George Hoyt Whipple

George Hoyt Whipple

Biografía
Nacemento	28 de agosto de 1878 Ashland, Estados Unidos de América (en)
Morte	1 de febreiro de 1976 (97 anos) Rochester, Estados Unidos de América
Lugar de sepultura	Cemitério Mount Hope (pt)
Residencia	Whipple House (en)
Educación	Universidade Yale Phillips Academy Johns Hopkins School of Medicine (en) Universidade Johns Hopkins
Actividade
Campo de traballo	Medicina, Bioquímica e patoloxía
Ocupación	médico, patólogo
Empregador	Universidade de Rochester (pt) Universidade de California
Membro de	Academia Naciona de Ciencias dos Estados Unidos (Membro da Academia Nacional de Ciencias dos Estados Unidos) (1929–) Royal Academy of Medicine of Belgium (en) Leopoldina
Alumnos	Ernest William Goodpasture (pt)
Obra
Doutorando	Ernest William Goodpasture (pt)
Premios
(1962)  Medalha Jessie Stevenson Kovalenko (pt) (1939)  George M. Kober Medal (en) (1934)  Premio Nobel en Fisioloxía ou Medicina
Descrito pola fonte	Obálky knih, Medvik >>>:Whipple, George Hoyt, 1878-1976,

George Hoyt Whipple, nado en Ashland, Nova Hampshire o 28 de agosto de 1878 e finado en Rochester, Nova York o 1 de febreiro de 1976, foi un médico e profesor universitario estadounidense.Os seus traballos fundamentais de investigación médica foron sobre a función dos nutrientes na estimulación da medula ósea. Obtivo o Premio Nobel de Fisioloxía ou Medicina en 1934, compartíndoo con William Parry Murphy e George Richards Minot.

Traxectoria

Fillo de Ashley Cooper Whipple e Frances Anna Hoyt, naceu en Ashland, Nova Hampshire. Era fillo e neto de médicos. Foi á Phillips Academy e logo á Universidade Yale, onde se graduou en 1900. Logo estaría na Universidade Johns Hopkins, onde se doutorou en 1905.

Whipple traballou logo no departamento de patoloxía de Hopkins até que foi para Panamá, durante a construción da Canle de Panamá, como patólogo para o Ancon Hospital en 1907–08. Logo volvería para Baltimore, para traballar para a Universidade Johns Hopkins entre 1910 e 1914.

En 1914, Whipple foi nomeado director da Fundación Hooper para a Investigación Médica na Universidade de California. Foi decano na facultade de medicina desta universidade en 1920 e 1921.

A instancias de Abraham Flexner, que fixera estudos pioneiros na educación médica, e o presidente da Universidade de Rochester, Rush Rhees, Whipple aceptou en 1921 ser profesor na recente e aínda en construción facultade de medicina de Rochester. Traballaría para este centro até 1954 e ficaría en Rochester para o resto da súa vida, sendo recordado como un gran profesor. Whipple faleceu en 1976 con 97 anos e está soterrado no Mount Hope Cemetery de Rochester.

Véxase tamén

Ligazóns externas

• Páxina do Instituto Nobel, Premio Nobel de Medicina 1934 (en inglés)