Kaohsiung

Kaohsiung

高雄市 (zh-tw) Ko-hiông-chhī (nan) 高雄市 (nan-hani) Ko-hiông-tshī (nan)
Símbolo oficial	Olho-branco-do-japão (pt) (aves) Ceiba speciosa (flor) Ceiba speciosa (árbore)
Epónimo	Q96175961
Localización
22°36′54″N 120°17′51″L
País insular	Taiwán
Contén a división administrativa	Alian District (en) Cianjhen District (en) Cianjin District (en) ../... 38+
Poboación
Poboación	2.733.964 (2023) (926,19 hab./km²)
Número de fogares	1.157.284 (2024)
Lingua usada	Língua saaroa (pt) Língua kanakanavu (pt) Lingua rukai Língua bunun (pt) mandarim taiwanês (pt) Língua taiwanesa (pt) Sixian dialect (en)
Xeografía
Parte de	Southern Taiwan (en)
Superficie	2.951,8524 km²
Bañado por	Gaoping River (en) , Zhuokou River (en) , Laonong River (en) e Mar da China Meridional
Altitude	9 m
Comparte fronteira con	Condado de Pingtung (pt) Condado de Nantou (pt) Condado de Hualien (pt) Condado de Chiayi (pt) Tainan Condado de Taitung (pt)
Datos históricos
Precedido por	Kaohsiung City (en) e Kaohsiung County (en)
Creación	25 de decembro de 2010
Organización política
Órgano executivo	Kaohsiung City Government (en)
• Alcalde	Han Kuo-yu (en) (2018–2020)
Órgano lexislativo	Kaohsiung City Council (en) Circunscrición: 15, (Escano: 66)
Identificador descritivo
Fuso horario	UTC+08:00
Prefixo telefónico	7
ISO 3166-2	TW-KHH
Outro
Irmandado con	Malé Blantyre Knoxville (pt) Macon Matsumoto Barranquilla Busan Brisbane Fort Lauderdale Río de Xaneiro Pensacola (pt) Little Rock Colorado Springs Seattle condado de Honolulu (1962–) Honolulu (1962–) Tulsa (1980–) San Antonio (1982–)
Páxina web	kcg.gov.tw

Kaohsiung é a segunda cidade máis importante de Taiwán (1 526 594h, 2009). Situada no extremo meridional da illa homónima, xunto a costa do Mar do Sur da China, na entrada do estreito de Taiwán.

Centro portuario, pesqueiro e industrial de importancia, era apenas unha aldea de pescadores ata 1858, en que as excelentes condicións da baía fronte a que se asenta a levaron a se converter en activo porto. Máis tarde, entre 1893-1945, cando a ocupación polos xaponeses e co nome de Takao, estes desenvolveron plenamente o porto e a súa base industrial.

A finais de 2010, produciráse a unión administrativa co Kaohsiung County, o que a levará a se converter nunha metrópole de case que tres millóns de habitantes.

Pobo pesqueiro

Nunha área habitada por varias culturas dende o neolítico, non foi ata comezos do século XVII cando os chineses han da dinastía Ming estableceron o primeiro asentamento pesqueiro na ourela sur da estreita baía (na alongada illa Cijin que a pecha), que chamaron Takau pola tribo aborixe Makatao que a ocupaba. Entre 1624 e 1660, cando a ocupación holandesa da rexión, foi coñecida coma Tancoya e o porto Tancoia, sendo xa un dos máis importantes de pesca no sur da illa.

Condado de Wannian coa muralla circular de Zuoying ao norte (esquerda) do porto de Takau.

A partir de 1630 comezou unha grande inmigración dende a provincia de Fuxian no continente debido a época da fame, que fará incrementar a poboación na área especialmente cara a 1680. Neses anos tivo asento na zona o Reino de Tungning (continuísta da dinastía Ming fronte a invasora Qing) que estableceu no distrito de Zuoying da actual cidade (no norte) a capital do condado de Wannian. Ergueron templos e foi fortificada con muralla circular xa no século XVIII (2,6 km, primeira de Taiwán, 1722). Foi destruída en 1761 e reconstruída en 1825-9 (máis de 4 km) pero abandonada de inmediato polos malos augurios e construída na nova capital do condado.

Os Qing conquistaron a illa en 1683 e terminaron trasladando a capital do novo condado de Fengshan ao leste de Takau (hoxe Fengshan, 1788 ). Takau quedou convertida no seu porto polos dous séculos seguintes. Os Qing fixeron obras de ampliación e abrírono ao tráfico xeral, co cal o asentamento comezou a teres certa relevancia.

Porto internacional

1893, o vello pobo pesqueiro no sur e os novos asentamentos estranxeiros no norte.

Pero non foi ata a segunda metade do século XIX cando comezou a se converteres nunha verdadeira cidade. Despois da segunda guerra do Opio, o Tratado de Tianjin de 1858 forzou a apertura chinesa de novos portos ao comercio estranxeiro. Tres anos despois foi engadido o de Takau.

Dende 1863, ano no que se estableceu a aduana e o consulado británico, as delegacións e asentamentos comerciais doutras nacións empezaron a desenvolver o porto na ourela norte da baía.

Ocupación xaponesa: Takao

Porén, a súa conversión nun porto moderno foi levada adiante polos xaponeses no tempo do seu dominio de Taiwán (1894-1945). O chamaron Takao e de seguido fixeron estudos e plans (1900-1906) para darlle profundidade e extensión mediante recheos, e para traer o ferrocarril, tarefas que implementaron nas décadas seguintes .

A vez que o porto, cos cascallos da súa dragaxe, creouse novo solo onde asentar a cidade. Así o primeiro planeamento urbano en Taiwán (1908, 42.000h ) foi o barrio de Hamasen e contiguo, nas antigas salinas xunto a foz do río Ai, o distrito de Yancheng . A industria que moveu todo este desenvolvemento foi a do azucre (factorías dende 1901), e significou o preámbulo da revolución industrial da illa.

Kaohsiung

En 1920, nunha reorganización administrativa pola crecente importancia de Takao fronte a capital do condado, Fengshan, aparece a súa transcrición fonética Kaohsiung ao mandarín romanizado. De seguido, en 1924, establécese a cidade de Kaohsiung como prefectura independente.

En 1936 foi anunciado o Proxecto de Planeamento Urbano de Kaohsiung que estendería a cidade ao leste do río Ai (distrito de Qianjin), e nas décadas sucesivas, despois da retrocesión de Taiwán a China (1945), continuaría ao norte (ata a vella cidade amurallada de Zuoying), leste (ata a antiga Fengshan) e sur da municipalidade (ata o fondo da baía) completando a metrópole actual.

Véxase tamén

Ligazóns externas

• Páxina oficial de Kaohsiung (en chinés)