Tranquility Base Hotel & Casino
| Tranquility Base Hotel & Casino | ||||
|---|---|---|---|---|
| Álbum de Arctic Monkeys | ||||
| Publicado | 11 de maio de 2018 | |||
| Gravación | 2016 - 2018 | |||
| Estudio(s) | La Frette, París Vox, Os Ánxeles Londres (estudo descoñecido) Lunar Surface, Os Ánxeles | |||
| Duración | 40:51 | |||
| Xénero(s) | pop psicodélico, lounge pop, space pop, glam rock | |||
| Selo(s) | Domino | |||
| Produtor | James Ford, Alex Turner | |||
| Cronoloxía | ||||
| ||||
| Na rede | ||||
   | ||||
| [ editar datos en Wikidata ] | ||||
Tranquility Base Hotel & Casino é o sexto álbum de estudio da banda inglesa de indie rock Arctic Monkeys, publicado o 11 de maio de 2018 a través do selo Domino Recording Company. Foi composto polo líder do grupo Alex Turner en 2016 nun piano Steinway Vertegrand na súa casa dos Ánxeles. Gravouse nos Anxeles, París e Londres coa produción do habitual colaborador da banda James Ford e de Turner, xunto con varios músicos invitados como Tom Rowley, Loren Humphrey, James Righton, Zach Dawes, Tyler Parkford e Cam Avery. Turner deseñou tamén a portada do disco, que representa o resort con recortes de cartón e un gravador de cinta. O seu título fai referencia a Tranquility Base, o lugar da aluaxe do Apollo 11 en 1969.
Tranquility Base Hotel & Casino afástase bastante do anterior son guitarreiro da banda, sendo menos accesible que o seu exitoso predecesor AM (2013). Conta cun son rico que encarna ao pop psicodélico, lounge pop, space pop, e glam rock, e ten tamén elemento do jazz. Tamén ten influencias de soul, rock progresivo, funk, pop francés e música de películas dos 60. Instrumentalmente incorpora sintetizadores vintage e teclados, incluídos órganos, pianos, clavicémbalos e dolceola, ademais de Orchestron, Farfisa e RMI Rocksichord. A banda introduciu en varios temas guitarra barítona e lap steel, ademais de guitarras acústicas e eléctricas usadas normalmente polo grupo, xunto con distintos instrumentos de percusión como timbais rotatorios e vibráfonos. O seu contido lírico está fortemente influenciado pola ciencia ficción e o cine, explorando consumismo, política, relixión e tecnoloxía a través do concepto dun resort de luxo na Lúa fala dende a perspectiva de varios personaxes, como o cantante da banda residente en "Star Treatment" ou o recepcionista do hotel no tema "Tranquility Base Hotel & Casino".
A pesar de que a súa desviación estilística polarizou aos oíntes, Tranquility Base Hotel & Casino tivo polo xeral boas críticas e foi nomeado mellor álbum de 2018 pola revista Q.[1] Foi nomeado ao Mercury Prize de 2018 e ao Grammy a mellor álbum de música alternativa.[2] O sinxelo "Four Out of Five" foi nomeado ao Grammy a mellor interpretación de rock.[2] Converteuse no sexto número 1 consecutivo da banda no Reino Unido, o vinilo máis rapidamente vendido no país en 25 anos, e o terceiro top 10 nos Estados Unidos. O disco tamén chegou ao número 1 nas listas de Australia, Bélxica, Países Baixos, Francia, Grecia, Portugal, Escocia e Suíza. Tras o seu lanzamento, o álbum foi promocionado polos sinxelos "Four Out of Five" e "Tranquility Base Hotel & Casino", así como por unha xira global e múltiples aparicións en televisión.
Listaxe de cancións
[editar | editar a fonte]Tódolos temas escritos e compostos por Alex Turner.
| N.º | Título | Duración | |||||||
|---|---|---|---|---|---|---|---|---|---|
| 1. | "Star Treatment" | 5:54 | |||||||
| 2. | "One Point Perspective" | 3:28 | |||||||
| 3. | "American Sports" | 2:38 | |||||||
| 4. | "Tranquility Base Hotel & Casino" | 3:31 | |||||||
| 5. | "Golden Trunks" | 2:53 | |||||||
| 6. | "Four Out of Five" | 5:12 | |||||||
| 7. | "The World's First Ever Monster Truck Front Flip" | 3:00 | |||||||
| 8. | "Science Fiction" | 3:05 | |||||||
| 9. | "She Looks Like Fun" | 3:02 | |||||||
| 10. | "Batphone" | 4:31 | |||||||
| 11. | "The Ultracheese" | 3:37 | |||||||
| 40:51 | |||||||||
Notas
[editar | editar a fonte]- ↑ Pearis, Bill. "Q Magazine's Top 50 Albums of 2018". BrooklynVegan (en inglés). Consultado o 2022-06-20.
- ↑ 2,0 2,1 "2019 GRAMMY Awards: Complete Nominees And Winners List". www.grammy.com. Consultado o 2022-06-20.
