Galizionario

O Galizionario, tamén denominado Galicionario, é a versión en galego do Wiktionary, un dicionario multilingüe de contido libre que forma parte dos proxectos da Fundación Wikimedia.

Denominación

Creado o 6 de maio de 2004, o nome Galizionario fíxose oficial o día 21 de decembro de 2004 mediante votación da comunidade^[1]. O 31 de decembro do mesmo ano pasou a chamarse Galizionario, incorporando o prefixo Gali- no seu nome como xa se viña facendo na Galipedia.

Características

O Galizionario recolle vocábulos en todas as linguas xunto coas súas traducións ao galego, sendo as entradas máis numerosas as que se refiren á definición de termos en lingua galega.

Presenta moitas características iguais a outras versións do Wiktionary:

Diferenciación de maiúsculas e minúsculas iniciais.
Estrutura das entradas como as dun dicionario.
Presentación fixa dos datos, fornecendo categoría gramatical, etimoloxía, pronuncia (ficheiro de son e transcrición fonolóxica), definición de cada unha das acepcións, traducións a varias linguas, observacións de uso, táboas de flexión (conxugación ou declinación), palabras relacionadas, fraseoloxía etc.
Organización en categorías das entradas segundo a súa lingua e categoría gramatical, o cal permite xerar automaticamente listaxes de palabras segundo estes parámetros.
Listaxes de traducións bilingües, como é o caso do Dicionario Galego-Aragonés e o Dicionario Aragonés-Galego que tamén está no Biquizionario, o Wiktionary en aragonés.
Remisións ó proxecto Wikipedia galego, a Galipedia, cando existe un artigo homónimo relacionado.
Remisións a outros proxectos de Wiktionary.

Tamén, como outros proxectos de Wiktionary, presenta un importante uso de modelos, pois as entradas están moi estruturadas e fixadas.

É importante tamén que contén tamén entradas de carácter toponímico^[2], nalgunhas palabras presenta corpus fraseolóxicos^[3], clasificación onomasiolóxica ^[4] e mesmo categorización dos fenómenos de evolución fónica dende a suposta etimoloxía^[5].

Fitos

Crecemento do número de entradas no Galizionario ^[6]

A comezos de 2005, a versión en galego do Wiktionary era o terceiro dicionario da Fundación Wikimedia con máis entradas de todos os existentes naquel momento^[7]. O 20 de agosto do 2015 (data na que ocupaba o posto 44)^[8] acadaba as 44.867 páxinas, que contiñan máis de 55.700 entradas en 357 linguas; delas, máis de 19.600 eran do galego, pero tamén contaba cunhas 8.220 do castelán^[9], 5.032 do italiano^[10], 3.664 do francés^[11], 2.849 do inglés^[12], 1.732 do portugués^[13], e outros idiomas, tanto da nosa contorna, como o latín^[14], o catalán^[15], o vasco^[16], ou o alemán^[17], como outras linguas máis afastadas, como o cheyenne^[18], o chinés^[19] ou o suahili^[20]. Esta cantidade de palabras convérteo nun dos máis grandes da escasa lexicografía galega de dicionarios en liña e dicionarios bilingües non dirixidos ó castelán.

Desde o 23 de febreiro de 2006, o sistema (en contraste coa Wikipedia) permite crear entradas tanto en minúsculas como en maiúsculas para facilitar o uso da grafía máis precisa en cada caso.

O Galizionario, do mesmo xeito que a Wikipedia, baséase no software wiki e publícase baixo a licenza GFDL.

Notas

Véxase tamén

Outros artigos

Ligazóns externas

Portada do Galizionario

[1] wikt:Wiktionary:Actualidade#2004

[2] wikt:Categoría:Toponimia

[3] wikt:cabalo ou wikt:chover

[4] wikt:Categoría:Entradas por significado

[5] wikt:Categoría:Entradas por evolución fónica

[6] wikt:Wiktionary:Actualidade

[7] :Wiktionary:Wiktionary:Multilingual statistics#Ranking

[8] :Wiktionary

[9] wikt:Categoría:Castelán

[10] wikt:Categoría:Italiano

[11] wikt:Categoría:Francés

[12] wikt:Categoría:Inglés

[13] wikt:Categoría:Portugués

[14] wikt:Categoría:Latín

[15] wikt:Categoría:Catalán

[16] wikt:Categoría:Vasco

[17] wikt:Categoría:Alemán

[18] wikt:Categoría:Cheyenne

[19] wikt:Categoría:Chinés

[20] wikt:Categoría:Suahili

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]