Álvaro Carreras
| Biografía | |||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | (gl) Álvaro Fernández Carreras  23 de marzo de 2003 (21 anos)Ferrol, España | ||||||||||||||||||||||||||||||||||||||||||||||||||||||||||||||||||||||||||||||
| Datos persoais | |||||||||||||||||||||||||||||||||||||||||||||||||||||||||||||||||||||||||||||||
| País de nacionalidade | España | ||||||||||||||||||||||||||||||||||||||||||||||||||||||||||||||||||||||||||||||
| Altura | 1,86 m | ||||||||||||||||||||||||||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||||||||||||||||||||||||||||||||||
| Lingua | Lingua galega e lingua castelá | ||||||||||||||||||||||||||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||||||||||||||||||||||||||
| Posición de xogo | Lateral | ||||||||||||||||||||||||||||||||||||||||||||||||||||||||||||||||||||||||||||||
| Número deportivo | 33 | ||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||
 | |||||||||||||||||||||||||||||||||||||||||||||||||||||||||||||||||||||||||||||||
Álvaro Fernández Carreras, nado en Ferrol o 23 de marzo de 2003, é un futbolista galego que xoga como lateral esquerdo no Benfica, da Primeira Liga.
Traxectoria
[editar | editar a fonte]Comezos
[editar | editar a fonte]Comezou a xogar ao fútbol nas categorías inferiores do Galicia de Caranza e do Racing de Ferrol, entrando en 2012, con nove anos, na canteira do Deportivo da Coruña [1]. En 2017, despois de cinco anos no equipo coruñés, ingresou na estrutura do Real Madrid, onde pasou tres anos, os dous primeiros nos equipos cadetes e o terceiro no xuvenil C.[1]
Manchester United
[editar | editar a fonte]Para a tempada 2020/21 fichou polo equipo sub-23 do Manchester United, co que competiu durante dous anos na Premier League 2, ademais de xogar tamén algúns encontros co equipo sub-18.[1] Disputou o EFL Trophy, a FA Youth Cup e a Liga Xuvenil da UEFA, sendo un habitual das aliñacións titulares e pechou o seu paso polas categorías inferiores do Manchester cun total de 62 partidos, 7 goles e 13 asistencias.
Foi tamén convocado por Ralf Rangnick para os catro últimos partidos do primeiro equipo, aínda que non chegou a saír do banco de suplentes.[1]
Cesión ao Preston North End
[editar | editar a fonte]Para a tempada 2022/23 foi cedido ao Preston North End do Championship, segunda categoría do fútbol inglés.[2] Debutou o 30 de xullo de 2022, substituíndo ao irlandés Robbie Brady na segunda parte dun partido ante o Wigan Athletic, e acabou a tempada cun total de 42 partidos e 6 asistencias.
Cesión ao Granada
[editar | editar a fonte]En setembro de 2023 anunciouse o seu regreso a España, cedido por un ano ao Granada.[3] Debutou na Primeira División na quinta xornada da tempada 2023/24 ante o Girona no Nuevo Los Cármenes, substituíndo nos minutos finais a Bryan Zaragoza.[4] Disputou un total de 14 partidos, 6 deles como titular, ata xaneiro, cando o Manchester anunciou que o xogador deixaría de xogar en Granada para facelo en Lisboa, cedido no Benfica.[5]
Cesión ao Benfica
[editar | editar a fonte]Debutou co Benfica nas semifinais da Taça da Liga ante o Estoril e tres días despois xogou o seu primeiro encontro na Primeira Liga, nun partido ante o Gil Vicente no estadio da Luz no que substituíu na segunda parte ao brasileiro Morato.[6][7] Pechou a campaña con 14 partidos, 6 deles como titular, e un gol ante o Farense.
Benfica
[editar | editar a fonte]En maio, o Manchester United anunciou que o Benfica exercera a súa opción de compra sobre o xogador, duns 6 millóns de euros.[8]
Internacional
[editar | editar a fonte]Selección española
[editar | editar a fonte]En 2019 disputou dous partidos coa selección española sub-19, fronte a Israel. O 8 de setembro de 2023 debutou coa selección sub-23, nunha goleada por 0-6 ante Malta.[9]
Selección galega
[editar | editar a fonte]
Foi convocado pola selección galega para o partido contra Panamá disputado no Estadio de Balaídos o 31 de maio de 2024, que finalizou con derrota (0–2).[10]
Notas
[editar | editar a fonte]- ↑ 1,0 1,1 1,2 1,3 Antelo, Iván (26 de xullo de 2022). "Álvaro Carreras buscará la Premier con el Preston". La Voz de Galicia (en castelán). Consultado o 10 de decembro de 2023.
- ↑ "Álvaro Fernández Carreras, la perla española del United, cedido al Preston". Marca (en castelán). 26 de xullo de 2022. Consultado o 10 de decembro de 2023.
- ↑ Cejudo, José Ignacio (2 de setembro de 2023). "Álvaro Fernández firma cedido por el Granada" (en castelán). Consultado o 10 de decembro de 2023.
- ↑ "Granada - Girona: resumen, resultado y goles del partido de LaLiga EA Sports". Marca (en castelán). 19 de setembro de 2023. Consultado o 10 de decembro de 2023.
- ↑ "Álvaro Carreras, nuevo jugador del Benfica". As (en castelán). 17 de xaneiro de 2024. Consultado o 20 de agosto de 2024.
- ↑ "Histórico. Estoril Praia na final da Taça da Liga" (en portugués). 20 de agosto de 2024. Consultado o 20 de agosto de 2024.
- ↑ "Benfica dá prova de força e assume a liderança" (en portugués). 4 de febreiro de 2024. Consultado o 20 de agosto de 2024.
- ↑ "Manchester United’s Alvaro Fernandez joins Benfica permanently". The New York Times (en inglés). 20 de agosto de 2024. Consultado o 20 de agosto de 2024.
- ↑ "Un estreno brillante con goles y buen fútbol (0-6)". Real Federación Española de Fútbol (en castelán). 8 de setembro de 2023. Consultado o 10 de decembro de 2023.
- ↑ "CRÓNICA. A selección galega non pode cunha dura Panamá". Nós Diario. 31 de maio de 2024. Consultado o 1 de xuño de 2024.
Véxase tamén
[editar | editar a fonte]Ligazóns externas
[editar | editar a fonte]- Datos do xogador no sitio web do Granada CF (en castelán).
| Control de autoridades |
|
|---|
