Salamandroideos
| Salamandroideos Salamandroidea Rango fósil: xurásico tardío - actualidade[1] 157 Ma - 0 Ma | |||||||||||||||||
|---|---|---|---|---|---|---|---|---|---|---|---|---|---|---|---|---|---|
 Salamandra atra | |||||||||||||||||
| Clasificación científica | |||||||||||||||||
| |||||||||||||||||
| Familias e Subfamilias | |||||||||||||||||
| |||||||||||||||||
A dos salamandroideos (Salamandroidea) é unha suborde de anfibios caudados que comprende as chamadas salamántigas avanzadas.
Os primeiros salamandroideos fósiles coñecidos son exemplares da especie Beiyanerpeton jianpingensis, datada no xurásico tardío, hai aproximadamente 157 millóns de anos.[1][2]
Características
[editar | editar a fonte]Diferéncianse das especie da suborde dos criptobrancoideos (e da nova, e discutida, suborde dos sirenoideos) en que teñen fusionados os ósos angular e prearticular na mandíbula, e en que todos presentan fecundación interna.[3]
Outra característica distintiva dos salamandroideos é o seu número de vértebras e o variadas que son. As vértebras destes animais presentan detrás do corpo unha concavidade, as apófises espiñosas e articulares son pouco saíntes, horizontais, e as apófises trasversas levan nunha lixeira bifurcación tuberculada, rudimentos de costelas que nunca se unen co rudimentario esterno. As vértebras da cola varían en número segundo as especie e, en canto á súa forma son case semellantes ás demais, sobre todo as primeiras. Os salamandroideos son, pois, os urodelos cuxo esqueleto se compón de maior número de pezas.[4]
Distribución
[editar | editar a fonte]Os membros desta suborde encóntranse en todo o mundo excepto na Antártida, na África subsahariana e en Oceanía.[3]
Bioloxía
[editar | editar a fonte]A femia é fecundada por medio dun espermatóforo, unha cápsula que contién os espermatozoides e que o macho coloca na cloaca da femia. O esperma almacénase na chamada espermateca, no teito da cloaca até que chega o momento da posta.[5]
Taxonomía
[editar | editar a fonte]Descrición
[editar | editar a fonte]A suborde foi descrita en 1826 polo zoólogo austríaco Leopold Fitzinger, aínda que algúns autores atribúenlla ao zoólogo estadounidense Gladwyn Kingsley Noble, en 1931 (se cadra, polas diferenzas de Fitzinger cos criterios de clasificación de Linneo).
Etimoloxía
[editar | editar a fonte]O nome científico Salamandroidea está formado, como é obvio, pola raíz do nome do seu xénero tipo, Salamandra, engadíndolle a desinencia do latín científico -oidea, plural neutro de -oideus, derivada do grego antigo εἴδος eídos, "aspecto", "aparencia", "forma", coa vogal epentética (de unión) -o-, pata facilitar a pronuncia, usada na formación de moitos nomes de ordes e subordes de animais.[6][7]
Clasificación
[editar | editar a fonte]Segundo o National Center for Biotechnology Information (Centro Nacional para a Información Biotecnolóxica), a suborde comprende as seguintes familias e subfamilias:[8]
- Suborde Salamandroidea
- Familia Ambystomatidae
- Familia Amphiumidae
- Familia Dicamptodontidae
- Familia Plethodontidae
- Subfamilia Hemidactyliinae
- Subfamilia Plethodontinae
- Familia Proteidae
- Familia Rhyacotritonidae
- Familia Salamandridae
- Subfamilia Pleurodelinae
- Subfamilia Salamandrinae
- Subfamilia Salamandrininae
Galería de imaxes
[editar | editar a fonte]-
Ambystoma jeffersonianum -
Espermatóforo de Ambystoma sp. -
Amphiuma tridactylum -
Batrachoseps gregarius -
Pseudotriton ruber -
Salamandra corsica
.JPG)
Notas
[editar | editar a fonte]- ↑ 1,0 1,1 Anderson, J. S. (2012). "Fossils, molecules, divergence times, and the origin of Salamandroidea". Proceedings of the National Academy of Sciences 109 (15): 5557. doi:10.1073/pnas.1202491109.
- ↑ Gao K.-Q. and Shubin, N. H. (2012): "Late Jurassic salamandroid from western Liaoning, China". Proceedings of the National Academy of Sciences (advance online publication). doi 10.1073/pnas.1009828109 [1] Arquivado 15/09/2019, en Wayback Machine.
- ↑ 3,0 3,1 Miller, Jessica J. "Caudate Families (Newts & Salamanders)". Livingunderworld.org. Arquivado dende o orixinal o 16-10-2007. Consultado o 3-04-2017.
- ↑ Batracios Arquivado 04 de abril de 2017 en Wayback Machine. Tomado de Biblioteca Ilustrada de Gaspar y Roig. Los Tres Reinos de la Naturaleza. Museo Pintoresco de Historia Natural. Tomo 4 (traducido de Buffon). Madrid, 1863, Imprenta de Gaspar y Roig, Editores.
- ↑ Sever, David M.; Stanley E. Trauth (abril 1990). "Cloacal Anatomy of Female Salamanders of the Plethodontid Subfamily Desmognathinae (Amphibia: Urodela)". Transactions of the American Microscopical Society 109 (2): 193–204. JSTOR 3226814. doi:10.2307/3226814.
- ↑ Superfamilia: Salamandroidea Fitzinger, 1826 en Animalandia. Etimoloxía tomada do Diccionario etimológico de Pedro Romero.
- ↑ Salamandroidea no Merriam-Websrers Dictionary.
- ↑ Salamandroidea no NCBI.
Véxase tamén
[editar | editar a fonte] |
Wikimedia Commons ten máis contidos multimedia na categoría: Salamandroideos |
 |
Wikispecies posúe unha páxina sobre: Salamandroideos |
Bibliografía
[editar | editar a fonte]- Larson, A. (1991): "A molecular perspective on the evolutionary relationships of the salamander families". Evolutionary Biology 25: 211-277.
- Vitt, Laurie J. & Janalee P. Caldwell (2014): Herpetology: An Introductory Biology of Amphibians and Reptiles. 4th Edition. San Diego, California, USA: Academic Press. ISBN 978-0-1238-6919-7.
- Zug, G. R. (1993): Herpetology: an introductory biology of amphibians and reptiles. San Diego, California, USA: Academic Press.
Outros artigos
[editar | editar a fonte]Ligazóns externas
[editar | editar a fonte]- Salamandroidea Arquivado 03 de marzo de 2016 en Wayback Machine. en Fauna Europaea. (Nota: Fauna Europaea considera este taxon como superfamilia).
- Salamandroidea no NCBI.
- Salamandroidea Arquivado 04 de abril de 2017 en Wayback Machine. en Fossilworks.
- Salamandroidea na EOL.
| Control de autoridades |
|
|---|
