Club Hielo Jaca
| Club Hielo Jaca | |
|---|---|
| Fundación | 1972 |
| Cidade |  Jaca, Aragón España |
| Estadio | Pavillón de Xeo de Jaca (2 000 persoas) |
| Liga | Liga Nacional Hockey Hielo Liga Nacional de Hockey Hielo Feminina |
| Campionatos | 15 (masculino) 1 (feminino) |
| Cores | Vérmelo e branco |
| Na rede | |
| https://www.clubhielojaca.com/ | |
    | |
O Club Hielo Jaca, é un equipo español de hóckey sobre xeo da cidade de Jaca, Huesca (Aragón). Actualmente compite na Superliga Española de Hóckey Xeo, a máxima categoría do hóckey sobre xeo do Estado español. Xoga os seus partidos como local no Pavillón de Xeo de Jaca, inaugurado en 2008 e con capacidade para 2 000 espectadores.[1] Ademais do equipo sénior de hóckey, conta cunha sección feminina e categorías inferiores. Tamén posúe un equipo de curling e unha sección de patinaxe artística.
Historia
[editar | editar a fonte]O CH Jaca foi fundado en 1972, coincidindo coa inauguración da Pista de Xeo de Jaca.[2] O club gañou 15 campionatos, así como a Copa do Rei en 18 ocasións. Gañou tódolos seus títulos dende mediados da década dos '80, os máis recentes foron o título de liga de 2024 e o de copa de 2024. De tódolos equipos españois ten o mellor récord nas competicións europeas. Porén, o progreso, con oito vitorias en 37 partidos segue sendo moi negativo. Durante a IIHF Continental Cup da tempada 2005-06, o equipo aragonés gañou os tres partidos da primeira rolda ante o HK Slawia Sofia de Bulgaria, o Hapoel Amos Lod de Israel e o Polis Akademisi Ankara de Turquía, mais perdeu tódolos partidos da segunda rolda ante o HK Junost Minsk de Belarús, Kaszink-Torpedo Ust-Kamenogorsk de Kazakhstán e o HK Sokol Kiew de Ucraína.
Na tempada 2022-23 o club fixo historia ao converterse no primeiro equipo en gañar a liga tanto en categoría feminina como masculina, títulos aos que amais sumou a Copa do Rei.[3]
Pavillón
[editar | editar a fonte]- Artigo principal: Pavillón de Xeo de Jaca.
O Club Hielo Jaca disputa os seus partidos como local no Pavillón de Xeo de Jaca, un pavillón que constitúe un dos atractivos turísticos da cidade.[4] Foi inaugurado en 2007 e conta con dúas pistas de xeo, unha de dimensións olímpicas (60 x 30 metros) e outra de menores dimensións (50 x 20 metros), tratándose do primeiro edificio de España en contar con dúas pistas de xeo.[5][6] A pista principal conta con bancadas para dar cabida a 1 891 persoas, se ben a capacidade do recinto se pode ampliar ata as 3 579 persoas mediante a instalación doutras estruturas de bancadas de carácter provisional, e ata as 6 700 persoas para espectáculos con público de pé sobre as pistas.[4]
Rivalidades
[editar | editar a fonte]O Club Hielo Jaca mantén unha longa rivalidade co Club Gel Puigcerdà, co que disputa o derby pirenaico. As orixes desta rivalidade atópanse na década de 1980, cando ambos equipos comezaron a loitar por ocupar os primeiros postos da clasificaión, que ata aquel momento dominaran os equipos vascos.[7]
Un dos detonantes da rivalidade foi a final da Copa do Rei de 1993 que se disputou o 1 de maio en Puigcerdà e que gañou o equipo local]]. A tempada seguinte o cadro aragonés desquitouse gañando a liga en Puigcerdà na derradeira xornada nun pavillón cun ambiente moi hostil.[7]
Palmarés
[editar | editar a fonte]Masculino
[editar | editar a fonte]- 15 Ligas españolas: 1983-84, 1990-91, 1993-94, 1995-96, 2000-01, 2002-03, 2003-04, 2004-05, 2009-10, 2010-11, 2011-12, 2014-15, 2015-16, 2022-23, 2023-24
- 18 Copas do Rei: 1985, 1988, 1989, 1993, 1995, 1996, 1998, 2001, 2002, 2003, 2006, 2011, 2012, 2013, 2017, 2021, 2023, 2024
Feminino
[editar | editar a fonte]- 1 Ligas españolas: 2023
Participacións na Copa de Europa
[editar | editar a fonte]
.svg){kind=small}
.svg){kind=small}
Balanzo europeo
[editar | editar a fonte]| Partidos xogados | Vitorias | Empates | Derrotas | Goles a favor | Goles en contra | Diferenza |
|---|---|---|---|---|---|---|
| 37 | 8 | 0 | 29 | 112 | 308 | -196 |
Recoñecementos
[editar | editar a fonte]O Club Hielo Jaca é o club deportivo máis laureado de Aragón. Ademais o club recibiu os seguintes recoñecementos:[2]
- En 1984 foi recoñecido co premio de mellor club español da Asociación Prensa Españolala.
- O Consello Superior de Deportes concedeulle a Placa de Bronce ao Mérito Deportivo en xaneiro de 1998.
- Foi dúas veces recoñecido coa Medalla de Ouro ao Mérito Deportivo outorgada polo Goberno de Aragón nos anos 1998 e 2023.
- En 2011 recibiu o Premio "Gobierno de Aragón" ao Mellor Club de Aragón.
Notas
[editar | editar a fonte]- ↑ Jaca estrena Palacio de Hielo... por fin
- ↑ 2,0 2,1 "SINCE 1972" (en castelán). ClubHieloJaca.com. 11 de novembro de 2024.
- ↑ Lainez, Javier (13 de abril de 2023). "Ilusión, cantera y tradición: el secreto del club más laureado en Aragón, el Club Hielo Jaca". Hoy Aragón (en castelán). Consultado o 9 de decembro de 2024.
- ↑ 4,0 4,1 "PABELLÓN DE HIELO" (en castelán). Concello de Jaca. Consultado o 15 de abril de 2024.
- ↑ "Pabellón de Jaca, la pista de hielo más famosa del Pirineo" (en castelán). enjoyzaragoza.es. 26 de decembro de 2023. Consultado o 14 dee abril de 2024.
- ↑ "Jaca. Pabellón de Hielo" (en castelán). Comarca de La Jacetania. Consultado o 15 de abril de 2024.
- ↑ 7,0 7,1 Mills, Alfons (13 de marzo de 2023). "Eterna rivalidad pirenaica" (en castelán). nhlmania.com. Consultado o 7 de decembro de 2024.
