Para Vigo me voy
| "Para Vigo me voy" | ||
|---|---|---|
| single de Xavier Cugat, Lecuona Cuban Boys e moitos outros | ||
| Lanzamento | {{{lanzamento}}} | |
| Formato | {{{formato}}} | |
| Gravada | {{{gravación}}} | |
| Xénero musical | {{{xénero}}} | |
| Lingua(s) | {{{lingua}}} | |
| Duración | {{{duración}}} | |
| Discográfica | Victor Talking Machine Company | |
| Produtor(es) | ||
| Escritor(es) | Ernesto Lecuona | |
| Miscelanea | {{{miscelanea}}} | |
"Para Vigo me voy", coñecida en inglés como "Say Si Si", é unha canción popular escrita en 1935 polo compositor cubano Ernesto Lecuona con letras por Francia Luban (versión orixinal en castelán) e Al Stillman (versión traducida a lingua inglesa). Entre as primeiras bandas que gravaron a canción están a orquestra de Xavier Cugat (1935) e Lecuona Cuban Boys (1937). A canción rexistrouse con dereitos de autor de copyright nos Estados Unidos en 1940. Converteuse nun éxito nos EUA cando foi gravada por The Andrews Sisters e Glenn Miller en 1940, e The Mills Brothers en 1953.
Estilo
[editar | editar a fonte]Os lanzamentos que inclúen "Para Vigo me voy" adoitan etiquetar a canción como "conga", ou en ocasións como "rumba". Así, considérase un primeiro exemplo de "conga de salón" ou "conga de salón de baile",[1]na mesma liña que as famosas "rumbas de salón de baile" como " The Peanut Vendor" ("El manisero"). Segundo o musicólogo Alberto Pérez Perazzo, "Para Vigo me voy" é unha das primeiras cancións populares cun verdadeiro ritmo de conga.[2]
Rexistros
[editar | editar a fonte]Unha das primeiras gravacións de "Para Vigo me voy" foi realizada por Xavier Cugat e a súa orquestra coa vocalista Desi Arnaz en decembro de 1935 para Victor TMC. Cugat volveu gravar a canción en 1945.[3] En 1937, Lecuona Cuban Boys, a banda de rumba de salón creada polo propio Ernesto Lecuona, gravou a canción para Columbia cunha gravación de 1936 de "Patica y Mondonguito" como cara B.[4]
Os artistas estadounidenses populares que gravaron a canción inclúen The Andrews Sisters, Glenn Miller e a súa orquestra e The Mills Brothers . Ademais, a canción apareceu en varias películas como It Comes Up Love (cantada por Gloria Jean e The Guadalajara Trio, acompañada por Leon Belasco e a súa orquestra).
A versión das Andrews Sisters (no selo Decca Records 3013), gravada o 7 de febreiro de 1940 e publicada en febreiro de 1940)[5] foi a versión máis popular. Entrou nas listas de Billboard dos Estados Unidos o 30 de marzo de 1940, alcanzando unha posición máxima do número 4.[6] Esta versión tamén foi reeditada baixo o selo Decca 25098 en 1948 despois de que fose incluída na película When My Baby Smiles at Me.
A versión de Glenn Miller, con voz de Marion Hutton (co selo Bluebird Records 10622), gravouse o 26 de xaneiro de 1940 e tamén se publicou en 1940. Alcanzou o posto 15 nas listas de Billboard.
A gravación dos Mills Brothers (en Decca Records, selo 28670) gravouse o 24 de febreiro de 1953.[7] Foi lanzado en maio de 1953 e alcanzou o posto número 12 nas listas de Billboard. En 1985, Art of Noise usou como sampler o inicio desta gravación para "Legs".
Outras versións
[editar | editar a fonte]
Segundo a Colección de Música Popular Cubana e Latinoamericana Díaz Ayala das Bibliotecas Universitarias Internacionales de Florida, os seguintes artistas gravaron "Para Vigo me voy":
- Johnny Rodríguez (1936)
- Lorenzo Pego y su Orquesta (1936)
- Manuel Escalona (1936)
- Orquesta Obregón (1936)
- Leo Reisman (1937)
- Francisco Lomuto (1937)
- Marimba Panamericana (1937)
- Nilo Menéndez (1938)
- Henry King (1938)
- Diosa Costello (1940)
- Marcos Rosales (1940)
- Noro Morales (1945)
- Frank Damirón (1948)
- Miguelito Valdés (1950)
- Tony-Armand (1952)
- Pearl Bailey (1954)
- Billo's Caracas Boys (1954)
- Varela Varelita y su Orquesta de Jazz (1954)
- Humberto Suárez (1955)
- Julio Gutiérrez & Cuarteto Faxas (1956)
- Oquesta Havana Casino (1956)
- Félix Guerrero (1956)
- Dan Davis (1956)
- Lawrence Welk (1957)
- Bing Crosby & Rosemary Clooney coa Billy May's orchestra para Fancy Meeting You Here (1958)
- Carlos Barbería y su Orquesta Kubavana (1959)
- Toni Arden (1959)
- Orquesta D'Artega (1960)
- Chapuseaux y Damirón, Chucho Rodríguez, Antonio Matas, Chamaco García, Ñico Membiela, Huberal Herrera, René Cóspito, Everardo Ordaz, Hugo Avendaño, Juan Bruno Tarraza (1964)
- Bing Crosby para Bing Crosby's Treasury - The Songs I Love (1968 version) (1968)
- César Morales (1968)
- Mariano Mercerón (1975)
- Alfredo Sadel (1978)
- Los Guaracheros de Oriente (1980)
- Carlos Nuñez & La Vieja Trova Santiaguera (1996)
- Alfredo Kraus (1996)
- Compay Segundo (1998)
- Bebo Valdés (2000), como última canción de El Arte del Sabor (nun medley con "Adiós Panamá", tamén de Lecuona).[8]
Festival
[editar | editar a fonte]Na cidade de Vigo celebrouse o homónimo festival "Para Vigo me voy" por primeira vez no ano 2000 e durante seis edicións consecutivas até 2005. Posteriormente considerouse a súa recuperación en 2011.[9]
Notas
[editar | editar a fonte]- ↑ Moore, Robin Dale (1998-01-15). Nationalizing Blackness: Afrocubanismo and Artistic Revolution in Havana, 1920–1940 (en inglés). University of Pittsburgh Pre. p. 110. ISBN 978-0-8229-7185-6.
- ↑ Pérez Perazzo, Alberto (1988). Ritmo afrohispano antillano, 1865-1965. Editorial Sucre. p. 75.
- ↑ "Sección 02" (PDF). latinpop.fiu.edu: Encyclopedic Discography of Cuban Music 1925-1960.
- ↑ "Sección 03" (PDF). Encyclopedic Discography of Cuban Music 1925-1960.
- ↑ Warner, Jay (2006). American Singing Groups: A History from 1940s to Today. Hal Leonard Corporation. p. 8. ISBN 978-0634099786.
- ↑ "Songs from the Year 1940". tsort.info. Consultado o 2025-02-22.
- ↑ The Decca Labels: The California sessions (en inglés). Greenwood Press. 1996. p. 473. ISBN 978-0-313-29984-1.
- ↑ Díaz Ayala, Cristóbal (Fall 2013). "Volume 2 - 1925-1960". Encyclopedic Discography of Cuban Music. Florida International University Libraries. Consultado o June 21, 2015.
- ↑ Redacción (2011-06-23). "La vuelta del PSOE a Cultura recupera 'Para Vigo me voy'". Atlántico (en castelán). Consultado o 2025-02-22.
