Vilasante, Cervantes

Vilasante
Concello	Cervantes
Provincia	Lugo
Coordenadas	42°48′51″N 7°02′47″O / 42.81404047, -7.04628559
Poboación	41 hab. (2019)
Entidades de poboación	4
	[ editar datos en Wikidata ]

Para outras páxinas con títulos homónimos véxase: Vilasante.

Santiago de Vilasante é unha parroquia que se localiza no concello de Cervantes. Segundo o padrón municipal de 2004 tiña 60 habitantes (31 mulleres e 29 homes), distribuídos en 4 entidades de poboación, o que supón unha diminución en relación ao ano 1999 cando tiña 72 habitantes. Segundo o IGE, no 2014 a súa poboación descendera ata os 45 habitantes, sendo 21 homes e 24 mulleres.

A parroquia denominouse Santiago de Ribasmorto ata principios do século XIX.

Patrimonio

No lugar do Fabal está o castro da Penatallada, situado na leira de Reboleira dos Señores, tamén chamada Reboleira da Penatallada. O castro foi cristianizado coa construción da capela de Santa Catalina, actualmente en ruínas. O poboado castrexo conserva as murallas e foxos, e un gran corte na pena que lle dá nome.

Na mesma aldea está o pazo dos Señores do Fabal, fundado no século XVI polos Santín de Neira. Ten unha capela de San Bartolomeu construída en 1726 co panteón familiar.

Lugares e parroquias

Lugares de Vilasante

Lugares da parroquia de Vilasante no concello de Cervantes (Lugo)
O Fabal \| Pontorrón \| Vilar de Cucos \| Vilasante

Parroquias de Cervantes

Galicia | Provincia de Lugo | Parroquias de Cervantes

Notas

↑ ^1,0 ^1,1 Decreto 6/2000, do 7 de xaneiro, polo que se aproba o nomenclátor correspondente ás entidades de poboación da provincia de Lugo.

Véxase tamén

Outros artigos

Lugares de Cervantes

[nomenclátor-1] 1,0 ^1,1 Decreto 6/2000, do 7 de xaneiro, polo que se aproba o nomenclátor correspondente ás entidades de poboación da provincia de Lugo.

[1]