Tōru Takemitsu

Tōru Takemitsu
	;
Nome orixinal	(ja) 武満徹
Biografía
Nacemento	8 de outubro de 1930 ; Cidade de Toquio (Imperio do Xapón)
Morte	20 de febreiro de 1996 (65 anos); Minato, Xapón
Causa da morte	cancro de vexiga
Educación	Universidade de Artes de Tóquio (pt)
Actividade
Ocupación	compositor, escritor, guitarrista clásico, compositor de bandas sonoras, pedagogo, autodidata (pt)
Empregador	Universidade Yale
Membro de	Academia das Artes da RDA
Xénero artístico	Música impresionista
Profesores	Yasuji Kiyose (en)
Alumnos	Alexandros Kalogeras (en)
Instrumento	Piano
Selo discográfico	Deutsche Grammophon
Premios
	(1994) Grawemeyer Award for Music Composition (en) ; (1985) cabaleiro da orde das Artes e as Letras; Otaka prize (en) ; Glenn Gould Prize (en) ; Honorary Member of the International Society for Contemporary Music (en) ;

Tōru Takemitsu (武満徹, Takemitsu Tōru), nado en Toquio o 8 de outubro de 1930 e finado o 20 de febreiro de 1996, foi un compositor musical xaponés. Explorou os principios da composición musical propios da música clásica occidental e a tradición musical xaponesa (tanto por separado como en combinación).

Traxectoria

Takemitsu interesouse nun principio pola música clásica occidental nos tempos da segunda guerra mundial. Escoitaba música occidental nunha emisora de radio militar americana mentres se estaba a recuperar dunha longa enfermidade. Tamén escoitaba jazz da ampla colección fonográfica do seu pai.

Takemitsu foi basicamente autodidacta en música, e estivo moi influenciado pola música clásica francesa (en particular pola de Claude Debussy e Olivier Messiaen). En 1951 fundou Jikken Kobo, un grupo que introduciu a obra de moitos compositores europeos contemporáneos ao público xaponés.

Ao principio, o interese de Takemitsu pola música tradicional xaponesa foi pouco, pero máis tarde incorporou instrumentos xaponeses, como o shakuhachi (unha especie de frauta de bambú) á orquestra. A súa obra November Steps (1967), para shakuhachi, biwa (laúde xaponés) e orquestra foi a primeira peza filharmónica na que se mesturaron instrumentos occidentais e orientais. Outra obra, In an Autumn Garden (1973-79) foi escrita para unha orquestra que de gagaku (música tradicional da corte imperial xaponesa). Obras como Eclipse (1966) para shakuhachi e biwa, Voyage (1973), para tres biwas, poden mencionarse como pezas que se derivan derivan claramente dos xéneros tradicionais.

Véxase tamén

Bibliografía

Peter Burt, The Music of Toru Takemitsu (Cambridge University Press, 2001)
Noriko Ohtake, Creative sources for the Music of Toru Takemitsu (Ashgate, 1993)
Toru Takemitsu, Confronting Silence (Fallen Leaf Press, 1995)
Ziad Kreidy, TAKEMITSU à l’écoute de l’inaudible (L'Harmattan, 2009)