Sharp Corporation

Sharp Corporation
Sede de Sharp en Osaka, Xapón.
Tipo	Sociedade Anónima
Fundación	1912 Toquio, Xapón
Localización	Abeno-ku, Osaka, Xapón
Fundador	Tokuji Hayakawa
Persoas clave	Takashi Okuda (Presidente) Mikio Katayama (Director)
Industria	Electrónica
Produtos	Electrónica Telecomunicacións Tv LCD Teléfonos móbiles Células solares Circuítos integrados
Número de empregados	57.200 (2012)
Na rede
https://global.sharp
[ editar datos en Wikidata ]

Sharp Corporation (シャープ株式会社, Shāpu Kabushiki-gaisha) é unha corporación xaponesa que deseña, fabrica e comercializa produtos electrónicos. A empresa foi fundada en 1912 e toma o nome dun dos seus primeiros inventos: o portaminas, en inglés: Ever-Sharp mechanical pencil (lapiseiro sempre afiado) inventado en 1915 por Tokuji Hayakawa fundador de Sharp.

Sharp é unha das máis grandes empresas fabricantes de televisores do mundo despois de Samsung, LG e Sony.

En 2007, Sharp tomou o control de Pioneer. En 2009 asociáronse para crear Pioneer Digital Design and Manufacturing Corporation, unha asociación no sector dos soportes ópticos.

Historia

Calculadora Sharp

As orixes da empresa están nun pequeno obradoiro mecánico fundado en 1912 por Tokuji Hayakawa (早川 徳次). O primeiro dos seus moitos inventos foi unha presilla broche chamada 'Tokubijo'. O invento que deu nome á empresa foi o fío (sharp) que sempre tiñan os seus portaminas. O negocio dos lapiceiros automáticos foi destruído polo gran terremoto de Kantō en 1923, e a empresa mudouse para Osaka. Alí comezou a traballar no deseño de aparellos de radio que saíron ao mercado no ano 1925. En 1953 comezou a fabricar televisores.

En 1964, Sharp fabricou a primeira calculadora transistorizada do mundo. Tardou varios anos para desenvolver o produto, xa que non tiña experiencia na fabricación de dispositivos de cómputo nese momento. Dous anos máis tarde, en 1966, Sharp presentou a súa primeira calculadora de circuítos integrados utilizando 145 circuítos integrados bipolares Mitsubishi. En 1969 presentou a primeira calculadora LSI.

Outro avance importante foi a presentación en 1973 da pantalla LCD, tecnoloxía que aínda continúa a fabricar Sharp.

En marzo de 2012, a compañía de electrónica Hon Hai (comunmente coñecida como Foxconn) acordou mercar unha participación do 10 por cento en Sharp Corporation por 806 millóns de dólares, e a compra de ata o 50 por cento das pantallas LCD producidas na factoría de Sharp en Sakai, Xapón.

Sharp en España

Sharp abriu delegación en España en 1989 para fabricar televisores e outros produtos para o mercado europeo. En 2012 instalou en Cornellà de Llobregat (Barcelona) un centro de excelencia I+D+i desde onde se desenvolverán os futuros produtos de catálogo de televisores LCD Aquos da marca en Europa.

Véxase tamén

Ligazóns externas

• Páxina web de Sharp (en varias linguas)