Lugonovo

Lugonovo
Tipo	partido político
Data
Fundación	2015
Contacto
Páxina WEB	lugonovo.com
[ Wikidata ]

Lugonovo é un movemento cidadán e político creado na cidade de Lugo que se presentou ás eleccións municipais de maio de 2015 obtendo tres concelleiros. Xurdiu da confluencia de Gañemos Lugo e Lugo en Común como ferramenta política de loita contra o que identificaba como un proceso de "descomposición institucional".

O candidato nas eleccións de 2015 foi o mestre de Abadín Santiago Fernández Rocha. Logo das Eleccións municipais de 2015 en Galicia Lugonovo conseguiu tres representantes na corporación. Para a investidura do candidato do Partido dos Socialistas de Galicia puxo como condición a renuncia de Xosé López Orozco, alcalde até aquel momento, pola súa vinculación con varios casos de corrupción, negándose a apoiar a persoas imputadas como representantes públicas. Finalmente, Lara Méndez foi elixida alcaldesa de Lugo.

Na creación do movemento participaron diversos partidos políticos, como Anova, Podemos e Espazo Ecosocialista Galego, mais a diferenza doutros municipios non Esquerda Unida que decidiu apoiar á candidatura Alternativa Cidadá de Esquerdas.

Lugonovo perdeu a representación no concello de Lugo tras as eleccións municipais de 2019, no contexto dunha forte fragmentación no campo da esquerda, con candidaturas separadas de Podemos (4% do voto), Esquerda Unida (2,74%) e o propio Lugonovo (2,77%).

Véxase tamén

Outros artigos

• En Marea
• Marea Atlántica
• Marea de Vigo
• Marea Pontevedra
• Compostela Aberta
• Ferrol en Común

Ligazóns externas

• Páxina oficial Arquivado 14 de maio de 2015 en Wayback Machine.
• Twitter oficial