Saltar ao contido

Oswald Wenckebach

Na Galipedia, a Wikipedia en galego.
Modelo:BiografíaOswald Wenckebach

Retrato de Oswald Wenckebach ca. 1913

Biografía
NacementoLudwig Oswald Wenckebach
16 de xuño de 1895.
Heerlem, Limburgo.
Países Baixos Países Baixos
Morte3 de novembro de 1962.
Noordwijkerhout, Holanda Meridional.
Países Baixos Países Baixos
País de nacionalidadeNeerlandés.
Formación profesionalEscola de Arquitectura, Artes decorativas e Oficios de Heerlen.
Academia de Belas Artes de Viena.
EducaciónEscultor, pintor, deseñador de moedas, medallas e selos; profesor universitario.
Q89547790Monsieur Jacques (1956).
Moedas de curso legal neerlandesas.
Actividade
Lugar de traballo Voorschoten Editar o valor en Wikidata
Ocupaciónpintor, medallista, deseñador de selos, escultor, profesor universitario, deseñador Editar o valor en Wikidata
EmpregadorUniversidade de Tecnoloxía de Delft.
Xénero artísticoArte figurativa.
Obra
Obras destacables
Familia
CónxuxeLouise Petronella Lau (1919).
Ems van der Hoeven (1934). Editar o valor en Wikidata
FillosLoes van der Horst.
Karla Wenckebach. Editar o valor en Wikidata
PaisKarel Frederik Wenckebach Editar o valor en Wikidata  e Catharina Hennij Editar o valor en Wikidata
Premios
Orde do León Neerlandés (1955).
WikiTree: Wenckebach-16

Ludwig Oswald Wenckebach, nado en Heerlen, provincia de Limburgo, o 16 de xuño de 1895 e finado en Noordwijkerhout, Holanda Meridional, o 3 de novembro de 1962, foi un escultor, pintor, deseñador de moedas, selos e medallas, e profesor universitario neerlandés.

Traxectoria

[editar | editar a fonte]

Primeiros anos e formación

[editar | editar a fonte]

Ludwig Oswald Wenckebach naceu en 1895 en Heerlen, Limburgo,[1][2][3][4] no seo dunha familia de orixe alemá,[4] fillo de Catharina Hennij e do recoñecido cardiólogo e anatomista Karel Frederik Wenckebach.[5]

Na súa infancia, Wenckebach amosou bos dotes para o debuxo, polo que o ilustrador, litógrafo e gravador Cornelis Veth, amigo da familia, convenceu os seus pais de que se formase en debuxo. Así as cousas, recibiu a súa primeira formación artística na Escola de Arquitectura, Artes Decorativas e Oficios de Heerlen, entre 1913 e 1915,[1] onde tivo como mestre, entre outros, o pintor Ludwig Willem Reymert Wenckebach (1860-1937), que era tío seu.[2] Seguidamente asistiu á Academia de Belas Artes de Viena,[1] en Austria, de 1915 a 1918.[4][5]

Traxectoria artística

[editar | editar a fonte]

Concluído o seu período formativo, a partir de 1918 estableceuse sucesivamente en Noordwijk, Schoorl e Noordwijkerhout.[1][6]

Iniciouse na produción artística como artista gráfico e nesta primeira etapa expuxo predominantemente xilografías, litografías e augafortes, ata 1927. Viaxou a Curaçao e a Venezuela, e durante uns anos residiu tamén en Grecia, onde ficou impresionado pola escultura grega antiga, o que o motivou para se dedicar principalmente a esta disciplina no futuro, sobre todo en pedra e en bronce, relegando a pintura, coa que comezara a súa produción artística.[7][4]

Monsieur Jacques (1956), Rotterdam.

Como escultor destacan as súas creacións de monumentos de guerra e os seus bustos-retrato de persoas do seu círculo e de personaxes neerlandeses (Philips van Marnix,[8] Frits Philips, o arquitecto Berlage, a máscara de Albert Verwey, Monsieur Jacques...).[2][9] Tamén é salientable o seu labor de restauración de edificios monumentais.[3][7]

En 1935, Wenckebach foi contratado como profesor de Modelaxe e Escultura na Universidade de Tecnoloxía de Delft.[1][2][3][6][7]

Logo da segunda guerra mundial, en 1945 foi designado membro da Comisión Central de Monumentos Conmemorativos da Guerra ou a Paz,[6] para a colocación de monumentos de guerra nos Países Baixos en conmemoración das persoas que resultaron mortas ou feridas na contenda.[10]

En 1955, Wenckebach foi recoñecido co título de cabaleiro da Orde do León Neerlandés.[7] O ano seguinte recibiu un premio do municipio de Eindhoven pola súa estatua Monsieur Jacques.[6]

Vida persoal

[editar | editar a fonte]

Oswald Wenckebach casou en 1919 coa artista téxtil Louise Petronella Lau, a quen coñecera como compañeira de estudos na escola de Heerlen, e con ela tivo tres fillas, dúas delas as tamén artistas Loes van der Horst e Karla Wenckebach. Logo de se divorciaren en 1933, casou en segundas nupcias con Ems van der Hoeven, en 1934.[11] Deste segundo matrimonio tivo un fillo que máis tarde sería arquitecto.[6]

Wenckebach finou o 3 de novembro de 1962,[6] en Noordwijkerhout, Holanda Meridional.[1][3]

Obra

[editar | editar a fonte]

A obra escultórica de Wenckebach inventariada abrangue polo menos 274 esculturas, entre elas 38 monumentos públicos, 37 obras de arte aplicada e 73 bustos de retrato. Ademais, realizou polo menos 17 debuxos a pluma. Entre outros, hai obras súas no Museo Kröller-Müller, no Museo Boymans-Van Beuningen e no Museo Británico.[6]

  • Esculturas
  • De drie springers (1966), Gouda.
    De drie springers (1966), Gouda.
  • Anton Philips (1951), Eindhoven.
    Anton Philips (1951), Eindhoven.
  • Johan van Oldenbarnevelt (1954), A Haia.
    Johan van Oldenbarnevelt (1954), A Haia.
  • Busto de J. M. De Muinck Keizer, Utrecht.
    Busto de J. M. De Muinck Keizer, Utrecht.

Wenckebach tamén deseñou un gran número de insignias e medallas, así como as series de moedas dos Países Baixos posteriores á segunda guerra mundial, cos bustos das raíñas Guillermina (1890-1948) e Xiana (1948-1980), que tamén apareceron nas moedas de Curaçao e das Antillas Neerlandesas. Do mesmo xeito, ocupouse do deseño da primeira serie de moedas de Indonesia logo da súa independencia dos Países Baixos en 1949, emitidas entre 1951 e 1954 e cuñadas igualmente na Real Casa da Moeda dos Países Baixos.[6][12]

Oswald Wenckebach foi tamén o deseñador de catro selos de correos,[6] emitidos en 1928 con motivo da celebración dos Xogos Olímpicos de Verán nos Países Baixos.[3][13]

  • Selos postais
  • Selo de 3 cents (1928).
    Selo de 3 cents (1928).
  • Selo de 7½ cents (1928).
    Selo de 7½ cents (1928).
  • Selo de 10 cents (1928).
    Selo de 10 cents (1928).
  • Selo de 30 cents (1928).
    Selo de 30 cents (1928).

Notas

[editar | editar a fonte]
  1. ↑ 1,0 1,1 1,2 1,3 1,4 1,5 "Wenckebach". En Oosthoek Encyclopedie (ensie.nl).
  2. ↑ 2,0 2,1 2,2 2,3 "Wcnckebach , l°". En Katholieke Encyclopaedie. Vol. IV-V. Ámsterdam. 1938. Páxinas 115-116.
  3. ↑ 3,0 3,1 3,2 3,3 3,4 "Oswald Wenckebach". Netherlands Institute for Art History (RKD.nl).
  4. ↑ 4,0 4,1 4,2 4,3 Boyens, J. (1982). Páxina 670, 677.
  5. ↑ 5,0 5,1 Scheen, P. A. (1994).
  6. ↑ 6,0 6,1 6,2 6,3 6,4 6,5 6,6 6,7 6,8 Boyens, J. (1982). Páxina 677.
  7. ↑ 7,0 7,1 7,2 7,3 "Prometheus". Delta.tudelft.nl
  8. ↑ "Medal - Philips van Marnix 400th Anniversary". Numista.com
  9. ↑ Boyens, J. (1982). Páxina 671, 677.
  10. ↑ "Benoemingen, ontslag enz." En Nederlandsche Staatscourant. Nº 138. 21 de decembro de 1945.
  11. ↑ Hafting, P.; Hoekstra, F. et al. (2011).
  12. ↑ "Ludwig Oswald Wenckebach". Numista.com
  13. ↑ "Oswald Wenckenbach". Colnect.com

Véxase tamén

[editar | editar a fonte]

Bibliografía

[editar | editar a fonte]
  • Boyens, J. (1982). "Beelden van Oswald Wenckebach". En Ons Erfdeel. Vol. 25. Páxinas 670-677.
  • Hafting, P.; Hoekstra, F. et al. (2011). Oswald Wenckebach [Monografieën van het Sculptuur Instituut.Wbooks]. Zwolle. ISBN 90-400-7825-4
  • Reichel, A. (1925). "Oswald Wenckebach". En Die graphischen Künste. Vol. 48. Nº 4. Viena. Páxinas 90-96.
  • Scheen, P. A. (1994). Lexicon Nederlandse beeldende kunstenaars 1750-1950. Vol. II. 2ª ed. A Haia. 2. Páina 578. ISBN 90-6522-014-3
  • "Wenckebach". En Oosthoek Encyclopedie (ensie.nl).
  • "Wenckebach , l° Lodewijk Otto". En Katholieke Encyclopaedie. Vol. IV-V. Ámsterdam. 1938. Páxinas 115-116.
  • Tilanus, L. (1988). "De beeldhouwer Oswald Wenckebach: een plaatsbepaling". En Leids Kunsthistorisch Jaarboek 7. Páxinas 162-182.

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Oswald_Wenckebach&oldid=6933026»