Acento agudo dobre

˝
Acento agudo dobre
Diacríticos do alfabeto latino
	acentos; acento agudo ( ´ ); acento agudo dobre ( ˝ ); acento circunflexo ( ^ ); acento grave ( ` ); acento grave dobre ( ̏ ); anel ( ° ); breve ( ˘ ); breve inversa ( ̑ ); caron ( ˇ ); cedilla ( ¸ ); corno ( ̛ ) ; diérese ( ¨ ); gancho ( ˛ ̢ ); gancho superior ( ̉ ); macron ( ¯ ); ogonek ( ˛ ); punto; punto inferior ( . ); punto medio ( · ); punto de lista ( • ); punto superior ( ˙ ); til ( ~ ); trazo ( ◌̸ );
Signos ortográficos empregados como diacríticos
	apóstrofo ( ’ ); barra ( / ); barra inversa ou invertida ( \ ); barra vertical ( \| ); coma ( , ); dous puntos ( : ); guión ( - );
Diacríticos de alfabetos non latinos
	Diacríticos do alfabeto árabe; Diacríticos do alfabeto cirílico; Diacríticos do alfabeto devanágari; Diacríticos do alfabeto grego; Diacríticos do alfabeto hebreo; Diacríticos do alfabeto tibetano; Diacríticos dos silabarios xaponeses;
Esta caixa: ver; conversa; editar;

O acento agudo dobre ( ˝ ) é un signo diacrítico dos alfabetos latino e cirílico consistente en dúas pequenas raias que baixan de dereita a esquerda e que se coloca sobre unha vogal ou unha consoante.

Usos

Duración vocálica

Húngaro

No húngaro utilízase o acento agudo dobre sobre as letras o e u para representar as formas longas das vogais ö e ü, a diferenza das outras vogais longas, que levan o acento agudo simple. Estas grafías son consideradas como letras independentes no alfabeto desta lingua.

Vogais breves	a	e	i	o	ö	u	ü
Vogais longas	á	é	í	ó	ő	ú	ű

No século XVIII, antes de que se fixase a ortografía húngara, nalgúns documentos impresos o u e o o longos aparecen representados coa combinación da diérese e do acento agudo (ǘ, ö́). Os tipógrafos do século XIX, procurando unha solución máis estética, introduciron no seu lugar o acento agudo dobre.

Eslovaco

No eslovaco, desde comezos do século XX, o acento agudo dobre tense empregado, con todo de modo limitado, en combinación coa letra a para representar a variante longa ( a̋ ) da vogal breve ä, existente nalgún dialecto e en empréstitos de orixe estranxeira. As outras vogais longas escríbense, polo contrario, con acento agudo simple.^[1]

Umlaut

Feroés

Nalgúns casos no feroés emprégase a letra o con acento agudo dobre ( ő ) en vez de ø. Para tal fin o danés fai uso do "o" con acento agudo simple ( ó ), o que resulta problemático para o feroés xa que dita grafía é xa unha letra específica do seu alfabeto.

Chuvaxo

O chuvaxo, escrito en alfabeto cirílico, usa a letra con acento agudo dobre Ӳ, ӳ para representar o fonema /y/. Noutras linguas minoritarias de Rusia (khakas, mari, altai, e khanty), emprégase para dito fonema a forma con diérese Ӱ.

Tonalidade

No sistema con diacríticos empregado para sinalar a tonalidade polo Alfabeto Fonético Internacional o acento agudo dobre representa un ton extra alto. A seguir móstrase o sistema usando a letra "e" como modelo.

	Extra alto	Alto	Medio	Baixo	Extra baixo
Ton	e̋	é	ē	è	ȅ

O acento agudo dobre é usado como signo de tonalidade nas ortografías derivadas do IPA dalgunhas linguas minoritarias como o tanacross, nas que indica un ton extra alto.

Notas

↑ Czambel, S. 1902. Rukoväť spisovnj reči slovenskej. Turčiansky Sv. Martin: Vydanie Knihkupecko-nakladateľshého spolku, p. 2.

Véxase tamén

Outros artigos

[1] Czambel, S. 1902. Rukoväť spisovnj reči slovenskej. Turčiansky Sv. Martin: Vydanie Knihkupecko-nakladateľshého spolku, p. 2.

[1]