Hlib Lonchyna

Hlib Lonchyna
	; (2008)
Biografía
Nacemento	(mul) Borys Sviatoslav Lonchyna ; 23 de febreiro de 1954 (70 anos); Steubenville, Estados Unidos de América (pt)
Administrador apostólico
	18 de febreiro de 2019 – ; Diocese: Eparquía católica ucraína de París
Bispo diocesano
	18 de xaneiro de 2013 – 1 de setembro de 2019 ; ← Paul Patrick Chomnycky (en) – Kenneth Nowakowski (en) → ; Diocese: Eparquía católica ucraína de Londres
Administrador apostólico
	2 de xuño de 2009 – ; Diocese: Eparquía católica ucraína de Londres
Bispo auxiliar
	6 de decembro de 2004 – ; Diocese: Arquieparquía maior de Kíiv-Galicia
Bispo titular
	11 de xaneiro de 2002 – ; Diocese: Bareta (en)
Bispo auxiliar
	11 de xaneiro de 2002 – ; Diocese: Arquieparquía católica ucraína de Lviv
Datos persoais
Relixión	Igrexa católica e Igrexa católica bizantina ucraína
Educación	Pontificio Instituto Oriental ; Pontificia Universidade Urbaniana
Actividade
Ocupación	bispo católico (2002–), sacerdote católico (1977–), diácono (1977–)
Consagración	Liubomyr Huzar

Hlib Lonchyna, nado como Borys Sviatoslav Lonchyna o 23 de febreiro de 1954 en Steubenville (Estados Unidos), é un eclesiástico católico ucraíno, monxe estudita e, dende 2011, bispo da Sagrada Familia de Londres.

Traxectoria

Hlib Lonchyna naceu o 23 de febreiro de 1954 nunha familia de ascendencia ucraína en Steubenville, no territorio da eparquía ucraína de Parma.^[1]^[2]

En 1975 entrou no mosteiro dos estuditas de Grottaferrata, e o 19 de decembro de 1976 fixo a profesión solemne como monxe estudita.^[2] Posteriormente, o 3 de xullo de 1977 foi ordenado sacerdote dos estuditas polo arcebispo maior de Lviv Yosyf Slipyi.^[1]^[2]

Licenciouse en Teoloxía bíblica pola Pontificia Universidade Urbaniana en 1979, e posteriormente exerceu o seu ministerio na parroquia de San Nicolao de Passaic (Nova Jersey). En 1994 trasladouse a Ucraína, onde foi director espiritual do seminario maior de Lviv. Posteriormente continuou os seus estudos, doutourándose en Teoloxía litúrxica poloa Pontificio Instituto Oriental en 2001.

O 11 de xaneiro de 2002 foi nomeado bispo auxiliar de Lviv e bispo titular de Bareta. Recibiu a consagración episcopal o 27 de febreiro,^[1]^[2] de mans do arcebispo maior Liubomyr Huzar, e tivo como principais co-consagrantes ao arcebispo de Filadelfia Stefan Soroka e ao bispo de Sambir-Drohobych Yulian Voronovskyi.

O 14 de xaneiro de 2003 foi nomeado visitador apostólico para os greco-católicos ucraínos de Italia, e procurador do arcebispo maior ante a Santa Sé. O 4 de marzo de 2004 foi nomeado tamén visitador apostólico para España e Irlanda.^[1]

O 6 de decembro de 2004 foi nomeado bispo auxiliar de Kíiv, ao trasladarse a esta cidade a sé arquiepiscopal maior.

En xaneiro de 2009, foi nomeado Dionisio Lachovicz como visitador apostólico para España e Italia, mais Lonchyna seguiu a ser visitador apostólico para Irlanda.

O 2 de xuño de 2009 foi nomeado administrador apostólico do exarcado apostólico de Gran Bretaña,^[2] e o 14 de xuño de 2011 exarca apostólico.^[2] Coa elevación da sé ao rango de eparquía, pasou a ter o título de bispo da Sagrada Familia de Londres.^[2]

Logo do pasamento de Aliaksandr Nadsan o 15 de abril de 2015 os fieis greco-católicos bielorrusos no Reino Unido pasaron a depender da eparquía da Sagrada Familia de Londres.

Notas

↑ ^1,0 ^1,1 ^1,2 ^1,3 Annuario pontificio per l'anno 2009 (en italiano). 2008. p. 862.
↑ ^2,0 ^2,1 ^2,2 ^2,3 ^2,4 ^2,5 ^2,6 Larsen, Chris (2016). Catholic Bishops of Great Britain: A Reference to Roman Catholic Bishops from 1850 to 2015 (en inglés). Sacristy Press. p. 49. ISBN 9781910519257.

Dignidades da Igrexa católica
Predecesor: (primeiro)	Visitador apostólico para os grecocatólicos ucraínos en Italia 2003 - 2009	Sucesor: Dionisio Lachovicz
Predecesor: (primeiro)	Visitador apostólico para os grecocatólicos ucraínos en Irlanda 2004 - actualidade	Sucesor: (no cargo)
Predecesor: (primeiro)	Visitador apostólico para os grecocatólicos ucraínos en España 2004 - 2009	Sucesor: Dionisio Lachovicz
Predecesor: Paul Chomnycky	Exarca apostólico de Gran Bretaña 2011 - 2013 (administrador apostólico dende 2009)	Sucesor: (elevación da sé)
Predecesor: (elevación da sé)	Bispo da Sagrada Familia de Londres 2013 - 2019	Sucesor: Kenneth Nowakowski

[AP2009-1] 1,0 ^1,1 ^1,2 ^1,3 Annuario pontificio per l'anno 2009 (en italiano). 2008. p. 862.

[CBReference-2] 2,0 ^2,1 ^2,2 ^2,3 ^2,4 ^2,5 ^2,6 Larsen, Chris (2016). Catholic Bishops of Great Britain: A Reference to Roman Catholic Bishops from 1850 to 2015 (en inglés). Sacristy Press. p. 49. ISBN 9781910519257.

[1]

[2]