Diocese católica latina de Donostia
| |||||
| Localización | |||||
|---|---|---|---|---|---|
| |||||
| Escindido de | Diocese de Vitória (pt)   | ||||
| Poboación | |||||
| Poboación | 717.832 (2017) (363,09 hab./km²) | ||||
| Lingua usada | lingua castelá | ||||
| Relixión | catolicismo | ||||
| Xeografía | |||||
| Parte de | |||||
| Diocese | (Ecclesiastical province of Pamplona and Tudela (en) ) | ||||
| Superficie | 1.977 km² | ||||
| Comparte fronteira con | |||||
| Creación | 2 de decembro de 1949 | ||||
| Catedral | Good Shepherd Cathedral of San Sebastián (en) | ||||
| Sitio web | elizagipuzkoa.org… | ||||
  | |||||
A diocese de Donostia é unha diocese católica sufragánea da Arquidiocese de Pamplona e Tudela, creada en 1949 polo papa Pío XII, segregada da diocese de Vitoria. A súa catedral é a Igrexa do Bo Pastor, sendo outros templos importantes as basílicas de Nuestra Señora del Coro, de Arantzazu e de Loiola. O bispo actual é José Ignacio Munilla.
Territorio
[editar | editar a fonte]A diocese abrangue o territorio da provincia civil de Guipúscoa. Está dividida en 216 parroquias, estruturadas en 14 arciprestazgos: Antiguo, Arrasate-Bergara, Azpeitia, Éibar, Hernani, Herrera-Alza, Irún, Ordizia, Rentería, San Ignacio, Santa María, Tolosa, Zarautz e Zumarraga.
Limita coas dioceses de Bilbao, Vitoria, Pamplona e Tudela e Baiona.
Historia
[editar | editar a fonte]Historicamente o territorio que abrangue a diocese estivo dividido entre tres dioceses, Baiona, Pamplona e diocese de Calahorra. Pola bula «In Celcissima» de setembro de 1861 erixiuse a diocese de Vitoria, que comprendía todos os territorios da actual Comunidade Autónoma Vasca.[1]
A diocese de Donostia, sufragánea da arquidiocese de Pamplona e Tudela, foi creada durante o pontificado do papa Pío XII coa bula «Quo commodius» do 2 de decembro de 1949, que foi publicada varios meses máis tarde, o 1 de xullo de 1950.[2] Foi erixida dentro do territorio da diocese de Vitoria xunto coa tamén nova diocese de Bilbao, abarcando á provincia civil de Guipúscoa. Dende a súa creación até o 11 de agosto de 1956 foi sufragánea, como as outras dous dioceses vascas, da arquidiocese de Burgos, pasando a pertencer despois á provincia eclesiástica de Pamplona e Tudela.
Patróns
[editar | editar a fonte]A diocese ten como patróns ao fundador da Compañía de Xesús, San Ignacio de Loiola (nado en Azpeitia), e á advocación mariana da Virxe de Arantzazu.[3]
Lista de bispos de Donostia
[editar | editar a fonte]Dende a súa erección en 1949, os bispos de Donostia teñen sido os seguintes:[4][5]
- Jaime Font y Andreu (13 de maio de 1950 - 13 de febreiro de 1963, finado)
- Lorenzo Bereciartua (30 de agosto de 1963 - 23 de outubro de 1968, finado)
- Jacinto Argaya (10 de decembro de 1968 -17 de febreiro de 1979, retirado)
- José María Setién (17 de febreiro de 1979 - 13 de xaneiro de 2000, renuncia)
- Juan María Uriarte, (13 de xaneiro de 2000 - 21 de novembro de 2009, retirado)
- José Ignacio Munilla, (21 de novembro de 2009 - 7 de decembro de 2021, nomeado bispo de Orihuela-Alacant)
- Fernando Prado Ayuso (nomeado o 31 de outubro de 2022)
Notas e referencias
[editar | editar a fonte]- ↑ Bula In celsissima, en Pii IX Pontificis Maximi Acta. Pars prima, Vol. III, Roma 1864, páxinas 262–280 (en latín)
- ↑ Bula Quo commodius, AAS 42 (1950), p. 535 (en latín)
- ↑ "Historia de la Diócesis de San Sebastián". Donostiako Elizbarrutia / Diócesis de San Sebastián (en castelán). Consultado o 10/01/2024.
Territorialmente abarca la provincia civil de Gipuzkoa y tiene como patronos a San Ignacio de Loyola y la Virgen de Aranzazu [...]
[Ligazón morta] - ↑ Ficha en Catholic-Hierarchy.org
- ↑ Ficha en GCatholic.org
