George Gervin
George "The Iceman" Gervin, nado o 27 de abril de 1952 en Detroit, Míchigan, é un ex xogador profesional de baloncesto estadounidense que desenvolveu a maior parte da súa carreira na National Basketball Association (NBA). Foi seleccionado na terceira rolda do Draft da NBA polos Phoenix Suns en 1974, aínda que non chegou a debutar co equipo de Novo México. Así pois, Gervin desenvolveu principalmente a súa carreira deportiva nos San Antonio Spurs, franquía na que é nove veces All-Star (incluíndo un premio ao mellor xogador do partido en 1980) e catro veces máximo anotar da competición.
Alén da NBA, participou noutras dúas competicións norteamericanas (a ABA e a CBA) e en dúas ligas europeas (a Lega e a ACB). En 1996 foi votado como uns dos "cincuenta mellores xogadores da historia da NBA" e admitido no Basketball Hall of Fame como xogador. Tamén foi homenaxeado polos San Antonio Spurs sendo retirado o seu dorsal número 44, o cal hoxe pendura no AT&T Center.
Traxectoria
[editar | editar a fonte]Universidade
[editar | editar a fonte]Comezou a súa carreira universitaria en Long Beach, mais tras un incidente continuou na Universidade de Eastern Michigan. Neses dous últimos anos, fixo unha media 26,8 puntos e 14,4 rebotes por partido.
NBA
[editar | editar a fonte]
Foi elixido no draft de 1974 na cuarta elección da terceira rolda por Phoenix Suns, franquía na que nunca chegou a xogar. De feito, a súa carreira profesional comezou dous anos antes, na desaparecida liga ABA, nos Virginia Squires, de onde pasou ao ano seguinte a San Antonio Spurs, equipo que aínda competía na liga do balón tricolor. Con eles deu o salto á NBA, e na súa segunda tempada na devandita liga, conseguiu un dos fitos máis rechamantes desta competición: anotou 63 puntos no último partido da liga regular para así superar a David Thompson como máximo anotador da tempada por tan só 6 centésimas de punto (27,21 puntos por partido polos 27,15 de Thompson). Foi a primeira de tres tempadas consecutivas logrando ser o máximo anotador da liga. Posteriormente lograríao unha cuarta vez, en 1982. Só Wilt Chamberlain e Michael Jordan gañaron máis títulos de mellor anotador que os catro de Gervin.
En nove tempadas cos Spurs, conseguiu cinco títulos de campión da División Medio Oeste (Midwest Division). Ademais, fixo de media 27 puntos por partido nos play-offs. Acabou a súa carreira con 33 anos nos Chicago Bulls. Conservaba un récord da NBA, o de máximo anotador nun único cuarto de partido, con 33 puntos, logrado na temporada 1977−78, até que foi superado por Klay Thompson dos Golden State Warriors, quen marcou 37 no terceiro período contra os Sacramento Kings no Oracle Arena de Oakland (California) durante a temporada 2014−15.
Despois de deixar a NBA xoga na Virtus Roma da Lega, nos Quad City Thunder da CBA, para retirarse finalmente na liga española de baloncesto, xogando no TDK Manresa con 38 anos, onde fixo unha media de 25 puntos por partido e sendo clave para que o equipo se mantivese na ACB.[1]
Palmarés
[editar | editar a fonte]- 4 veces máximo anotador da NBA (1978–1980, 1982).
- 12 veces consecutivas All Star (3 delas na ABA, 1974-1985).
- MVP do All Star Game (1980).
- Elixido en cinco ocasións no mellor quinteto da NBA (1978–1982).
- Elixido en dúas ocasións no segundo mellor quinteto da NBA (1977, 1983).
- Elixido en dúas ocasións no segundo mellor quinteto da ABA (1975–1976).
- Elixido no mellor quinteto rookie da ABA (1973).
- A súa camiseta co número 44 foi retirada polos Spurs como homenaxe.
- Membro do Basketball Hall of Fame (1996).
- Elixido un dos 50 mellores xogadores da historia da NBA (1996).
- Elixido un dos 30 mellores xogadores da historia da ABA (1997).
Notas
[editar | editar a fonte]- ↑ Ortiz, Javier. "George Gervin: una leyenda entre nosotros" (en castelán). Arquivado dende o orixinal o 16 de marzo de 2015. Consultado o 23 de marzo de 2015.
Véxase tamén
[editar | editar a fonte]Ligazóns externas
[editar | editar a fonte]- Sitio web oficial Arquivado 15 de maio de 2019 en Wayback Machine.
- Estatísticas de George Gervin Arquivado 05 de abril de 2016 en Wayback Machine.
- Perfil de George Gervin en NBA History
- Biografía de George Gervin no Basketball Hall of Fame
- Nados en 1952
- Nados en Detroit
- Escoltas de baloncesto
- Xogadores de baloncesto da NBA
- Xogadores de baloncesto da ACB
- Xogadores de baloncesto dos Estados Unidos de América
- Eleccións no Draft da NBA dos Phoenix Suns
- Xogadores dos San Antonio Spurs
- Xogadores dos Chicago Bulls
- Xogadores do Pallacanestro Virtus Roma
- Xogadores do Bàsquet Manresa
- Membros do Salón da Fama da NBA