Javier Manjarín

Javier Manjarín

(2016)
Biografía
Nacemento	(es) Javier Manjarín Pereda 31 de decembro de 1969 (54 anos) Xixón, España
Educación	Colegio de la Inmaculada
Altura	171 cm
Actividade
Ocupación	futbolista
Período de actividade	1988 -
Nacionalidade deportiva	España
Deporte	fútbol
Posición de xogo	Dianteiro
Traxectoria   Equipo – Celaya Fútbol Club 1988–1989   Real Sporting de Gijón B 1989–1993   Sporting de Gijón 115 (16) 1993–1999   Deportivo da Coruña 153 (19) 1999–2001   Racing de Santander 61 (3) 2001–2002 Atlético Celaya 32 (3) 2002–2003 Club Santos Laguna 30 (3) 2004–2005   Atlético Arteixo 15 (0)   Selección nacional 1990–1990   España sub-20 1 (0) 1990–1992   España sub-21 5 (3) 1991–1992   España sub-23 4 (0) 1995–1997   España 13 (2) 2000–2000   Asturias 1 (0)
Participou en
xuño de 1996	Eurocopa de Fútbol Inglaterra 1996
1992	Xogos Olímpicos de 1992

Javier Manjarín Pereda, nado en Xixón o 31 de decembro de 1969, é un exfutbolista español. Xogaba de dianteiro e foi internacional coa selección española.

Traxectoria

Manjarín incorporouse aos 15 anos á Escola de Mareo do Real Sporting de Gijón procedente do Inmaculada, onde destacou desde os seus inicios como futbolista. Pasadas as súas etapas no fútbol base, foi incluído no persoal do Sporting B cando o segundo equipo xogaba en Terceira División. Neste equipo coincidiu con xogadores que logo alcanzarían gran fama, como Juanele e Luis Enrique. Debutou co primeiro equipo do Sporting, en Primeira División, o 8 de outubro de 1989, nun partido fronte ao Athletic Club disputado en El Molinón (0–1), participando en 29 partidos durante esa tempada.

Ao ano seguinte foi titular xogando como dianteiro ás ordes de Ciriaco Cano e clasificando ao Sporting para a Copa da UEFA.

En 1993 fichou polo Deportivo da Coruña, onde permaneceu até 1999, ano no que realizou o seu traspaso ao Real Racing Club de Santander. Tras dúas tempadas no Racing, onde disputou 61 partidos, foise xogar á Primeira División de México, primeiro no Atlético Celaya e posteriormente no Santos Laguna.

Na tempada 2004–05 fichou polo Atlético Arteixo, acabado de ascender a Segunda División B. Xogou 15 partidos sen lograr ningún gol.

Selección nacional

Formou parte da selección española sub-21 que conseguiu o ouro nos Xogos Olímpicos de Barcelona 1992.

Tralo éxito na selección olímpica, debutou como internacional absoluto coa Selección de fútbol de España o 6 de setembro de 1995 en Granada, ante a Chipre. Foi internacional en 13 partidos, disputando a Eurocopa de fútbol 1996.

Palmarés

Club

Deportivo

• Copa do Rei: 1994–95
• Supercopa de España: 1995

Selección

• Xogos Olímpicos: Medalla de ouro 1992

Véxase tamén

Ligazóns externas

• Datos do xogador en bdfutbol.com (en castelán)
• Datos do xogador en futbol.sportec.es (en castelán)