Lepidopsetta

Lepidopsetta é un xénero de peixes teleósteos da orde dos pleuronectiformes, suborde dos pleuronectoideos, familia dos pleuronéctidos e subfamilia dos pleuronectinos, que comprende tres especies propias das costas do Pacífico norte.

Como todos os peixes da familia dos pleuronéctidos, as especies deste xénero teñen o corpo aplanado, asimétrico, e cos dous ollos situados no lado pigmentado do corpo.

Taxonomía

O xénero foi descrito por primeira vez en 1872 polo ictiólogo estadounidense Theodore Nicholas Gill.

Etimoloxía

O nome científico do xénero, Lepidopsetta, está formado pola raíz do latín científico lepido-, derivada do termo do grego antigo λεπίς, λεπίδος lepís, lepídos, "escama", unido ao nome do xénero Psetta, derivado do grego antigo ψῆττα psḗtta, un peixe plano, quizais a solla ou o rodaballo (cómpre recordar que Psetta é un sinónimo de Scophthalmus, ao que pertence o rodaballo (Scophthalmus maximus = Psetta maxima).

Especies

Na actualidade recoñécese, dentro deste xénero, as seguintes tres especies:

• Lepidopsetta bilineata (Ayres, 1855) - solla de rocha do Pacífico.
• Lepidopsetta mochigarei Snyder, 1911
• Lepidopsetta polyxystra Orr & Matarese, 2000

Véxase tamén

Bibliografía

• Burton, Maurice & Robert Burton (1984): Encyclopedia of Fish. Saint Louis, EE.UU: BPC Publishing. ISBN 0-7064-0393-2.
• Eschmeyer, William N., ed. (1998): Catalog of Fishes. Special Publication of the Center for Biodiversity Research and Information, núm. 1, vol. 1-3. San Francisco (California, Estados Unidos): California Academy of Sciences. ISBN 0-940228-47-5.
• Nelson, Joseph S. (2006): Fishes of the World. Nova York: John Wiley & Sons, Inc. ISBN 0-471-25031-7.

Outros artigos

• Pleuronectiformes
• Pleuronectinos

Ligazóns externas

• Lepidopsetta na EOL.
• Lepidopsetta en ADW.