Fernsehturm de Berlín

Fernsehturm de Berlín
Fernsehturm, Berlín
Nome curto	FMT 32
Tipo	torre de telecomunicacións, torre de observación, sitio histórico e atracción turística
Uso(s)	en funcionamento
Edificio adxacente	Igreja de Santa Maria de Berlim (pt) e Alea 101 (en)
Custo	valor descoñecido
Localización
52°31′15″N 13°24′34″L
Estado	Alemaña
Sede	Berlín
Distrito	Mitte
Localización	Mitte
Visitas
Días abertos	todos os días da semana e todos os días da semana
Datas
Fundación	3 de outubro de 1968
Inauguración	3 de outubro de 1969
Acontecementos
1965	comezo da construción
Dimensións
Altura	368 m
Pisos sobre o solo	8
Persoas e organizacións
Propietario/a	Deutsche Funkturm (en)
Arquitecto/a	Hermann Henselmann e Günter Franke (pt)
Encargado por	Deutsche Post of the GDR (en)
Patrimonio cultural
Conxunto patrimonio da humidade
Composto por
Composto por  Filmtheater im Fernsehturm (en)  Environment of the Berliner Fernsehturm (en)
Contacto
Páxina WEB	tv-turm.de
Correo	mailto:info@tv-turm.de
Redes
[ Wikidata ]

A Fernsehturm (en alemán, Torre de televisión) é unha torre de televisión situada no centro de Berlín, capital de Alemaña. É un punto de referencia moi coñecido, próximo á Alexanderplatz. A torre foi construída en 1969 pola extinta República Democrática Alemá (RDA) e a súa imaxe foi usada desde entón polo goberno da RDA como símbolo do Berlín Oriental. Dende ela pódense ver doadamente todos os distritos do centro de Berlín e continúa a ser un símbolo da cidade.

A altura orixinal dq Fernsehturm era de 365 metros, pero pasou a ser de 368 logo da instalación dunha nova antena nos anos 1990. É actualmente o segundo edificio máis alto de Europa, só superado pola Torre Ostankino de Moscova, e a décimo sétima torre máis alta do mundo. Na cúspide da torre hai unha grande esfera na que se atopan un miradoiro e un restaurante; o miradoiro está a unha altura aproximada de 204 metros sobre o chan. O restaurante, que vira 360 graos cada media hora, atópase uns metros por riba do miradoiro. Dentro do corpo principal da torre hai dous ascensores que levan aos visitantes á esfera en 40 segundos.

Historia

En 1964, Walter Ulbricht, dirixente do Partido Socialista Unificado que gobernaba a República Democrática Alemá, decidiu impulsar a construción dunha torre de televisión na Alexanderplatz, tomando como modelo ao Fernsehturm de Stuttgart. A estrutura foi ideada por Hermann Henselmann e Jörg Streitparth; logo sumáronse ao equipo de arquitectos Walter Herzong e Herbert Aust. A construción comezou o 4 de agosto de 1965 e o edificio foi inaugurado pouco máis de 4 anos despois, o 3 de outubro de 1969. Na actualidade é un dos maiores puntos turísticos de Berlín, sendo visitada por ao redor dun millón de visitantes ao ano.

Aínda que comezara a construción dunha torre de televisión en Müggelberg, ao sueste de Berlín, o proxecto foi cancelado porque unha torre nese lugar sería perigosa para os avións que aterrasen e despegasen do próximo Aeroporto Internacional Schönefeld de Berlín.

A torre, detrás do Palacio da República.

O desquite do Papa

Cada vez que o sol se reflicte na cúpula de aceiro inoxidable da Fernsehturm, fórmase o debuxo dunha cruz. Este efecto non foi buscado nin previsto por ninguén. Bromeando co ateísmo do Estado socialista, os berlineses comezar a chamar ao fenómeno da cruz luminosa como Rache des Papstes, ou o desquite do Papa. Pola mesma razón a torre tamén foi denominada San Walter, en referencia a Walter Ulbricht.

Especificacións técnicas

• A entrada ao miradoiro atópase a 6,25 metros do chan
• Existen 2 ascensores para visitantes
• Un ascensor para mantemento técnico
• Unha escaleira de aceiro con 986 chanzos
• Plataformas de evacuación a 188 e 191 metros do chan
• O miradoiro atópase a 203,78 metros do chan
• O restaurante, a 207,53 metros
• Altura total da torre: 368,03 metros
• Peso do eixo: 26.000 toneladas
• Peso da esfera: 4.800 toneladas

Véxase tamén

Ligazóns externas

• Sitio web oficial do Fernsehturm
• Imaxe satelital da torre (Google Maps)