Skinny Girl Diet
| Skinny Girl Diet | |
|---|---|
.jpg) Ursula Holliday | |
| Orixe | Londres,  Inglaterra |
| Xénero(s) | punk rock, grunge |
| Selo(s) discográfico(s) | Fiasco Recordings, HHBTM Records |
| Membros | Delilah Holliday Ursula Holliday |
| Antigos membros | Amelia Cutler |
| Na rede | |
          | |
Skinny Girl Diet é unha banda inglesa de punk rock, descrita a miúdo como riot grrrl, formada en Londres. O grupo está composto por dúa irmás, a guitarrista, compositora e vocalista Delilah Holliday e a batería Ursula Holliday.
Historia
[editar | editar a fonte].jpg)
As irmás Delilah e Ursula Holliday tocaran xuntas nun dúo chamado Typical Girls antes de formar Skinny Girl Diet coa súa curmá Amelia Cutler ao redor do ano 2010 ao principio da súa adolescencia.[1][2] O nome é unha referencia ao feminismo pro obesidade.[1] Amelia deixou o grupo en 2017, deixando ás irmás Holliday como un dúo.
Skinny Girl Diet realizou a súa primeira actuación como abreconcertos da antiga guitarrista de The Slits Viv Albertine.[3] Dende entón a banda vén sendo coñecida polo seu enfoque actualizado dos ideais feministas e do punk asociados co movemento riot grrrl dos anos 90.[4] A súa compoñentes teñen falado sobre a falta de músicas femininas na industria musical actual, así como sobre outros temas de igualdade nun contexto feminista contemporáneo.[5]
O grupo tamén colaborou coa exposición "Female Matters" para conseguir fondos e sensibilizar sobre a loita contra a ablación do clítoris.[6]
En 2015 a revista Billboard incluíu a Skinny Girl Diet na súa lista das "20 bandas de mulleres que necesitas coñecer", e tamén apareceu na portada no número de primavera de The Beat.[7]
Discografía
[editar | editar a fonte]Álbums
[editar | editar a fonte]| Álbum | Ano | Selo |
|---|---|---|
| Heavy Flow | 2016 | Fiasco Recordings, HHBTM Records |
| Ideal Woman | 2019 | Fiasco Recordings, HHBTM Records |
Notas
[editar | editar a fonte]- ↑ 1,0 1,1 MacWilliam, Kat Aileen & Keenan (2017-04-05). "Skinny Girl Diet Is the Punk Trio Making Feminist Music for 'Freaks and Weirdos'". Vice (en inglés). Consultado o 2020-01-04.
- ↑ "Ursula Holliday of Skinny Girl Diet | Tom Tom Magazine" (en inglés). Consultado o 2020-01-04.
- ↑ "Aesthetic: Skinny Girl Diet". Crack Magazine. Consultado o 2020-01-04.
- ↑ Diet, Skinny Girl (2015-04-28). "Skinny Girl Diet: "Riot Grrrl Was a Movement, Not a Fashion Fad"". Vice (en inglés). Consultado o 2020-01-04.
- ↑ Garland, Emma (2014-11-06). "How Has Riot Grrrl Informed Modern Feminism and Punk?". Vice (en inglés). Consultado o 2020-01-04.
- ↑ Weinstock, Tish (2015-05-22). "ovaries are stronger than balls: in conversation with delilah holliday". i-D (en inglés). Consultado o 2020-01-04.
- ↑ "20 All-Female Bands You Need To Know". Billboard. Consultado o 2020-01-04.
