Saltar ao contido

Freire Shipyard

Na Galipedia, a Wikipedia en galego.
Freire Shipyard
Instalacións do estaleiro en Bouzas
Tiponegocio e empresa
Data de fundación1895
SedeVigo
EnVigo
PaísGalicia
42°13′29″N 8°44′59″O / 42.224722222222, -8.7497222222222
Na rede
http://www.freireshipyard.com
[ editar datos en Wikidata ]

Construcións Navais Paulino Freire (Freire Shipyard) é un estaleiro galego situado na parroquia de Bouzas (Vigo); a súa actividade é a construción, transformación e reparación de todo tipo de buques de casco de aceiro de até 155 metros de eslora.

Historia

[editar | editar a fonte]

O estaleiro foi fundado no ano 1895 por Paulino Freire na parroquia de Bouzas (Vigo), a primeira actividade do estaleiro data de finais do século XIX e principios do século XX; nos seus primeiros anos de actividade o estaleiro dedícase á reparación dos buques da frota pesqueira viguesa (moitos destes buques pertencían ao fundador da empresa Paulino Freire).[1]

No ano 1910 o estaleiro comeza a fabricar máquinas de vapor baixo patente propia.

Durante os anos 20 o estaleiro especializouse na construción de buques pesqueiros de madeira para Portugal; estes buques ademais incluían equipos propulsores e auxiliares de vapor que fabricaba o propio estaleiro.

No ano 1945, ao pouco de rematar a segunda guerra mundial o estaleiro continua coa súa expansión comercial en portos de todo o mundo grazas á empresa de efectos navais Efectos Navales P. Freire.

A mediados do século XX o estaleiro comeza a construír buques en aceiro; sendo o primeiro destes buques Puente Castrelos, cuxa construción se iniciou no ano 1958 e rematou no 1961.

En 1974 debido á forte demanda de buques da época, Freire Shipyard amplía as súas instalacións coa compra da factoría de Coia. No ano 1986 a dirección da empresa decide apostar tamén pola enxeñaría naval e é por iso que o estaleiro incorpora a súa propia oficina técnica.

Durante os anos 80 e principios dos 90; a práctica totalidade das novas construcións do estaleiro foron buques arrastreiros conxeladores, principalmente para armadores de España e Marrocos.

No ano 1999 Freire Shipyard consegue uns dos maiores fitos da súa historia; xa que ese mesmo ano ten lugar a botadura do buque Willem van der Zwan, que cos seus 142 metros de eslora era o maior buque pesqueiro do mundo da época.[2]

A principios do século XXI o estaleiro especialízase na construción de buques patrulleiros (durante eses anos a empresa constrúe tres buques da Clase Chilreu para a Armada Española).

No ano 2011 prodúcese a botadura do iate de luxo Pegaso (posteriormente Naia), o cal é a embarcación de recreo máis grande construída en España.[3]

O buque clase HMAS Adelaide (LHD 01) soldado sobre a cuberta da plataforma semi-somerxible MV Blue Marlin (traballo realizado polo estaleiro en decembro de 2013).

En decembro do ano 2013, traballadores do estaleiro efectuaron na Ría de Vigo os traballos de soldadura para a ensamblaxe e apontoamento do casco do buque de clase Canberra HMAS Adelaide (LHD 01) da Real Armada de Australia (construído en Navantia Ferrol) á cuberta do buque plataforma semi-somerxible MV Blue Marlin, para poder realizar o seu traslado a Australia.[4][5][6]

A finais do ano 2014 parte da actividade de Freire Shipyard expándese ao estranxeiro, grazas ao contrato asinado coa Secretaría da Mariña de México, o estaleiro encargarase da construción na cidade de Guaymas Sonora (México) de tres buques abastecedores multipropósito. A tarefa de Freire Shipyard nestas tres construcións, é a da subministración do paquete completo de deseño, materiais e equipos.[7]

No ano 2015 o estaleiro consolídase como o principal construtor naval da Ría de Vigo; asinando diversos contratos para armadores privados e para administracións públicas dos seguintes países: Noruega, Kuwait, Perú, Indonesia e a India. Especializouse sobre todo no deseño e a construción de modernos buques oceanográficos.[8][9][10][11][12][13]

Instalacións

[editar | editar a fonte]

Freire Shipyard conta con dúas factorías separadas entre si medio quilómetro (unha en Bouzas e outra en Coia); na factoría que se atopa situada en Bouzas atópase a sede principal da empresa, a oficina técnica, o taller de prefabricado, o taller de tubaxe, o taller de elaboración, un guindastre pórtico e dúas bancadas destinadas ás novas construcións que realiza o estaleiro. E nas instalacións que o estaleiro posúe en Coia; atópanse o taller de aceiros, o taller mecánico, o almacén, dous peiraos de 120 metros de lonxitude e unha bancada varadoiro. Nestas instalacións é onde se realizan os traballos de armado e instalación de equipos nos buques de nova construción tras a súa botadura e tamén é onde se realizan os traballos de reparación e transformación naval en xeral. En total ambas factorías contan cun espazo de 42 000 m².[14]

Accionariado

[editar | editar a fonte]

Actualmente o 100 % do accionariado da empresa é de capital privado e segue pertencendo á familia Freire.[15]

Produtos

[editar | editar a fonte]

Construcións Navais Paulino Freire dedícase á fabricación de buques e estruturas flotantes de gran tonelaxe. Está especializada principalmente na construción dos seguintes tipos de buques: arrastreiros, atuneiros, buques escola, dragas, goletas, mercantes, oceanográficos, offshore, patrulleiras, portacontedores, remolcadores, sísmicos, iates de luxo, etc.

Outra das actividades importantes do estaleiro á parte das novas construcións, é a reparación e transformación de todo tipo de buques e embarcacións.

Certificacións de Calidade

[editar | editar a fonte]

O estaleiro actualmente está en posesión dos seguintes certificados de calidade: ISO 9001, ISO 14001 e a OHSAS 18001.[16]

Premios e recoñecementos

[editar | editar a fonte]

No ano 2014 o estaleiro imponse no concurso anual de Buques Destacados 2013 que organizan o Colexio Oficial de Enxeñeiros Navais e a Asociación de Enxeñeiros Navais e Oceánicos de España, polo RRS Discovery; impóndose na final do concurso aos buques construídos polos estaleiros Gondán (Asturias) e Zamakona (País Vasco).[17]

Buques destacados

[editar | editar a fonte]

Ao longo de toda a súa historia Freire Shipyard construíu máis de 700 buques, entre os que se poden destacar os seguintes:

  • Arrastreiro Holmøe: encargado pola armadora Holmøe Maritime de Noruega; botado no ano 2015.[18]
  • Oceanográfico RRS Discovery: encargado polo Instituto Británico de Investigación Ambiental; botado no ano 2013 (buque amadrinado pola princesa Ana do Reino Unido).[19]
  • Iate de luxo Pegaso (posteriormente Naia): encargado por Alejandro Burillo Azcárraga de México; botado no ano 2011.[20][21][22]
  • Offshore Polar King: encargado pola armadora Rieber Shipping Bergen de Noruega; botado no ano 2011.[23]
  • Offshore Volstad Surveyor: encargado pola armadora Volstad Shipping AS de Noruega; botado no ano 2010.[24]
  • Oceanográfico Janan RV: encargado pola Universidade de Quatar; botado no ano 2010.[25]
  • Remolcador Svitzer Ramsey: encargado pola armadora Svitzer Marine do Reino Unido; botado no ano 2009.[23]
  • Remolcador Svitzer Caldey: encargado pola armadora Svitzer Marine do Reino Unido; botado no ano 2009.[26]
  • Remolcador Svitzer Lindsway: encargado pola armadora Svitzer Marine do Reino Unido; botado no ano 2008.[27]
  • Portacontedores Tina C: encargado pola armadora Carisbrooke Shipping do Reino Unido; botado no ano 2008.[28]
  • Remolcador Capitaine Albert Ruault: encargado pola armadora Svitzer Marine do Reino Unido; botado no ano 2007.[29]
  • Portacontedores Nicole C: encargado pola armadora Carisbrooke Shipping do Reino Unido; botado no ano 2007.[30]
  • Portacontedores Lauren C: encargado pola armadora Carisbrooke Shipping do Reino Unido; botado no ano 2007.[31]
  • Portacontedores Paula C: encargado pola armadora Carisbrooke Shipping do Reino Unido; botado no ano 2007.[32]
  • Portacontedores Eileen C: encargado pola armadora Carisbrooke Shipping do Reino Unido; botado no ano 2007.[33]
  • Offshore Geowave Commander: encargado pola armadora Wavefield Inseis de Noruega; botado no ano 2006.[34]
  • Oceanográfico Sarmiento de Gamboa: encargado polo Consello Superior de Investigacións Científicas (CSIC) de España; botado no ano 2006 (buque amadrinado pola raíña Sofía de Grecia).[35]
  • Atuneiro Draco: encargado pola armadora Albafrigo de España; botado no ano 2006.[36]
  • Patrulleiro Anna Kakurukaze Mungunda: encargado polo Ministerio de Pesca e Asuntos Mariños de Namibia; botado no ano 2004.[37]
  • Patrulleiro Tarifa (P-64): encargado pola Armada Española; botado no ano 2003.
  • Draga Acanto: encargado pola empresa Fomento de Construcciones y Contratas de España; botado no ano 2002.[38]
  • Arrastreiro Manuel Ángel Nores: encargado pola armadora Pesquerías Nores de España; botado no ano 2002.[39]
  • Arrastreiro Novo Alborada: encargado pola armadora Alborada Pesquerías de España; botado no ano 2001.[40]
  • Arrastreiro Akamalik: encargado pola armadora Royal Greenland, A.S. de Islandia; botado no ano 2001.[41]
  • Arrastreiro Willem van der Zwan: encargado pola armadora W. van der Zwan & Z.n.b.v. de Holanda; botado no ano 2000.[42]
  • Patrulleiro Arnomendi (P-63): encargado pola Armada Española; botado no ano 2000 (buque amadrinado pola exministra de Agricultura, Pesca e Alimentación Loyola de Palacio).
  • Remolcador RT Magic: encargado pola armadora Kotug Europe de Holanda; botado no ano 1999.[43]
  • Remolcador RT Spirit: encargado pola armadora Kotug Europe de Holanda; botado no ano 1999.[44]
  • Buque Mercante Conxelador Sierra Leyre: encargado pola armadora Seatrade Groningen de Holanda; botado no ano 1997.[45]
  • Buque Mercante Conxelador Sierra Loba: encargado pola armadora Marítima do Norte de España; botado no ano 1997.[46]
  • Buque Mercante Conxelador Sierra Lara: encargado pola armadora Marítima do Norte de España; botado no ano 1997.[47]
  • Patrulleiro Alborán (P-62): encargado pola Armada Española; botado no ano 1997.
  • Arrastreiro Playa de Barra: encargado pola armadora Grupeixe Empresas Pesqueras de España; botado no ano 1987.[48]
  • Arrastreiro Vieirasa Sete: encargado pola armadora Vieira S.A. de España; botado no ano 1985.[49]
  • Oceanográfico Cornide de Saavedra: encargado polo Instituto Español de Oceanografía (IEO); botado no ano 1982.[50]
  • Arrastreiro Playa de Galicia: encargado pola armadora Pesquerías Marinenses de España; botado no ano 1981.[51]
  • Arrastreiro Tasarte: encargado pola armadora Montelor Pesquera de España; botado no ano 1976.[52]
  • Pesqueiro Islamar III: encargado pola armadora Islamar de España; botado no ano 1971.

Galería de imaxes

[editar | editar a fonte]
  • Arrastreiro Akamalik.
    Arrastreiro Akamalik.
  • Oceanográfico RRS Discovery.
    Oceanográfico RRS Discovery.
  • Oceanográfico Sarmiento de Gamboa.
    Oceanográfico Sarmiento de Gamboa.
  • Patrulleiro Alborán (P-62).
    Patrulleiro Alborán (P-62).
  • Patrulleiro Arnomendi (P-63).
    Patrulleiro Arnomendi (P-63).
  • Patrulleiro Tarifa (P-64).
    Patrulleiro Tarifa (P-64).
  • Remolcador Capitaine Albert Ruault.
    Remolcador Capitaine Albert Ruault.
  • Remolcador RT Magic.
    Remolcador RT Magic.
  • Remolcador RT Spirit.
    Remolcador RT Spirit.
  • Iate de luxo Naia.
    Iate de luxo Naia.

Notas

[editar | editar a fonte]
  1. ↑ "Los Freire de Bouzas". Arquivado dende o orixinal o 03 de setembro de 2014. Consultado o 1 de setembro de 2014. 
  2. ↑ "1999 Freire entra en la historia de la industria pesquera: Se construye el maior buque pesquero del mundo, el "Willem van der Zwan".". Freire Shipyard. Consultado o 25 de agosto de 2015. 
  3. ↑ "El lujo llega en forma de yate". Arquivado dende o orixinal o 11 de marzo de 2016. Consultado o 26 de decembro de 2015. 
  4. ↑ "Soldadores de Freire anclarán el Adelaide para su transporte". Faro de Vigo. Consultado o 5 de xaneiro de 2014. 
  5. ↑ "Soldadores de Freire van a anclar el Adelaide para su transporte". Navalia. Arquivado dende o orixinal o 28 de outubro de 2014. Consultado o 24 de febreiro de 2014. 
  6. ↑ "Freire arranca los trabajos de ajuste del «Adelaide»". Consultado o 17 de marzo de 2014. 
  7. ↑ "Freire coordinará la construcción de tres buques offshore en México para Pemex". Faro de Vigo. Consultado o 25 de outubro de 2014. 
  8. ↑ "Noticias". Freire Shipyard. Consultado o 25 de outubro de 2014. 
  9. ↑ "El astillero Freire construirá una goleta para Indonesia". El País. Consultado o 29 de setembro de 2013. 
  10. ↑ "El astillero vigués Freire construirá un oceanográfico para Kuwait". Consultado o 5 de xaneiro de 2014. 
  11. ↑ "Aclunaga muestra su "inmensa alegría" por el contrato de Freire con Kuwait para hacer un buque de 30 millones". Consultado o 8 de xaneiro de 2014. 
  12. ↑ "El retraso del velero indonesio deja a Freire sin carga de trabajo". La voz de Galicia. Consultado o 26 de marzo de 2014. 
  13. ↑ "La partida del ´Naia´ deja a Freire sin barcos". Faro de Vigo. Consultado o 3 de abril de 2014. 
  14. ↑ "FREIRE SHIPYARD UN ASTILLERO BIEN GESTIONADO QUE SUPO MANTENERSE EN LA CRISIS". Arquivado dende o orixinal o 28 de outubro de 2014. Consultado o 25 de febreiro de 2014. 
  15. ↑ "CONSTRUCCIONES NAVALES P. FREIRE". Arquivado dende o orixinal o 01 de marzo de 2014. Consultado o 25 de febreiro de 2014. 
  16. ↑ "FREIRE obtiene el certificado OSHAS 10081 que se suma a sus ya alcanzadas certificaciones ISO 9001 y 14001". Arquivado dende o orixinal o 16 de outubro de 2013. Consultado o 10 de outubro de 2013. 
  17. ↑ "1º Clasificado 2013". Arquivado dende o orixinal o 24 de setembro de 2015. Consultado o 20 de xullo de 2015. 
  18. ↑ "El "Holmøy" de Freire se hace a la mar". Faro de Vigo. setembro de 2015. Consultado o 1 de setembro de 2015. 
  19. ↑ "Botado en Vigo el más avanzado buque oceanográfico del mundo". abril de 2012. Arquivado dende o orixinal o 27 de setembro de 2013. Consultado o 25 de setembro de 2013. 
  20. ↑ "El mexicano Alejandro Azcárraga pide 'mejoras' en su megayate 'Pegaso'". El mundo. 25 de outubro de 2011. Consultado o 25 de setembro de 2013. 
  21. ↑ "Película del Súper yate Pegaso construido en Vigo Galicia 2011". www.youtube.com. 30 de decembro de 2012. Consultado o 18 de marzo de 2014. 
  22. ↑ "El lujo llega en forma de yate". menorca.info. Arquivado dende o orixinal o 06 de xuño de 2014. Consultado o 4 de xuño de 2014. 
  23. ↑ 23,0 23,1 "Svitzer Ramsey - IMO 9440899" (en inglés). Consultado o 6 de febreiro de 2014. 
  24. ↑ "Polar King - IMO 9523366" (en inglés). Consultado o 6 de febreiro de 2014. 
  25. ↑ "Freire Shipbuilding Hands Over RV Janan to Qatar University" (en inglés). Arquivado dende o orixinal o 27 de setembro de 2013. Consultado o 25 de setembro de 2013. 
  26. ↑ "SVITZER CALDEY - IMO 9440887" (en inglés). Consultado o 6 de febreiro de 2014. 
  27. ↑ "Svitzer Lindsway - IMO 9440758" (en inglés). Consultado o 6 de febreiro de 2014. 
  28. ↑ "TINA C - IMO 9416331" (en inglés). Consultado o 6 de xaneiro de 2014. 
  29. ↑ "Capitaine Albert Ruault - IMO 9398814" (en inglés). Consultado o 4 de maio de 2015. 
  30. ↑ "NICOLE C - IMO 9373541" (en inglés). Consultado o 6 de xaneiro de 2014. 
  31. ↑ "LAUREN C - IMO 9373527" (en inglés). Consultado o 6 de xaneiro de 2014. 
  32. ↑ "Paula C - IMO 9373553" (en inglés). Consultado o 6 de xaneiro de 2014. 
  33. ↑ "EILEEN C - IMO 9373503" (en inglés). Consultado o 6 de xaneiro de 2014. 
  34. ↑ "Buque de Exploración Sismográfica de 98 m. Geowave Commander". Arquivado dende o orixinal o 16 de outubro de 2013. Consultado o 16 de outubro de 2013. 
  35. ↑ "La Reina amadrina en el Puerto de Vigo la botadura del buque oceanográfico 'Sarmiento de Gamboa'". 31 de xaneiro de 2006. Arquivado dende o orixinal o 27 de setembro de 2013. Consultado o 25 de setembro de 2013. 
  36. ↑ "Draco - IMO 9335226" (en inglés). Consultado o 6 de febreiro de 2014. 
  37. ↑ "Anna Kakurukaze Mungunda - IMO 9285603" (en inglés). Consultado o 25 de setembro de 2013. 
  38. ↑ "ACANTO - IMO 9281889" (en inglés). Consultado o 6 de febreiro de 2014. 
  39. ↑ "MANUEL ANGEL NORES - IMO 9281865" (en inglés). Consultado o 6 de febreiro de 2014. 
  40. ↑ "NOVO ALBORADA - IMO 9242027" (en inglés). Consultado o 6 de febreiro de 2014. 
  41. ↑ "Akamalik - IMO 9228928" (en inglés). Consultado o 6 de xaneiro de 2014. 
  42. ↑ "WILLEM VAN DER ZWAN SCH302 - IMO 9187306" (en inglés). Consultado o 25 de setembro de 2013. 
  43. ↑ "RT MAGIC - IMO 9190066" (en inglés). Consultado o 20 de outubro de 2015. 
  44. ↑ "RT SPIRIT - IMO 9190054" (en inglés). Consultado o 20 de outubro de 2015. 
  45. ↑ "Sierra Leyre - IMO 9135822" (en inglés). Consultado o 6 de febreiro de 2014. 
  46. ↑ "Sierra Loba - IMO 9120217" (en inglés). Consultado o 29 de setembro de 2013. 
  47. ↑ "Sierra Lara - IMO 9120205" (en inglés). Consultado o 29 de setembro de 2013. 
  48. ↑ "Playa de Barra - IMO 8701181" (en inglés). Consultado o 6 de febreiro de 2014. 
  49. ↑ "Vieirasa Siete - IMO 7430591" (en inglés). Consultado o 6 de febreiro de 2014. 
  50. ↑ "Freire se pone un sobresaliente". La voz de Galicia. 21 de xaneiro de 2005. Arquivado dende o orixinal o 27 de setembro de 2013. Consultado o 25 de setembro de 2013. 
  51. ↑ "Playa de Galicia - IMO 7813107" (en inglés). Consultado o 6 de febreiro de 2014. 
  52. ↑ "TASARTE - IMO 7385356" (en inglés). Consultado o 6 de febreiro de 2014. 

Véxase tamén

[editar | editar a fonte]

Outros artigos

[editar | editar a fonte]
Traído desde «https://gl.wikipedia.org/w/index.php?title=Freire_Shipyard&oldid=6312636»