Arcenillas

Arcenillas

Localización
41°27′22″N 5°41′09″O
Estado	España
Comunidade autónoma	Castela e León
Provincia	provincia de Zamora
Capital	Arcenillas
Contén a división administrativa	Arcenillas
Poboación
Poboación	448 (2024) (37,09 hab./km²)
Xeografía
Parte de	Mancomunidade "Tierra del Vino"
Superficie	12,08 km²
Altitude	697 m
Comparte fronteira con	Zamora Casaseca de las Chanas (pt) Moraleja del Vino Villaralbo Morales del Vino
Organización política
• Alcalde	Natalio Gutiérrez García
Identificador descritivo
Código postal	49151
Fuso horario	UTC+01:00
Código INE	49010

Arcenillas é un concello e localidade da provincia de Zamora, en Castela e León.

Demografía

Evolución da poboación de: Arcenillas desde 1991 ata 2004
1991	1996	2001	2004
248	281	295	309

Política

Resultado das eleccións municipais no ano 2007

	PP	PSOE	Outros	Total
2007	4	3	0	7

Historia

A fundación da vila poderíase remontar ao século XII. Aparece citado por primeira vez nun documento do Arquivo Diocesano de Zamora do ano 1254 co nome de Arcinielas. O seu contido relata a permuta dunhas terras que o Bispo de Zamora Pedro I realiza con Monio Sánchez, dándolle unha terra que din de Santiago en Arcenillas, outra na veiga entre Moraleja e Arcenillas, e outra máis "á vez do pedazo de Pedro de Galego"; mentres que o Bispo recibe unha terra que chaman "As Mangas" na estrada de Villaralvino (enténdase Villaralbo), ademais de dúas terras que que saen á Lagoa e outra no Peso. Todos estes topónimos mantéñense na actualidade. Ademais de noutros tantos documentos do anterior Arquivo, o nome de Arcinielas aparece nas diversas versións conservadas do Foro de Zamora.

Nos séculos XV e XVI a principal industria e foco de desenvolvemento do pobo foi a fabricación de panos, estando asentados na vila varios xastres, pelaires e tundidores. Por aquel entón, Arcenillas contaba máis de 500 habitantes, cifra que baixou nos séculos posteriores pola decadencia do negocio dos panos e polas crises demográficas debidas a epidemias.

Nos primeiros anos da segunda metade do século XVIII realizouse unha proba piloto do Catastro do Marqués da Ensenada. Coa invasión napoleónica, as forzas francesas invasoras levaron todo o ouro e a prata da parroquia, aínda que ao final da guerra se puido recuperar.

A historia do século XX pódese seguir a través do Arquivo Municipal, que na actualidade está a ser organizado e inventariado.

Na actualidade a poboación está a ascender debido á construción de varias urbanizacións de chalés.