Cidade Deportiva de Abegondo
| O Mundo do Fútbol | |
|---|---|
 | |
| Datos | |
| Coordenadas | 43°15′03″N 8°17′05″O / 43.25083333, -8.28472222 |
| Localización | Mabegondo, Abegondo, Galicia |
| Construción | |
| Inauguración | 1 de maio de 2003 (21 anos) |
| Estadio | |
| Superficie | Herba |
| Dimensións | 105 × 65 |
| Capacidade | 3.000 |
| Propietario | Deportivo da Coruña |
| Localía | Deportivo Fabril (2003–presente) Deportivo Feminino (2016–presente) |
| Web | http://www.canaldeportivo.com/club/mundo_futbol/ |
| [ editar datos en Wikidata ] | |
A Cidade Deportiva de Abegondo, chamada tamén O Mundo do Fútbol, é un complexo deportivo do Deportivo da Coruña, inaugurado o 1 de maio de 2003. Está situada no concello de Abegondo, na parroquia de Mabegondo, ao carón da autovía A-6, e conta cunha superficie de 90 000 m², na que acolle os adestramentos do primeiro equipo, do filial, do equipo feminino e das categorías inferiores do club.
Historia
[editar | editar a fonte]A Cidade Deportiva de Abegondo foi erguida durante a presidencia de Augusto César Lendoiro, que pretendía a construción dunhas instalacións de adestramento para o Deportivo análogas ás doutros clubs de elite da época. Ata entón o equipo adestrábase no Complexo Deportivo de Acea de Ama, no Burgo.[1] Tras barallar outras localizacións como Bastiagueiro ou Cambre, o club adquiriu máis de 100.000 metros cadrados de terreos na Agra de Marces na parroquia de Mabegondo, no concello de Abegondo, tras pagar uns 100 millóns de pesetas, e o 26 de marzo de 1998 deron inicio unhas obras que se prolongaron durante cinco anos.[1] O complexo foi inaugurado o 1 de maio de 2003.[1]
Instalacións
[editar | editar a fonte]O Mundo do Fútbol consta dun edificio principal que alberga os vestiarios, oficinas e cafetería e que serve, á súa vez, de chanzo, con capacidade para máis de 1 200 persoas cara ao campo principal e outras 500 persoas na parte posterior, orientado ao campo de céspede artificial. Na planta superior do edificio sitúanse as oficinas, sala de prensa, cafetería e aseos de público. A planta inferior alberga os vestiarios, almacéns e cuartos de instalacións. Dispón de preto de 9.000 metros cadrados de aparcadoiros e zona de servizos.
Campos
[editar | editar a fonte]- 7 campos de céspede natural de medidas practicamente iguais a Riazor (105×65 metros).
- 1 campo de céspede artificial de última xeración do tamaño de Riazor (105×61 metros).
- 6 campos de céspede natural de fútbol 7 (50×30 metros).
- Máis de 16 000 metros cadrados de campos auxiliares de céspede natural.
Véxase tamén
[editar | editar a fonte]Ligazóns externas
[editar | editar a fonte]- Información na web oficial do Deportivo de La Coruña (en castelán)
- Información das instalacións do Deportivo (en castelán)
- ↑ 1,0 1,1 1,2 Cudeiro, Juan L. (16 de febreiro de 2025). "Cuando Lendoiro se subió a la excavadora". DxT Campeón (en castelán). Consultado o 24 de febreiro de 2025.