Saint Kitts e Nevis

Saint Kitts e Nevis

Federation of Saint Kitts and Nevis (en)
Bandeira Brasón
Himno	Oh Land of Beauty! (pt)
Lema	«Country Above Self (en) »
Localización
17°16′18″N 62°40′00″O
Capital	Basseterre
Contén a división administrativa	Christ Church Nichola Town (pt) Saint Anne Sandy Point (pt) Saint George Basseterre (pt) Saint George Gingerland (pt) Saint James Windward (pt) Saint John Capisterre (pt) Saint John Figtree (pt) Saint Mary Cayon (pt) Saint Paul Capisterre (pt) Saint Paul Charlestown (pt) Saint Peter Basseterre (pt) Saint Thomas Lowland (pt) Saint Thomas Middle Island (pt) Trinity Palmetto Point (pt)
Poboación
Poboación	55.345 (2017) (205,47 hab./km²)
Lingua oficial	lingua inglesa
Xeografía
Parte de	Antillas Menores Caribe lista negra dos paraísos fiscais da Unión Europea (2018–2018)
Superficie	269,358763 km²
Punto máis alto	Monte Liamuiga (pt) (1.156 m)
Punto máis baixo	Mar Caribe (0 m)
Comparte fronteira con	Venezuela Reino Unido
Datos históricos
Creación	27 de febreiro de 1967
Evento clave 12 de febreiro de 1782 Siege of Brimstone Hill (en)
Organización política
Forma de goberno	monarquía constitucional monarquía federal
• Monarca	Carlos III do Reino Unido (2022–)
• Prime Minister of St Kitts and Nevis (en)	Terrance Drew (pt) (2022–)
Órgano lexislativo	Assembleia Nacional (São Cristóvão e Neves) (pt) , (Escano: 15)
Membro de	Tratado de non proliferación de armas nucleares Caribbean Development Bank (en) Alianza dos Pequenos Estados Insulares ../... 22+
PIB nominal	860.844.444 $ (2021)
Moeda	Dólar Caribe-Leste
Identificador descritivo
Fuso horario	UTC−04:00 America/St_Kitts (en)
Dominio de primeiro nivel	.kn
Prefixo telefónico	+1869
Teléfono de emerxencia	911
Código de país	KN
Outro
Irmandado con	Condado de Miami-Dade (pt)
Sitio web	gov.kn

Saint Kitts e Nevis (ⁱ/-ˈkɪts ... ˈniːvɪs/) (en inglés: Saint Kitts and Nevis e oficialmente Saint Christopher and Nevis) é un país do Caribe, constituído polas illas de Saint Kitts, ou Saint Christopher, e Nevis. Os territorios veciños máis próximos son as Antillas Holandesas no noroeste, Antiga e Barbuda polo leste e sueste, e Saint-Barthélemy, unha dependencia de Guadalupe, no norte. É o estado soberano máis pequeno no hemisferio occidental, tanto en superficie como en poboación. O país é un reino da Commonwealth, con Carlos III do Reino Unido como rei e xefe do Estado.

A súa capital é Basseterre na illa máis grande de Saint Kitts. A pequena illa de Nevis está aproximadamente a 3 km. ao sueste a través dunha canle pouco profunda chamada The Narrows.

A dependencia británica de Anguila tamén foi parte desta unión, que entón era coñecida colectivamente como Saint Christopher-Nevis-Anguila, así a todo optou por apartarse da unión e segue sendo un Territorio Británico de Ultramar. Ao norte-noroeste atópanse as illas de Santo Eustaquio, Saba, Saint-Barthélemy, Saint-Martin / Sint Maarten e Anguila. Ao leste e ao nordés atópanse Antiga e Barbuda, e ao sueste a pequena illa deshabitada de Redonda (parte de Antiga e Barbuda) e a illa de Montserrat.

Saint Kitts e Nevis foron as primeiras illas do Caribe en colonizarse polos europeos. Saint Kitts foi o fogar das primeiras colonias británicas e francesas do Caribe, e así foi tamén chamada "A Colonia Nai das Indias Occidentais". ^{[Cómpre referencia]}

Historia

Artigo principal: Historia de Saint Kitts e Nevis.

Saint Kittts, ou San Cristovo, denominábana os nativos orixinarios Liamuiga mentres Nevis recibía orixinarimamente o nome de Oualie, "terra das augas belas". Cristovo Colón avistou Nevis o 1493.

As illas tornáronse colonias do Reino Unido no 1624. Nevis foi colonizada no 1628 con colonos orixinarios de Saint Kitts. A pesar de separadas por apenas 3 km de auga, as dúas illas foron colonias separadas ata o final do século XIX, cando foron unidas entre si e a Anguila.

San Cristovo, Nevis e Anguila, tornáronse un Estado en conxunto, con autonomía interna completa en 1967. Anguilla rebelouse e foi permitida súa separación en 1971. San Cristovo e Nevis conseguiron a súa independencia en 1983. En agosto do 1998, celebrouse un referendo de autodeterminación en Nevis, os votos favorables á secesión non chegaron aos dous terzos requiridos pola constitución. En setembro do mesmo ano, o furacán Georges causou aproximadamente 445 millóns de dólares en danos, e limitou o crecemento do PIB para aquel ano.

Política

Artigo principal: Política de Saint Kitts e Nevis.

Como a maior parte dos países que integran a Mancomunidade Británica de Nacións, o xefe de Estado das illas segue sendo o monarca británico, o cal elixe un Gobernador Xeral residente para que lle represente nos asuntos locais. Desde o 1 de xaneiro de 1996 o Gobernador Xeral das illas é Cuthbert Montraville Sebastian. O xefe de goberno é o Primeiro Ministro Denzil Douglas, que é tamén líder do partido que ten a maioría no parlamento.

O Parlamento unicameral (National Assembly, Asemblea Nacional) ten 14 membros, sendo 11 elixidos directamente pola poboación (3 da illa de Nevis) e 3 senadores, que son indicados polo Gobernador Xeral.

O país forma parte do Caricom e da Organización dos Países do Caribe-Leste (OECS).

Subdivisións

Artigo principal: Subdivisións de Saint Kitts e Nevis.

Hai 14 subdivisións ou parroquias nas dúas illas:

San Cristovo (Saint Kitts)

Christ Church Nichola Town - Saint Anne Sandy Point - Saint George Baseterre - Saint John Capisterre - Saint Mary Cayon - Saint Paul Capisterre - Saint Peter Baseterre - Saint Thomas Middle Island - Trinity Palmetto Point.

Nevis

Saint George Gingerland - Saint James Windward - Saint John Figtree - Saint Paul Charlestown - Saint Thomas Lowland -

Parroquias	Capital	Poboación	Superficie (km2)	Poboación densidade por km2	Illa
Christ Church Nichola Town	Nichola Town	1,922	18	107	Saint Kitts
Saint Anne Sandy Point	Sandy Point Town	2,626	13	202	Saint Kitts
Saint George Basseterre	Basseterre	12,635	29	436	Saint Kitts
Saint John Capisterre	Dieppe Bay Town	2,962	25	118	Saint Kitts
Saint Mary Cayon	Cayon	3,435	15	229	Saint Kitts
Saint Paul Capisterre	Saint Paul Capisterre	2,432	14	174	Saint Kitts
Saint Peter Basseterre	Monkey Hill	4,670	21	222	Saint Kitts
Saint Thomas Middle Island	Middle Island	2,535	25	101.4	Saint Kitts
Trinity Palmetto Point	Trinity	1,701	16	106	Saint Kitts
Saint George Gingerland	Market Shop	2,496	18	139	Nevis
Saint James Windward	Newcastle	2,038	32	64	Nevis
Saint John Figtree	Figtree	3,827	22	174	Nevis
Saint Paul Charlestown	Charlestown	1,847	4	462	Nevis
Saint Thomas Lowland	Cotton Ground	2,069	18	115	Nevis

Xeografía

Artigo principal: Xeografía de Saint Kitts e Nevis

Mapa do país.

Nevis vista desde Saint Kitts

O país está formado por dúas illas antillanas principais, Saint Kitts e Nevis, separadas por unha distancia de 3 km. polo estreito de The Narrows. Ambas son de orixe volcánica, con grandes picos centrais cubertos de selva tropical. A maioría da poboación vive ao longo das zonas costeiras máis planas. St Kitts contén varias cadeas montañosas (a North West Range, Central Range e South-West Range) no seu centro, onde está o pico máis alto do país, o Monte Liamuiga con 1156 m.. Ao longo da costa leste pódense atopar os outeiros Canadá e Conaree. A terra estreitase considerablemente no sueste, formando unha península moito máis plana que contén a maior masa de auga, a Great Salt Pond. Ao sueste, en The Narrows, atópase a pequena illa de Booby Island. Son numerosos os ríos que descenden das montañas de ambas illas, que proporcionan auga doce á poboación local. Nevis, a máis pequena das dúas illas principais e de forma aproximadamente circular, está dominada polo Nevis Peak 985 m.

O clima das illas é tropical húmido cunha media de 26,7 graos durante todo o ano.

É o país máis pequeno de América.

Economía

Artigo principal: Economía de Saint Kitts e Nevis

O turismo e as finanzas internacionais son a fonte principal de ingresos para a súa poboación.

San Cristovo e Nevis é membro da Comunidade do Caribe (Caricom). A Suprema Corte do Caribe Oriental encárgase dos seus asuntos xudiciais e a súa moeda é o dólar do Caribe Oriental.

Demografía

Artigo principal: Demografía de Saint Kitts e Nevis.

A poboación das illas está composta na súa maioría por negros descendentes dos escravos traídos da África Occidental.

A maioría da poboación é cristiá, principalmente anglicanos, aínda que tamén existen outras confesións protestantes e a igrexa católica.

O inglés é o principal idioma, aínda que tamén se fala o patois.