Ganso da tundra

Ganso da tundra pasando o inverno en Tainan, Taiwán

Dominio:	Eukaryota
Reino:	Animalia
Filo:	Chordata
Clase:	Aves
Orde:	Anseriformes
Familia:	Anatidae
Xénero:	Anser
Especie:	Anser serrirostris Gould, 1852

O ganso da tundra^[1] (Anser serrirostris) é un ganso que se reproduce no norte de Siberia. Este e o ganso campestre recoñécense como especies separadas pola Sociedade Ornitolóxica Americana e a Unión Ornitolóxica Internacional, pero son considerados unha soa especie por outras autoridades (sería a subespecie Anser fabalis serrirostris). Estas dúas especies diverxeron hai uns 2,5 millóns de anos e estableceron un contacto secundario hai uns 60.000 anos, o que tivo como resultado un amplo fluxo xénico.^[2] É unha ave migratoria e pasa o inverno máis ao sur en Asia.

Descrición

A súa lonxitude varía de 68 a 90 cm, a envergadura alar de 140 a 174 cm e o peso de 1,7 a 4 kg.^[3] Na subespecie nomeada os machos pesan como media 3,2 kg e as femias 2,84 kg.^[3] O bico é negro na base e punta, cunha banda laranxa no medio; as patas e pés son tamén laranxas intensas.

As cobertoiras alares superiores son marróns escuras, como no ganso de testa branca (Anser albifrons) e ganso pequeno (A. erythropus), pero difiren destes en que teñen beiras brancas estreitas nas plumas.

A súa voz é un alto grallar, máis agudo nas subespecies menores.

A especie estreitamente relacionada ganso de bico curto (A. brachyrhynchus) ten un bico curto, con rosa intenso na parte media e pés tamén rosas, as cobertoiras alares superiores son case da mesma cor gris azulada que no ganso bravo.

Taxonomía

Hai dúas subespecies:^[4]

A. s. rossicus Buturlin, 1933. Vive na tundra do norte de Rusia polo leste ata a Península de Taimir. É pequeno, con bico curto e repoludo, cunha banda laranxa estreita. Anser fabalis rossicus é un dos taxons aos cales se aplica o Acordo para a Conservación de Aves Acuáticas Migratorias Africanas-Eurasiáticas (AEWA).
A. s. serrirostris Gould, 1852. Vive na tundra do leste de Siberia. É grande, de bico longo e robusto, con banda laranxa estreita.

Distribución

O ganso da tundra non ten sitios de invernada regulares, pero encóntrase en pequenos grupos entre outras especies de gansos; entre as localidades máis regulares en Europa están WWT Slimbridge, Gloucestershire e Holkham Marshes, Norfolk.

Notas

↑ "Denominación das aves". Real Academia Galega. Consultado o 2024-12-05.
↑ Ottenburghs, Jente; Honka, Johanna; Müskens, Gerard J. D. M.; Ellegren, Hans (2020-05-26). "Recent introgression between Taiga Bean Goose and Tundra Bean Goose results in a largely homogeneous landscape of genetic differentiation". Heredity (en inglés) 125 (1–2): 73–84. ISSN 1365-2540. PMC 7413267. PMID 32451423. doi:10.1038/s41437-020-0322-z.
↑ ^3,0 ^3,1 Dunning, John B. Jr., ed. (1992). CRC Handbook of Avian Body Masses. CRC Press. ISBN 978-0-8493-4258-5.
↑ Gill, Frank; Donsker, David, eds. (2019). "Screamers, ducks, geese, swans". World Bird List Version 9.1. International Ornithologists' Union. Consultado o 2 de abril de 2019.

[1] "Denominación das aves". Real Academia Galega. Consultado o 2024-12-05.

[2] Ottenburghs, Jente; Honka, Johanna; Müskens, Gerard J. D. M.; Ellegren, Hans (2020-05-26). "Recent introgression between Taiga Bean Goose and Tundra Bean Goose results in a largely homogeneous landscape of genetic differentiation". Heredity (en inglés) 125 (1–2): 73–84. ISSN 1365-2540. PMC 7413267. PMID 32451423. doi:10.1038/s41437-020-0322-z.

[CRC-3] 3,0 ^3,1 Dunning, John B. Jr., ed. (1992). CRC Handbook of Avian Body Masses. CRC Press. ISBN 978-0-8493-4258-5.

[ioc-4] Gill, Frank; Donsker, David, eds. (2019). "Screamers, ducks, geese, swans". World Bird List Version 9.1. International Ornithologists' Union. Consultado o 2 de abril de 2019.

[1]

[2]

[3]

[4]