Tove Jansson

Tove Jansson

Biografía
Nacemento	(sv) Tove Marika Jansson 9 de agosto de 1914 Helsinqui, Finlandia
Morte	27 de xuño de 2001 (86 anos) Helsinqui, Finlandia
Causa da morte	cancro de pulmón
Lugar de sepultura	cemiterio de Hietaniemi
Residencia	Klovharun (en) Kaartinkaupunki (en)
Educación	Academy of Fine Arts of Helsinki (en) (1933–1937) Konstfack (en) Läroverket för gossar och flickor (en)
Actividade
Campo de traballo	Literatura xuvenil
Lugar de traballo	Helsinqui
Ocupación	pintora, escritora de literatura infantil, debuxante de banda deseñada, ilustradora, escritora, caricaturista
Período de actividade	1933 - 1993
Xénero artístico	Novela
Pseudónimo literario	Vera Haij
Obra
Obras destacables Mumintrollen Mumindalen (1945) Mumintrollen (1947) Moomin comic strips
Familia
Cónxuxe	sen valor
Parella	Tuulikki Pietilä (1956–2001) Vivica Bandler (1946–1946) Atos Wirtanen
Pais	Viktor Jansson   e Signe Hammarsten-Jansson
Irmáns	Lars Jansson Per Olov Jansson
Premios
(2016)  Will Eisner Hall of Fame (1994)  Svenska Akademiens stora pris (en) (1992)  Prémio Selma Lagerlöf (pt) (6 de decembro de 1976)  Medalla Pro Finlandia (1975)  Orde do Sorriso (1972)  Mårbacka Award (en) (1972)  Swedish Academy Finland Prize (en) (1971)  Tollander Award (en) (1966)  Premio Hans Christian Andersen (1965)  Längmanska kulturfondens Finlandspris (en) (1964)  Anni Swan Medal (en) (1958)  Elsa Beskow plaque (en) (1953)  Nils Holgersson Plaque (en)  Ducat Prize (en)
Sinatura
Descrito pola fonte	Obálky knih, Iedereen Leest (en) ProDetLit (en)  >>>:Янссон Туве,

Tove Jansson, nada en Helsinqui o 9 de agosto de 1914 e finada na mesma localidade o 27 de xuño de 2001, foi unha escritora finlandesa de expresión sueca, especialmente coñecida como creadora da serie de libros infantís Mumintroll e que recibiu o Premio Hans Christian Andersen en 1966.

Traxectoria

Tove medrou coma a maior de tres irmáns dunha familia de artistas na capital finlandesa, Signe Hammarsten-Jansson súa nai era unha artista gráfica que procedía de Suecia mentres seu pai, Viktor Jansson era escultor. Os irmáns de Tove, Lars Jansson e Per Olov Jansson tamén se dedicaron ao mundo artístico, o primeiro á banda deseñada e o segundo á fotografía. Durante a súa infancia a familia pasaba os invernos nun estudio e os veráns primeiro nunha illa de Bildö no arquipélago de Estocolmo na casa de seus avós e despois nunha illa preto de Porvoo, paisaxes que lle serviron anos despois como inspiración para o val onde vivían os Munintroll. En 1928 publicou pola primeira volta, versos e ilustracións, nas revistas Allas Krönica e Julen e en 1929 apareceu na revista infantil suecofinlandesa Lukentus a súa serie de banda deseñada Prickinas och Fabians äventyr. En 1930 marchou a Estocolmo para estudar na escola técnica desa capital. No ano 1933 volveu a Helsinqui e publicou o seu primeiro libro Sara och Pelle och neckens bläckfiskar co pseudónimo de Vera Haij e ao pouco iniciaba estudos na Escola de Deseño, especializándose en pintura, entre os seus mestres estiveron William Lönnberg e Uuno Alanko, que non deixarían pegada no estilo de Tove, como si o faría o seu amigo Sam Vannin no seu uso da cor. Tove compaxinou os seus estudos con colaboracións coa prensa, e así en 1934 publicou o seu primeiro conto, Bulevard no Helsingers-Journalen pero academicamente tanto Tove coma outros alumnos estaban insatisfeitos coa aprendizaxe recibida no centro, en especial por parte do profesor principal, Lönnberg, o que resultou en que na primavera de 1936 a maioría dos alumnos do profesor deixase a institución, entre eles Tova, que alugou un estudio cos seus compañeiros Runar Engblom, Christian Sibelius e Unto Virtanen, realizando a súa primeira exposición, colectiva, nese ano. En 1937 volveu de novo á Escola, rematando estudos ese ano e establecendo o seu propio estudio, presentando as súas pinturas en varias exposicións e recibindo unha bolsa de estudo o que lle permitiu ir a París na primavera de 1938 e a Italia no verán de 1939. Pero Tove dependía economicamente do seu traballo como ilustradora de libros, postais e publicidade e das súas colaboracións en diversas revistas, pero foi especialmente significativo o seu traballo para a revista política satírica Garm coa que viña colaborando desde comezos da década pero na que adquiriu gran peso a partir de 1938 , ao debutar como debuxante política para converterse na artista principal, ilustrando máis de cen portadas e realizando máís de 500 debuxos, e nas que manifestaba neses anos a súa oposición ao nazismo e aos acordos entre Stalin e Hitler, polo que tivo algúns problemas de censura coas autoridades finlandesas que procuraban unha liña contemporizadora. Durante a segunda guerra mundial ilustrou nos seus debuxos os efectos desta na vida cotiá.

Munintroll

A orixe dos munintroll está nun carácter que Tove utilizaba como sinatura canda o seu nome nas súas colaboracións en Garm, e que recibía o nome de Snork ou Niisku , era delgado e feo, cun nariz longo e estreito e un rabo coma o dun demo. Segundo relata Jansson na súa autobiografía o deseño procedía da súa mocidade, logo de perder un debate filosófico sobre Immanuel Kant cun seu irmán, pintou a criatura máis fea que puido imaxinar na parede da latrina da súa casa escribindo baixo dela "Kant". O nome vénlle de Einar Hammarsten, tío sueco de Tove, co que vivía cando estaba en Estocolmo coa súa familia e que para que ela non roubase a comida contáballe que uns seres chamados "mumin" vivían na lacena da cociña mesmo botando o aire frío da súa respiración no pescozo da xente. Posteriormente debuxou máis figuras deste estilo, gañando máis peso e adquirindo un feitío máis agradable, e en 1945 publicou o libro Småtrollen och den stora översvämningen, xa protagonizado polos "mumin".

Bibliografía

Os Mumin

Novelas

• Småtrollen och den stora översvämningen (1945)
• Kometjakten (1946)
• Kometen kommer (1968)
• Trollkarlens hatt (1948)
• Muminpappans bravader (1950)
• Muminpappans memoarer (1968)
• Farlig midsommar (1954)
• Trollvinter (1957)
• Pappan och havet (1965)
• Sent i November (1970)

Colección de contos curtos

• Det osynliga barnet och andra berättelser (1962)

Álbums ilustrados

• Hur gick det sen? (1952)
• Vem ska trösta Knyttet? (1960)
• Den farliga resan (1977)
• Skurken i Muminhuset (1980)
• Visor från Mumindalen (1993)

Tiras de banda deseñada

• Mumin, libros 1–7 (1977–1981).

Outros libros

Novelas

• O libro do verán (1972, Sommarboken)
• Solstaden (1974)
• Den ärliga bedragaren (1982)
• Stenåkern (1984)
• Rent spel (1989)

Coleccións de contos curtos

• Bildhuggarens dotter (1968)
• Lyssnerskan (1971)
• Dockskåpet och andra berättelser (1978)
• Resa med lätt bagage (1987)
• Brev från Klara och andra berättelser (1991)
• Meddelande. Noveller i urval 1971–1997 (1998, recompilación)
• A Winter Book (2006, recompilación)

Outros

• Sara och Pelle och näckens bläckfiskar (baixo o pseudónimo de Vera Haij, 1933)
• Anteckningar från en ö (1993, autobiografía; ilustrado por Tuulikki Pietilä)

Notas

Referencias