Fermín Cacho

Fermín Cacho

(2011)
Biografía
Nacemento	16 de febreiro de 1969 (55 anos) Ágreda, España
Altura	175 cm
Peso	65 kg
Actividade
Ocupación	mediofondista, atleta
Partido político	Partido Socialista Obrero Español
Deporte	atletismo
Disciplina deportiva	1500 metros
Participou en
1996	Xogos Olímpicos de 1996
1992	Xogos Olímpicos de 1992
Obra
Obras destacables medalla de ouro olímpica (1992-1992) Xogos Olímpicos de 1992
Premios
(5 de decembro de 1996)  Gran Cruz da Real Orde do Mérito Deportivo (1996)  Premios Nacionales del Deporte (en)  Medalla de Ouro da Real Orde do Mérito Deportivo

Cadro de medallas
Atletismo
Xogos Olímpicos
	Barcelona 1992	1500 m
	Atlanta 1996	1500 m
Campionato do Mundo de Atletismo
	Stuttgart 1993	1.500 m
	Atenas 1997	1.500 m
Campionato de Europa
	Helsinqui 1994	1.500 m
	Budapest 1998	1.500 m

Fermin Cacho, nado en Ágreda (provincia de Soria) o 16 de febreiro de 1969, é un atleta castelán, xa retirado.

Traxectoria

Considerado como un dos mellores atletas españois de todos os tempos, no seu amplo palmarés destaca a medalla de ouro acadada nos 1500 metros nos Xogos Olímpicos de Barcelona en 1992. Foi medalla de prata na mesma proba dos Xogos de Atlanta en 1996.

Sempre na súa proba de 1.500 metros lisos, proclamouse unha vez campión de Europa, nos Europeos de 1994 e tamén posúe unha medalla de bronce obtida no Europeo de 1998.

Nos Campionatos do Mundo, obtivo dous importantes subcampionatos nos anos 1993 e 1997.

En pista cuberta destacan as medallas de prata no Campionato do Mundo celebrado en Sevilla en 1991 e no Campionato de Europa de 1990 en Glasgow.

A súa mellor marca en 1.500 metros de 3:28.95, conseguida o 13 de agosto de 1997 en Zürich, continúa sendo récord de España e de Europa da especialidade, e a quinta mellor marca mundial de todos os tempos.

Mellores marcas

Proba	Resultado	Data	Lugar	-
800 m	1:45.37	08/09/1991	Albacete (España)
1500 m	3:28.95	13/08/1997	Zürich (Suíza)	Récord de Europa