Elliot Page

Elliot Page
	; (2023)
Biografía
Nacemento	(en) Ellen Grace Philpotts-Page ; 21 de febreiro de 1987 (37 anos); Halifax, Canadá
Relixión	Ateísmo
Educación	Queen Elizabeth High School (en) ; Vaughan Road Academy (en) ; Shambhala School (en) ; Halifax Grammar School (en)
Actividade
Campo de traballo	Actuación, Produción de cinema, dirección de cine e Activismo
Lugar de traballo	Beverly Hills
Ocupación	actor de cinema
Período de actividade	1997 -
Familia
Cónxuxe	Emma Portner (–2021)
Premios
	(2024) Time 100; (2008) Independent Spirit Award de melhor atriz (pt) , premiado polo traballo Juno; (2007) Satellite Award de melhor atriz em cinema (pt) , premiado polo traballo Juno; (2004) Gemini Awards (pt) ; Canadian Comedy Award for Best Female Performance in a Feature (en) ;
Descrito pola fonte	Obálky knih,

Elliot Page,^[1] nado como Ellen Grace Philpotts-Page en Halifax, Nova Escocia o 21 de febreiro de 1987,^[2]^[3] é un actor e produtor canadense. É coñecido polo seu papel no filme e serie de televisión Pit Pony (1997–2000), o cal lle valeu un Premio Young Artist, e polos seus papeis recorrentes en Trailer Park Boys (2002) e ReGenesis (2004). Page tamén obtivo recoñecemento polo seu papel no filme Hard Candy (2005), gañando o premio da Austin Film Critics Association á mellor actriz.

Page conseguiu recoñecemento internacional pola súa interpretación no filme de Jason Reitman Juno (2007), que lle valeron nomeamentos para os Premios Óscar, os BAFTA, os Critics' Choice Awards, os Globos de Ouro e os Screen Actors Guild Award. Tamén conseguiu eloxios polas súas interpretacións en The Tracey Fragments (2007), Whip It (2009), Super (2010), Orixe (2010) e Tallulah (2016). Page interpretou a Kitty Pryde nos filmes de X-Men The Last Stand (2006) e Days of Future Past (2014), produciu o flime Freeheld (2015), que tamén protagonizou, e fixo o seu debut como director no documental There's Something in the Water (2019). Dende 2019, interpreta a Vanya Hargreeves na serie de Netflix The Umbrella Academy.

Page anunciou publicamente que era homosexual en febreiro de 2014, e anunciou que era transxénero en decembro de 2020, xunto co seu novo nome, Elliot Page.

Traxectoria

É fillo de Denis Page (deseñador gráfico) e Martha Phillpotts (mestra). Asistiu ó "Halifax Grammar School" até o oitavo curso e posteriormente estivo varios anos no instituto "Queen Elizabeth High School" graduándose finalmente no "Shambhala School" en 2005. Pasou dous anos en Toronto, Ontario, estudando no programa interactivo de "Vaughan Road Academy" xunto co seu mellor amigo e tamén actor canadense Mark Rendall.

Page comezou a súa carreira co filme Pit pony (1997), á idade de dez anos, interpretando o papel de "Maggie McLean". Posteriormente, en 1999, realizouse a serie televisiva homónima. Grazas ó seu traballo nesta última entrou nos nomeamentos ós Premios Gemini como mellor interpretación de programa infantil.

Acadou notoriedade polo seu traballo no filme Hard Candy (2005), cuxo tema central é o abuso sexual, no papel de "Hayley Stark", unha adolescente de 14 anos lista e encantadora que coñece a un home de trinta e poucos anos con quen non "debería" estar.

Elliot Page sorprendeu a críticos e espectadores coa súa interpretación dun papel tan duro como o que tivo en Hard Candy, pero quizais sexa máis coñecido despois de traballar en X-Men: The Last Stand como "Kitty Pryde/Shadowcat", unha mutante capaz de atravesar calquera tipo de material.

No 2007 sorprendeu ós críticos novamente cunha faceta como actor completamente diferente co seu papel en Juno, unha rapaza de dezaseis anos cun embarazo non desexado. O filme valeulle a candidatura ó Globo de Ouro en 2008 na categoría de Mellor actriz de comedia ou musical e ó Oscar á mellor actriz. Juno conseguiu o Oscar ó mellor guión o 24 de febreiro de 2008.

O 1 de marzo de 2008 Elliot foi a convidado de Saturday Night Live e o 3 de maio de 2009 aparecía como estrela invitada no capítulo "Waverly Hills 9-0-2-1-D'oh" da serie animada The Simpsons, interpretando ó personaxe "Alaska Nebraska".

Participou no filme Orixe (2010) sendo nomeado ó Premio Saturn á mellor actriz e no filme de baixo presuposto Super. Foi un dos protagonistas do filme de Woody Allen To Rome with Love (2012) e do filme de Zal Batmanglij The East (2013). No filme X-Men: Days os Future Past (2014) fai o papel da mutante Kitty Pride^[4]. O 14 de febreiro de 2014 fixo pública a súa orientación sexual nunha conferencia da organización Human Rights Campaign proclamando que estaba canso de agachar o seu lesbianismo^[5]

O 1 de decembro de 2020 anuncia nas redes sociais un comunicado declarando ser transxénero.

Filmografía

Papeis no cinema
Ano	Título	Papel	Notas
2002	The Wet Season	Jocelyn	Curtametraxe
2002	Marion Bridge	Joanie
2003	Touch & Go	Trish
2003	Love That Boy	Suzanna
2004	Wilby Wonderful	Emily Anderson
2005	Hard Candy	Hayley Stark
2005	Mouth to Mouth	Sherry
2006	X-Men: The Last Stand	Kitty Pryde
2007	An American Crime	Sylvia Likens
	Juno	Juno MacGuff
	The Tracey Fragments	Tracey Berkowitz
	The Stone Angel	Arlene Simmons
2008	Smart People	Vanessa Wetherhold
2009	Vanishing of the Bees	Narrador	Documental
2009	Whip It	Bliss Cavendar / Babe Ruthless
2010	Peacock	Maggie Bailey
	Orixe	Ariadne
	Super	Libby / Boltie
2012	To Rome with Love	Monica
2013	The East	Izzy
2013	Touchy Feely	Jenny
2014	X-Men: Days of Future Past	Kitty Pryde
2014	Tiny Detectives	Detective Ellen	Curtametraxe
2015	Into the Forest	Nell	Tamén produtor
2015	Freeheld	Stacie Andree	Tamén produtor
2016	Tallulah	Tallulah
	Window Horses	Kelly (voz)
	My Life as a Zucchini	Rosy (voz)	Dobraxe en inglés
2017	My Days of Mercy	Lucy Moro	Tamén produtor
	The Cured	Abbie	Tamén produtor
	Flatliners	Courtney Holmes
2019	There's Something in the Water	El mesmo	Documental; tamén director^[6]^[7]
Sen data	Naya Legend of the Golden Dolphin	Dusky (voz)	Posprodución
Sen data	Robodog	Izzy (voz)	Posprodución

Televisión

Papeis na televisión
Ano	Título	Papel	Notas
1997	Pit Pony	Maggie Maclean	Telefilme
1999–2000	Pit Pony	Maggie Maclean	Elenco principañ
2002	Trailer Park Boys	Treena Lahey	5 episodios
2002	Rideau Hall	Helene	Episodio: "Pilot"
2003	Homeless to Harvard: The Liz Murray Story	Lisa de moza	Telefilme
	Going for Broke	Jennifer	Telefilme
	Ghost Cat	Natalie Merritt	Telefilme
2004	I Downloaded a Ghost	Stella Blackstone	Telefilme
2004	ReGenesis	Lilith Sandström	8 episodios
2008	Saturday Night Live	El mesmo (convidado)	Episodio: "Ellen Page/Wilco"
2009	The Simpsons	Alaska Nebraska (voz)	Episodio: "Waverly Hills, 9-0-2-1-D'oh"
2011	Glenn Martin, DDS	Robot Assistant (voz)	Episodio: "Date with Destiny"
2011	Tilda	Carolyn	Pilot
2012	Family Guy	Lindsey (voz)	Episodio: "Tom Tucker: The Man and His Dream"
2013	Out There	Amber (voz)	Episodio: "Ace's Wild"
2016–2017	Gaycation	El mesmo	Serie documental; tamén produtor executivo
2019–presente	The Umbrella Academy	Vanya / Victor Hargreeves	Elenco principal
2019	Tales of the City	Shawna Hawkins	Elenco principal

Videoxogos

Papeis en videoxogos
Ano	Título	Papel	Notas
2013	Beyond: Two Souls	Jodie Holmes	Tamén captura de movementos

Premios

Premios Oscar

Ano	Categoría	Filme	Resultado
2007	Oscar á mellor actriz	Juno	Nomeado

Premios Globo de Ouro

Ano	Categoría	Filme	Resultado
2007	Globo de Ouro á mellor actriz - Comedia ou musical	Juno	Nomeado

Premios BAFTA

Ano	Categoría	Filme	Resultado
2007	BAFTA á mellor actriz	Juno	Nomeado
2007	Premio Orange a estrela emerxente		Nomeado

Premios do Sindicato de Actores

Ano	Categoría	Filme	Resultado
2007	Premio do Sindicato de Actores á mellor actriz protagonista	Juno	Nomeado

Premios Satellite

Ano	Categoría	Filme	Resultado
2007	Mellor actriz- Comedia ou Musical	Juno	Gañador

Premios Independent Spirit Awards

Ano	Categoría	Filme	Resultado
2008	Independent Spirit Award á mellor actriz	Juno	Gañador

Premios MTV Movie

Ano	Categoría	Filme	Resultado
2008	Mellor actriz	Juno	Gañador
2008	Mellor bico		Nomeado

Premios Saturn

Ano	Categoría	Filme	Resultado
2010	Premio Saturna á Mellor Actriz	Orixe	Pendente

Notas

↑ "Hi friends...". Twitter (en inglés). Arquivado dende o orixinal o 01 de decembro de 2020. Consultado o 2020-12-01.
↑ Douglas, Clare (20 de febreiro de 2015). "Birthday girl Ellen Page's 10 best tweets". Hello Canada. Arquivado dende o orixinal o 27 de maio de 2015. Consultado o 6 de marzo de 2015.
↑ Biography.com (ed.). "Ellen Page: Film Actress (1987–)". Arquivado dende o orixinal o 03 de abril de 2015. Consultado o 6 de marzo de 2015.
↑ "X-Men: Days of Future Past' Cast: Ellen Page, Anna Paquin, Shawn Ashmore Added To Roster". Huffington Post. 26 de xaneiro de 2013
↑ Canadian actress Ellen Page comes out as gay: 'I'm tired of hiding. CBC News. 14 de febreiro de 2014
↑ Lang, Brent (8 de agosto de 2019). "Toronto Film Festival Unveils Documentary, Midnight, Discovery Lineups". Arquivado dende o orixinal o 09 de agosto de 2019. Consultado o 9 de agosto de 2019.
↑ "There's Something in the Water". Festival Internacional de Cinema de Toronto. Arquivado dende o orixinal o 01 de agosto de 2019. Consultado o 9 de agosto de 2019.

Véxase tamén

Bibliografía

Arbuthnot, Leaf (30 de xuño de 2019). "A Life in the Day: the Juno and X-Men actress Ellen Page". The Sunday Times.

Ligazóns externas

Elliot Page na IMDb (en inglés).

[1] "Hi friends...". Twitter (en inglés). Arquivado dende o orixinal o 01 de decembro de 2020. Consultado o 2020-12-01.

[2] Douglas, Clare (20 de febreiro de 2015). "Birthday girl Ellen Page's 10 best tweets". Hello Canada. Arquivado dende o orixinal o 27 de maio de 2015. Consultado o 6 de marzo de 2015.

[3] Biography.com (ed.). "Ellen Page: Film Actress (1987–)". Arquivado dende o orixinal o 03 de abril de 2015. Consultado o 6 de marzo de 2015.

[4] "X-Men: Days of Future Past' Cast: Ellen Page, Anna Paquin, Shawn Ashmore Added To Roster". Huffington Post. 26 de xaneiro de 2013

[5] Canadian actress Ellen Page comes out as gay: 'I'm tired of hiding. CBC News. 14 de febreiro de 2014

[6] Lang, Brent (8 de agosto de 2019). "Toronto Film Festival Unveils Documentary, Midnight, Discovery Lineups". Arquivado dende o orixinal o 09 de agosto de 2019. Consultado o 9 de agosto de 2019.

[7] "There's Something in the Water". Festival Internacional de Cinema de Toronto. Arquivado dende o orixinal o 01 de agosto de 2019. Consultado o 9 de agosto de 2019.

[1]

[2]

[3]

[4]

[5]

[6]

[7]