Saltar ao contido

Verbasco

Na Galipedia, a Wikipedia en galego.

O verbasco[1] ou chopo[2] Verbascum thapsus, é unha especie da familia Scrophulariaceae natural de Europa, Asia occidental, África, América do Norte e o Himalaia, medra en terreos incultos, noiros e pradeiras secas.

Detalle da flor.
Ilustración.

Descrición

[editar | editar a fonte]

É unha planta herbácea bienal que acada 2 m de altura. Talo erecto ramificado e con lanuxe. As follas de até 50 cm de longo son ovais lanceoladas, alternas, aveludadas cunha peluxe branca ou prateada, formando unha roseta basal o primeiro ano. Durante o segundo ano érguese un único talo floral de 1 a 2 m de altura, este remata nunha inflorescencia, constituída por un acio mesto con numerosas flores de cor amarela clara. As flores son pentámeras, case sésiles e con pedículos moi curtos (2 mm). Posúen cinco estames de dous tipos: tres superiores máis curtos con filamentos cubertos de vilosidades amarelas ou abrancazadas e anteras pequenas, mentres que os dous inferiores teñen filamentos glabros e anteras maiores, todos eles están fundidos aos pétalos. O cáliz é tubular de cinco lóbulos e unha corola de cinco pétalos, o último dos cales é de cor amarela clara e 2,5 cm máis estreito. O chopo produce pequenas cápsulas ovoides (6 mm) que se parten en dúas metades. Cada cápsula ten gran número de sementes miúdas de cor marrón (menos de 1 mm).

Propiedades

[editar | editar a fonte]
  • As flores teñen un pigmento amarelo que xa utilizaban a mulleres romanas para pór os cabelos loiros.
  • Expectorante utilizándose contra a asma e a bronquite.
  • Os fomentos da planta utilízanse contra as hemorroides ou almorrás.

Taxonomía

[editar | editar a fonte]

Verbascum thapsus foi descrita por Carl von Linné e publicado en Species Plantarum 1: 177. 1753.[3]

Citoloxía

Número de cromosomas de Verbascum thapsus (Fam. Scrophulariaceae) e táxones infraespecíficos: 2n=36[4]

Etimoloxía

Verbascum: nome xenérico que deriva do vocábulo latino Barbascum (barba), refiríndose á vilosidade que cobre a planta.

thapsus: epíteto xeográfico que alude á súa localización en (Tapso, Italia) Sicilia.[5]

Variedades
  • Verbascum thapsus L. forma candicans House
  • Verbascum thapsus L. subsp. neglectum (Guss.) Arcang.
  • Verbascum thapsus L. var. glabrum Cariot & St.-Lag.
  • Verbascum thapsus L. var. gymnostemon Rouy
  • Verbascum thapsus L. var. pseudothapsiforme (Rapin) Rouy
Sinonimia
  • Verbascum neglectum Guss.
  • Verbascum officinarum Crantz
  • Verbascum pallidum Nees
  • Verbascum plantagineum Moris
  • Verbascum pseudothapsiforme Rapin
  • Verbascum salgirensis Soldano
  • Verbascum schraderi G.Mey.
  • Verbascum simplex Hoffmanns. & Link
  • Verbascum spectabile Salisb., nom. illeg.
  • Verbascum subalpinum Schur
  • Verbascum tapsus Neck.
  • Verbascum thapsiforme Guss., nom. illeg. hom., non Schrad.
  • Verbascum thapsoides Schrank ex Schrad., nom. illeg. hom., non L.
  • Verbascum thapsum St.-Lag., nom. illeg. hom., non L.
  • Verbascum visianianum Rchb.f.

[6]

Notas

[editar | editar a fonte]
  1. ↑ Nome vulgar galego en Termos esenciais de botánica, Universidade de Santiago de Compostela, 2004; Gran dicionario Xerais da lingua galega Vigo, Xerais, 2009 e Vocabulario ortográfico da lingua galega. A Coruña, Real Academia Galega / Instituto da Lingua Galega, 2004
  2. ↑ Nome vulgar en galego en Portal das Palabras - http://www.portaldaspalabras.org/buscador?id=320713&sinom=0 Arquivado 07 de abril de 2014 en Wayback Machine.
  3. ↑ "Verbasco". Tropicos.org. Missouri Botanical Garden. Consultado o 6 de xaneiro de 2013. 
  4. ↑ Contribution à la connaissance cytotaxinomique des spermatophyta du Portugal. Fernandes, A., M. Queirós & M. F. Santos (1977) Bol. Soc. Brot. ser. 2 51: 37-90
  5. ↑ en Epítetos Botánicos
  6. ↑ "Northern Ontario Plant Database". 

Véxase tamén

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Verbasco&oldid=6598629»