A Cova, Carballedo

A Cova
	Igrexa de San Xoán da Cova
Concello	Carballedo
Provincia	Lugo
Coordenadas	42°29′33″N 7°42′20″O / 42.49261966, -7.70552664
Poboación	29 hab. (2020)
Entidades de poboación	14
	[ editar datos en Wikidata ]

Para outras páxinas con títulos homónimos véxase: A Cova.

San Xoán da Cova é unha parroquia que se localiza no concello de Carballedo, na comarca de Chantada. Segundo o IGE en 2011 tiña 39 habitantes (18 mulleres e 21 homes), distribuídos en 8 entidades de poboación, o que supón unha diminución en relación ao ano 1999 cando tiña 68 habitantes. En 2016 tiña 35 habitantes, 16 mulleres e 19 homes segundo o INE, no 2020 eran 29; 13 mulleres e 16 homes.

Toponimia

O topónimo é igual no latín vulgar cova fronte ao clásico cavus,a,um: oco, cóncavo^[2].

Patrimonio

A igrexa de San Xoán da Cova, románica do século XII, foi declarada en 1850 monumento histórico artístico. A igrexa formou parte dun mosteiro de monxas bieitas de incerta fundación, que chegou a depender de Chouzán. Pola construción do encoro dos Peares tivo que ser trasladada pedra a pedra ata o lugar no que se encontra actualmente.

Ten planta rectangular de nave única con ábsida semicircular, cubríndose respectivamente con madeira e bóvedas de canón e forno. A porta principal está formada por un arco apuntado de tres arquivoltas, sobre tres pares de columnas, no tímpano pódese ler en latín: "Na honra de N.S.X.C. dá B sempre V. María o soldado Pedro García mandou facer de seu esta igrexa".

A porta lateral norte pertence a unha capela que non se trasladou e presenta dobre arquivolta apuntada que se apoia sobre columnas acobadadas. Neste muro está o sepulcro da Abadesa. No interior destaca o arco triunfal moldurado en bocel de media cana con botóns na rosca.

Tralo traslado, a igrexa levántase no lugar de Piñarrostro, actualmente deshabitado. Moi cerca construíuse a nova igrexa da Cova.^[3]

Galería de imaxes

Ábsida da igrexa de San Xoán da Cova.
Igrexa de San Xoán da Cova.
Portada setentrional da igrexa da Cova.
Sepulcro na igrexa da Cova.

Notas

↑ ^1,0 ^1,1 Decreto 6/2000, do 7 de xaneiro, polo que se aproba o nomenclátor correspondente ás entidades de poboación da provincia de Lugo.
↑ Ares Vázquez, Nicandro (2013). Estudios de toponimia galega, tomo II. Real Academia Galega. ISBN 978-84-87987-85-4.
↑ "Igrexa nova da Cova". google.maps. Consultado o 13/10/2017.

Lugares e parroquias

Lugares da Cova

Lugares da parroquia da Cova no concello de Carballedo (Lugo)
Arxemil \| A Carballeira \| O Catasol \| Cima de Vila \| Fondo de Vila \| O Mallo \| Outeiro \| Papelle \| Piñarrostro \| A Ribeiriña \| San Cristovo \| A Vila \| Vilanfesta \| Vilar

Parroquias de Carballedo

Galicia | Provincia de Lugo | Parroquias de Carballedo

Véxase tamén

Outros artigos

Lugares de Carballedo

[nomenclátor-1] 1,0 ^1,1 Decreto 6/2000, do 7 de xaneiro, polo que se aproba o nomenclátor correspondente ás entidades de poboación da provincia de Lugo.

[2] Ares Vázquez, Nicandro (2013). Estudios de toponimia galega, tomo II. Real Academia Galega. ISBN 978-84-87987-85-4.

[3] "Igrexa nova da Cova". google.maps. Consultado o 13/10/2017.

[1]

[2]

[3]