En certo modo pode considerarse un álbum conceptual, falando sobre o lado escuro dos Estados Unidos, moitas veces usando o concepto da demencia, tema recorrente nos primeiros anos de Sonic Youth. Inclúe referencias á obsesión e á demencia, a Charles Manson, ao heavy metal, o satanismo e aos encontros dos primeiros colonos europeos cos nativos americanos.
Publicado con moi boas recensións da prensa musical independente, Bad Moon Rising foi o primeiro traballo da banda en combinar meterial experimental con pezas transicionais e segues.[1] O álbum estivo precedido do sinxelo "Death Valley '69", que non entrou nas listas dos Estados Unidos e o Reino Unido (o tema foi despois regravado para o álbum e publicado novamente como sinxelo no mes de xuño). O nome do disco procede da canción "Bad Moon Rising" de Creedence Clearwater Revival.[2]
Unha edición remasterizada en vinilo de 180 gramos foi editada o día 15 de febreiro do 2011[3].
