Aeroporto Internacional da Rexión de Murcia
Aeroporto Internacional Rexión de Murcia Aeropuerto Internacional Región de Murcia
| |||
|---|---|---|---|
| |||
| Sumario | |||
| Tipo | Civil | ||
| Cidade/Illa | Murcia | ||
| Localización | Corvera, Los Martínez del Puerto e Valladolises | ||
| Elevación (msnm) | 193 metros / 633 pés | ||
| Pista(s) | |||
| Dirección | Longo | Superficie | |
| metros | pés | ||
| 05/23 | 3.000x45 | 9.843x148 | asfalto |
O Aeroporto Internacional Rexión de Murcia-Juan de la Cierva (IATA: RMU, OACI: LEMI) é un aeroporto novo de recente construción situado no municipio de Murcia (España), cuxas obras se iniciaron en xullo de 2008 e remataron a principios de 2012. Abriuse ao público o 15 de xaneiro de 2019.[1]
Nome
[editar | editar a fonte]En xullo de 2017 a Asemblea Rexional de Murcia decidiu renomear o aeroporto a Aeroporto Internacional da Rexión de Murcia-Juan de la Cierva, en homenaxe ao inventor do autoxiro.[2]
Xestión
[editar | editar a fonte]O aeroporto foi promovido polo Goberno Rexional, o cal avalou con 200 millóns de euros as obras do aeroporto.[3] Tivo que asumir esta débeda en 2013 trala execución do aval, ademais de sufragar os case 22 000 euros diarios necesarios para o mantemento das instalacións a pesar de non estar aínda en funcionamento.[4]
O 20 de decembro de 2017, Aena quedou como adxudicataria do concurso para a xestión do aeroporto. A pesar de que se especulara coa posibilidade de que os aeroportos de San Javier e Corvera se mantivesen abertos simultaneamente, finalmente trasladaranse todas as operacións de San Javier ao novo aeroporto.[5][6] É o primeiro aeroporto privado que xestionará Aena.
Características
[editar | editar a fonte]A terminal de pasaxeiros ten 28 500 m² e o aeroporto dispón dunha pista de 3 km de lonxitude e 45 m de ancho. Está situado entre as pedanías de Corvera, Los Martínez del Puerto e Valladolises, dentro do termo municipal de Murcia e enlazado á A-30, unido a ela mediante as autovias autonómicas RM-16 e RM-17.
A terminal está dotada de 9 portas de embarque, 25 mostradores de facturación e 4 fitas de recollida de equipaxes. Ten unha capacidade de 3 millóns de pasaxeiros ao ano ou 23.000 movementos.
A pista dispón dunha rúa de saída rápida e 4 apartados de espera. Está equipada co instrumental de precisión ILS CAT I e o instrumental de non precisión (DVOR/DME). A categoría OACI de Servizo de Salvamento e Extinción de Incendios é de 7.
Notas
[editar | editar a fonte]- ↑ "Aena iniciará los vuelos de Corvera el 15 de enero del año próximo". La Verdad.
- ↑ "El aeropuerto de Corvera llevará el nombre del inventor del autogiro, Juan de la Cierva". La Opinión de Murcia.
- ↑ A CARM renegocia o aval.
- ↑ "22.000 euros diarios para mantener un aeropuerto fantasma en Murcia". El País.
- ↑ "El aeropuerto de Corvera estará listo para operar en diciembre". La Verdad.
- ↑ "Aena explotará durante 25 años el aeropuerto de Murcia ‘resucitado’". El País.
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]- Web oficial do aeroporto Arquivado 18 de febreiro de 2011 en Wayback Machine. (en castelán)
