeón (en castelán). 12 de novembro de 2020. Consultado o 23 de decembro de 2023. 
  29. ↑ "O fútbol coruñés conserva o torneo máis antigo do mundo". 20 de decembro de 2020. Consultado o 23 de decembro de 2023. 
  30. ↑ "Ruben Rivera regresa al Atlético Coruña Montañeros" (en castelán). 30 de marzo de 2021. Consultado o 23 de decembro de 2023. 
  31. ↑ "Descansa en paz, Dani". DxT Campeón (en castelán). 29 de xaneiro de 2022. Consultado o 23 de decembro de 2023. 

Véxase tamén

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Rubén_Rivera&oldid=6896664»