Revue Numismatique
| Revue Numismatique (ex-Revue de la Numismatique Française) | |
|---|---|
| País | Francia |
| Lugar |  París. |
| Coordenadas | 48°50′01″N 2°22′33″L / 48.83361111, 2.37583333 |
| Lingua | francés, alemán, inglés, castelán e italiano. |
| Especialidade | Numismática |
| Abreviatura | RN |
| Fundación | 1835 |
| Fundador | Louis de la Saussaye e Étienne Cartier. |
| Primeira edición | 1836 |
| Desenvolvemento | |
| Editor | Société Française de Numismatique |
| Circulación | |
| Frecuencia | Anual. |
| ISSN | 0484-8942 |
| OCLC | 4734406 |
| Na rede | |
| http://www.persee.fr/collection/numi | |
 | |
| [ editar datos en Wikidata ] | |
Revue Numismatique, cabeceira herdeira da anterior Revue de la Numismatique Française, é unha revista científica francesa centrada no ámbito da numismática, fundada en 1835 por Louis de La Saussaye e Étienne Cartier, e actualmente vinculada organicamente á Sociedade Francesa de Numismática.[1]
Historia
[editar | editar a fonte]Fundación e evolución
[editar | editar a fonte]Desde os inicios do Renacemento, os príncipes e os humanistas amosaron interese pola numismática antiga e conformaron coleccións monetarias dentro dos seus gabinetes de antigüidades. No gabinete de Lois XIV, instalado inicialmente en Versalles e posteriormente en París, está a orixe do actual Gabinete de Medallas da Biblioteca Nacional de Francia. A partir do século XIX, ese interese esténdese ás moedas nacionais e aparece unha comunidade de afeccionados, ansiosos por poderen debater e comunicar as súas descubesrtas.[2]
Neste contexto, en 1835 créase a Revue de la Numismatique Française, da man dalgúns membros da Sociedade Real dos Anticuarios de Francia e doutras sociedades arqueolóxicas tanto francesas como doutros países, e dirixida nesta primeira etapa por Louis de La Saussaye e Étienne Cartier. O seu primeiro número apareceu o ano seguinte, en 1836.[3]
O nacemento da revista foi, xa que logo, anterior ao da Sociedade Francesa de Numismática, xa que esta non se constituíu ata 1865.[4] E non foi aínda ata case un século despois, en 1958, cando a revista pasou a depender organicamente da SFN, en condición de editora.[5][6]
A Revue Numismatique hoxe
[editar | editar a fonte]Cada ano, a Sociedade publica un novo número de Revue Numismatique, e cada dez anos uns índices temáticos dos seus artigos, escritos polos máis prestixiosos investigadores tanto franceses como estranxeiros. As linguas admitidas nas colaboracións son, ademais do francés, o alemán, o inglés, o castelán e o italiano.[7] Na súa publicación, a Société Française de Numismatique conta coa colaboración do Centre National de la Recherche Scientifique (CNRS).
Os ámbitos dos que se ocupa Revue Numismatique abranguen a numismática e a histoira monetraia e, accesoriamente, a arqueoloxía, a historia económica, a histoira da arte, a epigrafía, a sixilografía e a glíptica, todas elas nos seus aspectos máis relacionados co estudo das moedas, as medallas e os obxectos monetiformes. As seccións da revista organízanse consonte as divisións histórico-culturais tradicionais: numismática celta, grega, romana, bizantina, medieval, moderna, contemporánea e oriental; ademais doutras como as medallas, as fichas monetiformes, e a historia da disciplina numismática e das coleccións.
Da dirección e da administración da Revue encárgase un comité de dirección composto por catro directores, asistidos por dous secretarios de redacción, e un comité de administración constituído polo comité de dirección mais un número igual de membros do Consello de Administration da Société Française de Numismatique.[8][9]
Listaxe de directores da revista
[editar | editar a fonte]Preséntanse por orde cronolóxica os membros das direccións colexiadas da Revue Numismatique desde o seu primeiro número ata a actualidade:[10]
- (1836-1855): E. Cartier e L. de La Saussaye.
- (1856-1877): J. de Witte e A. de Longpérier.
- (1883-1905): A. de Barthélemy, G. Schlumberger e E. Babelon.
- (1906-1923): J. A. Blanchet, G. Schlumberger e E. babelon.
- (1924-1929): J. A. Blanchet, G. Schlumberger e A. Dieudonné.
- (1930-1930): J. A. Blanchet, A. Dieudonné e M. Prou.
- (1931-1938): J. A. Blanchet e A. Dieudonné.
- (1939-1945): J. A Blanchet, A. Dieudonné e J. Babelon.
- (1945-1947): J. A. Blanchet, J. Babelon e P. le Gentilhomme.
- (1947-1956): J. A. Blanchet, J. Babelon e P. Prieur.
- (1957-1957): J. Babelon.
- (1958-1961): J. Babelon, P. Prieur e J. Lafaurie.
- (1962-1972): J. Babelon, J. Lafaurie, G. le Rider e J. Tricou.
- (1972-1973): J. Lafaurie, G. le Rider e J. Tricou.
- (1974-1975): J. Lafaurie, G. le Rider, J. Tricou e J-B Giard.
- (1976-1976): J. Tricou, J-B. Giard e H. Nicolet.
- (1977-1986): J-B. Giard, H. Nicolet e F. Dumas.
- (1987-1987): J. Lafaurie, J-B Giard, H Nicolet e F. Dumas.
- (1988-1991): J. Lafaurie, J-B. Giard, C. Morrisson, F. Dumas.
- (1992-1996): J-B. Giard, F. Dumas, C. Morrisson e M. Amandry.
- (1997-2003): F. Dumas, C. Morrisson, M. Amandry, O. Picard.
- (2005-2013): C. Morrisson, M. Amandry, O. Picard, M Bompaire.
- (2014-2014): F. Duyrat, C. Morrisson, M. Bompaire e O. Picard.
- (2015-____): F. Fuyrat, C. Grandjean, C. Morrisson, M Bompaire e A. Suspène.
Notas
[editar | editar a fonte]- ↑ A. D. (1842).
- ↑ "Collectionneurs et numismates avant la Société". Société française de numismatique.
- ↑ Dumas, F. "La création de la Revue de la numismatique françoise à travers la correspondance de Saulcy". Revue Numismatique. 29. 1987. Páxinas 220-232.
- ↑ Wojan, F. (2014). Páxina 312.
- ↑ Le Rider, G. et al. (1965). Páxinas 27-29.
- ↑ Lafaurie, J. (1986).
- ↑ "Revue Numnismatique". En Forum Ancient Coins.
- ↑ "Revue Numismatique". Société Française de Numismatique.
- ↑ Lafaurie, J. (1986)
- ↑ "Directeurs et sécretaires de la Revue Numismatique 1836-1986". En Lafaurie, J. (1986). Páxina 47. Complétase a listaxe a partir de 1986 mediante o acceso a cada número a través de Persée.
Véxase tamén
[editar | editar a fonte]Outros artigos
[editar | editar a fonte]Bibliografía
[editar | editar a fonte]- A. D. "Revue de la numismatique, dir. par MM. Cartier et de la Saussaye". En Bibliothèque de l'École des chartes. 1842. 3. Páxinas 290-294.
- Jabu, J. "La Société française de numismatique : des collectionneurs antiquaires aux chercheurs érudits". En Comptes rendus de l’Académie des Inscriptions & Belles-Lettres. Abril-xuño de 2015. Páxinas 849-866.
- Lafaurie, J. "La Revue Numismatique a 150 ans"". En Revue Numismatique. 1986. Páxinas 7-50.
- Le Rider, G. et al. "La Société française de numismatique : 1865-1965". En Revue Numismatique. 1965. Páxinas 15-29.
- Wojan, F. "Le cent cinquantième anniversaire de la Société française de Numismatique et les LVIII Journées numismatiques". En Bulletin de la Société française de numismatique. Nº 10. Decembro de 2014. Páxinas 311-314.
Ligazóns externas
[editar | editar a fonte]- Espazo da Revue Numismatique na web da Société française de numismatique.
- Revue Numismatique (acceso aos números editados a partir de 1958).