Cesullas, Cabana de Bergantiños

Cesullas
	Igrexa parroquial de Cesullas.
Concello	Cabana de Bergantiños
Provincia	A Coruña
Coordenadas	43°12′39″N 8°55′06″O / 43.21083333, -8.91833333
Poboación	1 325 hab. (2018)
Entidades de poboación	33
	[ editar datos en Wikidata ]

Santo Estevo de Cesullas^[1] é unha parroquia que se localiza no centro do concello de Cabana de Bergantiños na comarca de Bergantiños. Segundo o padrón municipal de 2018 tiña 1 325 habitantes (687 mulleres e 638 homes), distribuídos en 31 entidades de poboación, o que supón unha diminución en relación ao ano 1999 cando tiña 1.566 habitantes.

Xeografía

A parroquia está bañada na cara norte polo río Anllóns que a separa do concello de Ponteceso. Os cumios máis destacables son o monte Cundíns (206 metros) e o monte Vilariño (155 metros).

Patrimonio

A igrexa parroquial^[1] data do século XVII, época da cal se conserva a capela lateral sur, sendo a capela maior, nave, fachada e a espadana do século XVIII. A nave e a capela maior son rectangulares, e a fachada pentagonal. Enriba da porta principal hai unha imaxe en pedra de Santo Estevo, enmarcado lateralmente por volutas.

A ermida de San Fins^[1] destaca por estar orientada cara ó leste. Ten ábsida e nave rectangulares. No lado sur da ábsida ten un pórtico lateral acaroado para a celebración das misas o día da romaría. Na fachada pentagonal hai unha celosía de pedra, quizais prerrománica. Nesta capela celébrase a romaría de San Fins do Castro.

A Ermida de Nosa Señora das Neves^[1] ten un adro triangular, cunha fachada pentagonal. A espadana está sen campás.

O cruceiro do Sacramento^[1] é de granito. A plataforma é cuadrangular con tres graos. O pedestal é cuadrangular e remata en chafráns. Ten mesa acaroada na que aparece unha lápida de granito con dous anxos nos laterais do relevo e unha custodia no centro. O varal é octogonal con chafráns. O capitel é cuadrangular moldurado. A cruz é cuadrangular con brazos achafranados, remates en punta de diamante e imaxes polas súas catro caras. No anverso está Xesucristo, cos pés pousados sobre unha caveira e tibias, aparece crucificado con tres cravos, inclina a cabeza cara á dereita, ten as mans abertas, carece de coroa, ten pelo trenzado, o paso da pureza aparece anoado á dereita e arriba está a cartela de INRI. No reverso, a Virxe enriba dunha peaña aparece en actitude de orar cos dedos entrelazados. Nos laterais, obsérvase unha imaxe feminina orando con rosario e un San Francisco.

Festas

As festas máis importantes desta parroquia son:

Romaría de San Fins do Castro, 1 e 2 de agosto, adicada á Virxe das Milagres.
O Carme de Neaño, celebrada a primeira fin de semana de xullo.
O Carme de Cesullas, celebrada o 10 de agosto.

Galería de imaxes

Artigo principal: Galería de imaxes de Cabana de Bergantiños.

Capela de San Fins.
Igrexa parroquial.
Cruceiro do Sacramento.
Lugar de Cabana

Lugares e parroquias

Lugares de Cesullas

Lugares da parroquia de Cesullas no concello coruñés de Cabana de Bergantiños

Parroquias de Cabana de Bergantiños

Galicia \| Provincia da Coruña \| Parroquias de Cabana de Bergantiños
Anos (Santo Estevo) \| Borneiro (San Xoán) \| Canduas (San Martiño) \| Cesullas (Santo Estevo) \| Corcoesto (San Pedro) \| Cundíns (San Paio) \| O Esto (San Xoán Bautista) \| Nantón (San Pedro) \| Riobó (San Martiño) \| A Silvarredonda (San Pedro)

Notas

↑ ^1,0 ^1,1 ^1,2 ^1,3 ^1,4 ^1,5 ^1,6 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.

Véxase tamén

Bibliografía

Parroquia de san Estevo de Cesullas. Andando por Bergantiños. Instituto de Estudos Bergantiñáns. 2003.
Ruta polas parroquias cabanesas de Borneiro, Canduas e Cesullas. Andando por Bergantiños. Instituto de Estudos Bergantiñáns. 2013.

Outros artigos

[nomenclátor-1] 1,0 ^1,1 ^1,2 ^1,3 ^1,4 ^1,5 ^1,6 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.

[1]