Symphurus nigrescens
| Symphurus nigrescens Lingua escura | |||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||||||||
| Clasificación científica | |||||||||||||||||||||||||||
| |||||||||||||||||||||||||||
| Nome binomial | |||||||||||||||||||||||||||
| Symphurus nigrescens Rafinesque, 1810 [1] | |||||||||||||||||||||||||||
Symphurus nigrescens é unha especie de peixe teleósteo da orde dos pleuronectiformes, suborde dos pleuronectoideos, familia dos cinoglósidos e subfamilia dos sinfurinos, coñecida en galego como lingua escura.[2]
Taxonomía
[editar | editar a fonte]A especie foi descrita por primeira vez en 1810 polo naturalista estadounidense de orixe franco-xermana-italiana Constantine Samuel Rafinesque.[1]
Sinónimos
[editar | editar a fonte]Ao longo do tempo, esta especie foi coñecida, ademais de polo nome orixinario que lle outorgou Rafinesque, e que é o actualmente válido, polos seguintes sinónimos:[1]
- Ammopleurops lacteus (Bonaparte, 1833)
- Plagusia lactea Bonaparte, 1833
Características
[editar | editar a fonte]As principais características morfolóxicas da especie son:[3][4]
- Corpo ovalado, deprimido, de até os 12 cm como máximo.
- Este corpo, como en todos os peixes planos, é asimétrico, cos ollos situados nun só lado, o lado ocular ou pigmentado (que, neste caso, como en todos os Symphurus é o esquerdo), mentres que o outro lado é despigmentado (lado cego).
- Os ollos son pequenos e están moi próximos un do outro.
- O corpo é bastante ancho na parte central, pero rapidamente vaise estreitando cara á parte posterior.
- As aletas dorsal e anal están fusionadas coa caudal, como entoas as especies do xénero.
- Así mesmo, como as aletas pectorais están ausentes, o mesmo que a liña lateral.
- A aleta dorsal ten un máximo de 90 raios.
- As escamas son pequenas e caen facilmente.
Hábitat e distribución
[editar | editar a fonte]- Hábitat
É unha especie mariña, bentónica, demersal, que vive en fondos areosos e lamacentos da plataforma e o talude continentais de entre os 20 aos 1140 m de profundidade (aínda que non adoita superar os 300 m, nin remontarse a máis de 50 m de profundidade.[3][4]
- Distribución
Habita en augas tropicaise subtropicais do océano Atlántico oriental, desde os 45° N aos 17°S, e dos 32 °W aos 36° E, desde Galicia e Portugal até Angola, incluíndo as illas Azores, Santa Helena e da Ascensión,[4] e no mar Mediterráneo, onde non é moi común.
Bioloxía
[editar | editar a fonte]- Nutrición
Aliméntase dunha ampla gama de invertebrados bentónicos.[3]
- Reprodución
A freza ten lugar en primavera e o verán, entre os meses de abril e agosto.[3]
Pesca
[editar | editar a fonte]A lingua escura é un peixe comestíbel e, aínda que de escaso valor económico, péscase nas zonas onte habita.[2]
En Galicia
[editar | editar a fonte]A presenza da especie foi citada en 1983 por A. C. Fariña e outros en fondos da plataforma continental inferiores aos 200 m, desde Fisterra até a Estaca de Bares, no traballo "Peces de los fondos de arrastre de la plataforma continental de Galicia". II Jornadas de Ictiología Ibérica, Barcelona, 23-28 de maio de 1983.[3]
Notas
[editar | editar a fonte]Véxase tamén
[editar | editar a fonte]Bibliografía
[editar | editar a fonte]- Desoutter, M. (1990): "Cynoglossidae". En: J. C. Quéro, J. C. Hureau, C. Karrer, A. Post e L. Saldanha, eds. Check-list of the fishes of the eastern tropical Atlantic (CLOFETA). JNICT, Lisboa; SEI, París; e UNESCO, París. Vol. 2. pp. 1050-1054.
- Lahuerta Mouriño, F. e Vázquez Álvarez, F. X. (2000): Vocabulario multilingüe de organismos acuáticos. Santiago de Compostela: Xunta de Galicia. ISBN 84-453-2913-8.
- Moyle, P. & J. Cech (2000): Fishes: An Introduction to Ichthyology, 4a. edición, Upper Saddle River, New Jersey, USA: Prentice-Hall.
- Nelson, Joseph S. (2006): Fishes of the World. Nova York: John Wiley & Sons, Inc. ISBN 0-471-25031-7.
- Rodríguez Villanueva, X. L.; Xavier Vázquez e Henrique Álvarez Escudero (1995): Peixes do mar de Galicia (III). Peixes óseos (continuación). Vigo: Edicións Xerais de Galicia. ISBN 84-7507-870-2.
- van der Land, J.; Costello, M. J.; Zavodnik, D.; Santos, R. S.; Porteiro, F. M.; Bailly, N.; Eschmeyer, W. N. & Froese, R. (2001): "Pisces", en: Costello, M. J. et al., eds. European register of marine species: a check-list of the marine species in Europe and a bibliography of guides to their identification. París: Muséum national d'Histoire naturelle. Collection Patrimoines Naturels, 50: 357-374. ISBN 2-85653-538-0.
Outros artigos
[editar | editar a fonte]Ligazóns externas
[editar | editar a fonte]- Symphurus nigrescens Arquivado 07 de marzo de 2016 en Wayback Machine. en Encyclopedia of Life.
- Symphurus nigrescens Rafinesque, 1810 no ITIS.
- Symphurus nigrescens en ADW.