Karen Armstrong
 (2016)  | |
| Biografía | |
|---|---|
| Nacemento | 14 de novembro de 1944 (80 anos) Worcestershire, Reino Unido (pt)  |
| Relixión | Igrexa católica |
| Educación | St Anne's College (en) |
| Actividade | |
| Campo de traballo | Ciencias da relixión, filosofía, Relixión comparada, religious ethics (en) , Compaixón e Ética da reciprocidade (pt) |
| Ocupación | teólogo, Islamólogo, profesora universitaria, escritora, historiadora da relixión |
| Empregador | Leo Baeck College (pt) |
| Membro de | |
| Premios | |
| Sitio web | charterforcompassion.org |
    | |
Karen Armstrong, nada en Wildmoor o 14 de novembro de 1944, é unha autora inglesa especialista en temas de relixión, en particular sobre o xudaísmo, o cristianismo e o islam. É coñecida polos seus libros sobre relixión comparada.[1] A súa obra foi traducida a corenta e cinco linguas.[2]
Traxectoria
[editar | editar a fonte]Karen Armstrong naceu en Wildmoor, Worcestershire,[3] no seo dunha familia católica de raíces irlandesas. En 1962, con dezasete anos, fíxose noviza na orde relixiosa Society of the Holy Child Jesus e en 1965 tomou os votos de freira, asumindo o nome de irmá Martha. Xa no mesmo ano foi autorizada pola orde a estudar literatura inglesa na Universidade de Oxford. Decepcionada coa vida relixiosa, Karen abandonou o convento en 1969[1] e orientouse para a realización dun doutoramento sobre o poeta Alfred Tennyson; ao mesmo tempo comezou a ensinar na Universidade de Londres. Porén, a súa tese de doutoramento foi rexeitada por un inspector externo e Karen ficou impedida de poder ensinar nunha universidade. Todo este período foi marcado por problemas de saúde resultantes dunha epilepsia non diagnosticada e non tratada.[4][5]
En 1976 converteuse en profesora nun colexio feminino en Dulwich. Chegou a ser directora de departamento, mais debido ao seu absentismo (provocado polos problemas de saúde) foi convidada a abandonar a institución en 1981.
En 1981 publicou Through the Narrow Gate, unha obra que relataba a súa fracasada experiencia no convento e que rapidamente se converteu nun best-seller en Gran Bretaña. Comezou a ser convidada a participar como comentarista en programas de televisión e en 1984 escribiu e presentou un programa sobre a vida de san Paulo para a estación de televisión Channel Four. O traballo que desenvolveu para concretar o programa, que incluíu filmacións na cidade de Xerusalén, fixo que Karen se mergullase de novo na esfera do relixioso, despois de anos de afastamento, crítica e rexeitamento. Dende entón converteuse nunha aclamada e respectada autora sobre as relixións abrahámicas, investigando temas como o recrudecemento dos integrismos relixiosos nos nossos días. É tamén autora dunha biografía de Buda, que destaca polo traballo de pescuda que diferencia a historia da lenda. Ocasionalmente ensina cristianismo no Leo Baeck College de Londres, unha institución formadora rabinos. En 1999 recibiu un premio do Islamic Center of Southern California por promover o entendemento entre relixións.
Karen Armstrong escribe regularmente na prensa e moitos dos seus artigos poden lerse no xornal británico The Guardian.
En 2005, Karen foi convidada a integrar a Alianza das Civilizacións, un proxecto secundado polas Nacións Unidas e polo presidente do goberno español, José Luis Rodríguez Zapatero, que tiña como obxectivo trazar pontes de diálogo entre o mundo occidental e o islámico.
Obras
[editar | editar a fonte]- 1981 Through the Narrow Gate
- 1983 Beginning the World
- 1983 The first Christian : Saint Paul's impact on Christianity
- 1985 Tongues of Fire: An Anthology of Religious and Poetic Experience
- 1986 The Gospel According to Woman: Christianity's Creation of the Sex War in the West
- 1988 Holy War: the Crusades and Their Impact on Today's World
- 1991 The English Mystics of the Fourteenth Century
- 1992 Muhammad: a Biography of the Prophet
- 1993 A History of God: The 4000-Year Quest of Judaism, Christianity and Islam
- 1993 The End of Silence : Women and the Priesthood
- 1996 In the Beginning: A New Interpretation of Genesis
- 1996 Jerusalem: One City, Three Faiths
- 2000 The Battle for God
- 2000 Islam, a Short History
- 2000 Buddha, a Biography
- 2004 The Spiral Staircase: My Climb Out of Darkness
- 2005 A Short History of Myth
- 2006 The Great Transformation: The World in the Time of Buddha, Socrates, Confucius and Jeremiah
- 2007 Muhammad: Prophet For Our Time
- 2007 The Bible:A Biography
Notas
[editar | editar a fonte]- ↑ 1,0 1,1 "Karen Armstrong on Sam Harris and Bill Maher: "It fills me with despair, because this is the sort of talk that led to the concentration camps"". Salon. 23 de novembro de 2014.
- ↑ Turkovich, Marilyn. "Karen Armstrong". Charter for Compassion (en inglés). Arquivado dende o orixinal o 22 de marzo de 2019. Consultado o 30 de abril de 2019.
- ↑ Armstrong, Karen (2005). Through A Narrow Gate: A Memoir of Spiritual Discovery (Revised ed.). Macmillan. pp. 7. ISBN 0-312-34095-8.
- ↑ McGrath, Alister (2006). "Spirituality and well-being: some recent discussions". Brain 129 (1): 278–282. doi:10.1093/brain/awh719.
- ↑ "The runaway nun". New Statesman. 5 de abril de 2004.
Véxase tamén
[editar | editar a fonte]Ligazóns externas
[editar | editar a fonte]- The freelance monotheism of Karen Armstrong - Entrevista no programa de radio Speaking of Faith da American Public Media, 25 de novembro de 2004 (en inglés)
- Religion scholar Karen Armstrong - Entrevista no programa de radio Fresh Air From WHYY da National Public Radio, 8 de marzo de 2004 (en inglés)
- Em paz com o passado Arquivado 23 de maio de 2019 en Wayback Machine. - Artigo de Beatriz Velloso na revista Época sobre o libro A Escada Espiral (en portugués)
- O Tempo e o Modo, Episódio 6 - Entrevista de Karen Armstrong nun programa da RTP en que identifica a compaixón como o trazo común das diferentes relixións e ve no sufrimento unha forza creadora
| Control de autoridades |
|
|---|
