John Havlicek

John Havlicek

(década de 1960)
Biografía
Nacemento	8 de abril de 1940 Martins Ferry, Estados Unidos de América (pt)
Morte	25 de abril de 2019 (79 anos) Jupiter, Florida, Estados Unidos de América
Causa da morte	párkinson
Datos persoais
País de nacionalidade	Estados Unidos de América
Relixión	Católico non practicante
Educación	Universidade Estatal de Ohio Bridgeport High School (en)
Altura	196 cm
Peso	92 kg
Actividade
Ocupación	baloncestista
Período de actividade	1962 - 1978
Lingua	Lingua inglesa
Nacionalidade deportiva	Estados Unidos de América
Deporte	baloncesto
Liga	Baloncesto masculino da División I da NCAA e National Basketball Association
Posición de xogo	Ala e Escolta
Convocado por	Boston Celtics
Traxectoria   Equipo 1959-1962 Ohio State Buckeyes men's basketball (en) 1962-1977 Boston Celtics 1.270 (26.395)
Premios (1974)  Premio Bill Russell ao MVP das Finais da NBA

John J. Havlicek, nado en Martins Ferry, Ohio o 8 de abril de 1940, e finado en Jupiter o 25 de abril de 2019, foi un xogador profesional de baloncesto estadounidense que destacou profesionalmente nas décadas dos 60 e dos 70. Toda a súa traxectoria profesional estivo ligada aos Boston Celtics. Alcumábanlle "Hondo", pola personaxe da película do mesmo nome protagonizada por John Wayne.

Traxectoria deportiva

Universidade

A súa carreira universitaria transcorreu na Universidade de Ohio State, onde coincidiu con outro gran xogador, Jerry Lucas. Xuntos, gañaron o título da NCAA en 1960. En 1961 conseguiron unha marca de 27 partidos gañados por un só perdido, na final, e na prórroga. Havlicek promedió, en tres tempadas, 14,6 puntos e 8,6 rebotes.

NBA

Na súa etapa universitaria tamén xogou ao fútbol americano, un deporte no que tamén destacou, e é por iso que en 1962 foi elixido no draft da NBA por Boston na novena posición da primeira rolda, e á vez polos Cleveland Browns da NFL. Pero tras probar un tempo os adestramentos do fútbol, decidiu centrar todas as súas enerxías no baloncesto. Ninguén dúbida que acertou plenamente, xa que conseguiu, en 16 tempadas como profesional gañar 8 aneis de campión da NBA, a metade deles no seu catro primeiras tempadas. Só os seus compañeiros de equipo Bill Russell e Sam Jones en gando máis aneis que el nunha carreira profesional.

Ten o récord de máis puntos anotados cos Celtics, con 26.395 (20,8 por partido, sexto máximo anotador de todos os tempos da liga), ademais dos de máis partidos xogados coa camiseta verde e branca, 1.270, cuarta marca da liga. Ademais, comparte o récord de máis puntos anotados nunha prórroga en finais, con 9. Está considerado o mellor sexto home da historia da NBA. Retirouse en 1978 e a súa camiseta co número 17 colgou durante anos do alto do Boston Garden como homenaxe á súa dilatada carreira. Posteriomente trasladouse ao TD Banknorth Garden.

Equipos

• Boston Celtics (1963-1978)

Logros persoais

• 13 veces All Star.
• Primeiro xogador en anotar 1.000 puntos ou máis en 16 tempadas consecutivas.
• MVP das Finais de 1974.
• Elixido en 4 ocasións no mellor quinteto da NBA e 7 veces máis no segundo mellor.
• Elixido en 5 ocasións no mellor quinteto defensivo da liga.
• Elixido un dos "cincuenta mellores xogadores da historia da NBA" en 1996.
• Membro do Basketball Hall of Fame dende 1984.

Véxase tamén

Ligazóns externas

• Estatísticas de Hondo Havlicek Arquivado 04 de abril de 2013 en Wayback Machine.
• Páxina de Havlicek na web do Hall of Fame
• Vídeo de Havlicek