William Turner (compositor)

William Turner

Biografía
Nacemento	1651 Oxford, Reino Unido
Morte	13 de xaneiro de 1740 (88/89 anos)
Actividade
Ocupación	cantante, compositor
Movemento	Música barroca
Tesitura	Contratenor
Instrumento	Órgano e voz
Familia
Fillos	Ann Robinson
Descrito pola fonte	Dictionary of National Biography Dicionario Enciclopédico Brockhaus e Efron Dicionario Musical Riemann (1901–1904)

William Turner, nado en 1651 (ou 1652) e finado en Londres o 13 de xaneiro de 1740, foi un compositor e contratenor do Barroco inglés, coetáneo de John Blow e Henry Purcell. É particularmente coñecido polos seus himnos relixiosos, dos cales se conservan arredor de corenta. Como cantante, foi cabaleiro da Capela Real desde 1669 ata a súa morte.

Traxectoria

A relación de Turner coa Capela Real empezou nos primeiros anos da década de 1660, cando se apuntou ao seu coro, sendo un rapaz, con voz de soprano. En 1666 a súa voz madurou, un ano despois do seu nomeamento como mestre de coristas da catedral de Lincoln. En 1669, con todo, volveu á Capela Real como contratenor, e á morte de Henry Cooke en 1672 (quen se preocupara por Turner no ano transcorrido entre a madureza da súa voz e a súa incorporación á catedral de Lincoln) pasou a ser membro do King's Private Musick. A súa carreira como cantante seguiu a prosperar e cantou composicións de John Blow e de Henry Purcell, incluíndo as partes de solo alto nas representacións do día se Santa Icía de 1687 (oda de G. B. Draghi), de 1692 (oda de Henry Purcell) e de 1695 (oda de John Blow).

A partir de 1696 pasou a coñecerse normalmente como "Dr. Turner", xa que desde xuño dese ano comezou a concederse o grao honorario da Universidade de Cambridge.

Música

A maior parte das composicións de Turner escribiuse antes de 1700 e pertence, maioritariamente, ao xénero de música sacra. Entre estes traballos hai cancións, máis de 40 himnos (algúns dos cales inclúe partes para instrumentos de corda) e un motet. Contribuíu tamén con cancións e con música para polo menos cinco representacións teatrais, entre as que cómpre salientar The Libertine, de Thomas Shadwell. Compuxo máis de cincuenta cancións profanas, a maioría delas publicadas, así como unha pequena cantidade pezas instrumentais, maiormente para teclado.

Véxase tamén

Bibliografía

• Franklin. Turner, William (II). En Macy, Grove Music Online. Oxford Music Online. Oxford University Press.
• Day e Murrie. English Song Books 1651-1702: a Bibliography. Londres, 1940.
• Dexter, Turner, William (1651/2-1740). En Oxford Dictionary of National Biography. Oxford University Press, 2004.

Ligazóns externas

• Partituras de William Turner en International Music Score Library Project.