Raúl Albiol

Raúl Albiol
	; (2019)
Biografía
Nacemento	(es) Raúl Albiol Tortajada ; 4 de setembro de 1985 (39 anos); Vilamarxant, España
Altura	190 cm
Peso	82 kg
Actividade
Ocupación	futbolista
Período de actividade	2002 -
Nacionalidade deportiva	España
Deporte	fútbol
Posición de xogo	Defensa
Número deportivo	3
2003–2004
Traxectoria
Participou en
2014	Mundial de Fútbol Brasil 2014
2012	Eurocopa de Fútbol Polonia/Ucraína 2012
2010	Mundial de Fútbol Suráfrica 2010
2009	Copa Confederacións Suráfrica 2009
xuño de 2008	Eurocopa de Fútbol Austria/Suíza 2008
Familia
Irmáns	Miguel Albiol
Parentes	José Luis Albiol Balaguer, tío
Premios
	Medalla de Ouro da Real Orde do Mérito Deportivo ;

Raúl Albiol Tortajada, nado en Vilamarxant (Valencia) o 4 de setembro de 1985, é un futbolista español. Xoga de defensa central, aínda que tamén pode facelo de centrocampista defensivo e lateral dereito, e o seu club actual é o SSC Napoli.

Tamén xoga na selección de fútbol de España, coa que gañou a Copa Mundial de Fútbol en 2010 e as Eurocopas de 2008 e 2012, un triplete inédito na historia do fútbol.^[1]

Traxectoria

Comezos

O seu tío é José Luis Albiol Balaguer que tamén foi futbolista profesional. Do mesmo xeito que o seu irmán Miguel Albiol que é futbolista do Real Murcia, formouse nas categorías inferiores do Ribarroja CF^[2], ata que foi fichado polo Valencia CF para a súa canteira de fútbol base. Debutou co primeiro equipo o 24 de setembro de 2003 con dezaoito anos acabados de cumprir nunha eliminatoria da Copa da UEFA ante o AIK Solna, tempada na que o Valencia CF resultou campión do torneo. Porén seguiu formando parte do persoal do CD Mestalla, filial do Valencia CF.

Getafe CF

Para adquirir experiencia en Primeira División foi cedido ao Getafe CF na tempada 2004-2005. O 2 de agosto do 2004,^[3] durante a viaxe a Xetafe sufriu un accidente de circulación polo que tivo que ser intervido tras lle diagnosticar politraumatismos dorsal e lumbar, e un derramo interno que obrigou á extirpación do bazo,^[4] ademais estivo durante un tempo en coma. Porén, a cesión asinouse e aínda que se chegou a temer pola súa carreira profesional debutou na liga catro meses despois do accidente.

Isto foi debido a que o seu adestrador, Quique Sánchez Flores, sempre confiou nel e, cando fichou polo Valencia CF, esixiu o retorno de Albiol ao seu club de orixe.

Valencia

Os inicios de Albiol no Valencia CF foron duros xa que a súa posición natural no equipo che ocupábana dous xogadores da calidade de Albelda e Baraja polo que o técnico o aliñou como lateral dereito. Aínda que cumpría correctamente a súa misión notábaselle estraño na súa nova posición ata que Quique Flores o recolocou como central, posto do que non se moveu desde entón.

O 25 de abril de 2006 anunciaba a súa renovación co Valencia CF ata o 2011. O Real Madrid estivo moi interesado en facerse cos seus servizos, pero o xogador preferiu renovar polo Valencia CF a pesar de que a oferta merengue era moi superior.^[5] Posuía unha cláusula de rescisión de 60 millóns de euros. Na tempada 2006-2007, ata os cuartos de final da Liga de Campións, disputou todos os minutos cunha actuación impresionante nos oitavos de final contra o Inter de Milán, onde o Valencia CF pasou de rolda.

Terminou a tempada 2006-07 sendo titular indiscutible e sendo o xogador que máis minutos tivo entre as competicións da Liga, a Copa do Rei e a Liga de Campións nas demarcacións de central e mediocentro defensivo.

Real Madrid

En xuño de 2009 fichouno o Real Madrid pola cifra de 15 millóns de euros, como parte do proxecto do novo presidente Florentino Pérez, que regresou á presidencia do Real Madrid o 1 de xuño de 2009.

O xoves 2 de xullo reallizouse a súa presentación no Estadio Santiago Bernabéu ás 21.00 horas ante unhas 9.000 persoas. Raúl recibía a camiseta co dorsal 18, número que levou Rubén de la Red, declarando Raúl que se aquel volvese outra vez ao equipo, devolveríalle o dorsal.

O primeiro gol coa camiseta do Real Madrid anotouno nun encontro de Liga de Campións fronte ao Olympique de Marsella o 8 de decembro de 2009 adiantando ao conxunto branco 1-2. O partido finalizaría 1-3 a favor do conxunto merengue. ^[6]

Selección nacional

Tras ser internacional sub-21, o 5 de outubro de 2007 é chamado por primeira vez para unha convocatoria coa selección española para disputar un partido da fase de clasificación da Eurocopa 2008.^[7] Debuta o 13 de outubro de 2007 no partido contra Dinamarca en Aarhus (Dinamarca), con resultado 1-3 a favor dos españois.

O 14 de xuño de 2008 debuta nunha fase final da Eurocopa ao substituír a Carles Puyol no partido que España gañou a Suecia por un resultado de 2-1. Posteriormente xogaría de titular no último encontro da fase de grupos ante Grecia, partido que concluiría con vitoria española por 2 a 1.

O 29 de xuño de 2008 no Estadio Ernst Happel de Viena, Albiol proclamaríase xunto aos seus compañeiros de selección campión da Eurocopa 2008.

En 2010, o 11 de xullo, proclamouse campión da Copa Mundial de Fútbol coa selección española en Suráfrica.

Participacións en Eurocopas

Eurocopa	Sede	Resultado
Eurocopa 2008	Austria e Suíza	Campión

Participacións en Copas das Confederacións

Copa	Sede	Resultado
Copa FIFA Confederacións 2009	Suráfrica	Terceiro

Participacións en Copas do Mundo

Copa	Sede	Resultado
Copa Mundial de Fútbol de 2010	Suráfrica	Campión

Clubs

Club	País	Tempadas
Valencia B	España	2003-2004
Getafe CF	España	2004-2005
Valencia CF	España	2005-2009
Real Madrid CF	España	2009-2013
SSC Napoli	Italia	2013-

Palmarés

Campionatos nacionais

Título	Club	País	Ano
Liga de España	Valencia CF	España	2004
Copa do Rei	Valencia CF	España	2008
Copa do Rei	Real Madrid	España	2011
Liga de España	Real Madrid	España	2012
Supercopa de España	Real Madrid	España	2012
Copa Italia	SSC Napoli	Italia	2014

Copas internacionais

Título	Club	País	Ano
Eurocopa Sub-19	Selección sub-19	España	2004
Copa da UEFA	Valencia CF	España	2004
Eurocopa	Selección nacional	España	2008
Copa Mundial de Fútbol	Selección nacional	España	2010

(*) Incluíndo a Selección

Notas

↑ Marca, ed. (1 de xullo de 2012). "España reescribe a historia".
↑ ribarrojacf.com. "Historia do Ribarroja Club de Fútbol". ^{[Ligazón morta]}
↑ Diario Marca (24-6-2009). "Da traxedia a campión de Europa" (en español). Marca.com. Consultado o 24-6-2009.
↑ Diario AS (24-6-2009). "Sangre nova e española para a zaga do Real Madrid" (en español). As.com. Consultado o 24-6-2009.
↑ "El Periódico de Aragón - Os soldos de luxo dos sub-21 (08 de xullo de 2006)". Arquivado dende o orixinal o 30 de decembro de 2007. Consultado o 03 de xuño de 2010.
↑ "Real Madrid. O primeiro gol de Albiol co Real Madrid". Arquivado dende o orixinal o 04 de xaneiro de 2010. Consultado o 03 de xuño de 2010.
↑ "Albiol cumple su sueño y debutará con la selección". abc (en castelán). 2007-10-06. Consultado o 2021-03-30.

Véxase tamén

Ligazóns externas

Albiol en www.lfp.es Arquivado 31 de decembro de 2007 en Wayback Machine. (en castelán)
Diario Levante - Entrevista (6 de outubro de 2007) Arquivado 30 de xuño de 2009 en Wayback Machine. (en castelán)

[1] Marca, ed. (1 de xullo de 2012). "España reescribe a historia".

[2] ribarrojacf.com. "Historia do Ribarroja Club de Fútbol". ^{[Ligazón morta]}

[3] Diario Marca (24-6-2009). "Da traxedia a campión de Europa" (en español). Marca.com. Consultado o 24-6-2009.

[4] Diario AS (24-6-2009). "Sangre nova e española para a zaga do Real Madrid" (en español). As.com. Consultado o 24-6-2009.

[5] "El Periódico de Aragón - Os soldos de luxo dos sub-21 (08 de xullo de 2006)". Arquivado dende o orixinal o 30 de decembro de 2007. Consultado o 03 de xuño de 2010.

[6] "Real Madrid. O primeiro gol de Albiol co Real Madrid". Arquivado dende o orixinal o 04 de xaneiro de 2010. Consultado o 03 de xuño de 2010.

[7] "Albiol cumple su sueño y debutará con la selección". abc (en castelán). 2007-10-06. Consultado o 2021-03-30.

[1]

[2]

[3]

[4]

[5]

[6]

[7]