Salvelinus umbla

Salvelinus umbla xuvenil
no Acquario Civico de Milán

Salvelinus umbla no Universeum Science Park, Gotemburgo (Suecia)

Salvelinus umbla é unha especie de peixes osteíctios da orde dos salmoniformes, familia dos salmónidos, subfamilia dos salmoninos, unha das numerosas comprendidas no xénero Salvelinus, da que é a súa especie tipo.

Taxonomía

Descrición

A especie foi descrita en 1758 por Linneo na 10ª edición do seu Systema Naturae, baixo o nome de Salmo ulma.

Sinónimos

Ademais de polo seu nome actualmente válido, a especie coñecuese tamén polos sinónimos:

• Salmo costatus Gronow, 1854
• Salmo distichus Heckel, 1851
• Salmo monostichus Heckel, 1851
• Salmo pallidus Nilsson, 1832
• Salmo salmarinus Linnaeus, 1758
• Salmo salvelinus Linnaeus, 1758
• Salmo salvelinus carneus Fitzinger, 1832
• Salmo salvelinus marsilii Fitzinger, 1832
• Salmo schrankii Heckel & Kner, 1858
• Salmo umbla Linnaeus, 1758 (protónimo)
• Salvelinus salvelinus (Linnaeus, 1758)

Catacterísticas

Cun tamaño máximo de 75,0 cm, distínguese dos seus conxéneres de Europa central polos seguintes caracteres:

• Fociño cónico.
• Boca de terminal a subterminal.
• Maxilar inferior non incluído nosuperior.
• De 25 a 31 branquias.
• Flancos de cor marró verdosa con manchas avermelladas, ventre de amarelado a alaranxado ou avermellado.
• Aletas de cor de vermello a alaranxada, coas marxes brancas.

Distribución

É unha especie europea de augas doces temperadas bentopeláxica que habita entre os 48° e os 45° N, e os 5° e os 11° L, que se encontra nos lagos alpinos e subalpinos de Italia (Trentino-Tirol do Sur), Francia (lago de Bourget), Suíza, Alemaña e Austria. Introducido en numerosos lagos de grande altitude; por exemplo, en Suecia.

Poboación

Nalgúns lagos extiguiuse (por exemplo, no Mondsee) e, en moitos casos, repoboouse noutros lagos. Nalgúns lagos estase recuperando (por exemplo, no de Constanza onde estaba case extinguido, ou no Léman). Nalgúns lagos a poboación sempre estivo sa (por exemplo, no Grundl e non Konigsee). En xeral, houbo un colapso de poboación nos anos 1970 e hoxe en día a poboación estase recuperando.

Bioloxía

Habita en lagos profundos en vales de orixe glaciar e lagos de grande altitude. Aliméntase de crustáceos, insectos e fauna bentónica; algúns individuos desenvólvense como grandes piscívoros, cunha morfoloxía distinta.{{sfn|Kottelat|Freyhof|2007} Desova por primeira vez aos 2-3 anos de idade, sobre fondos de seixos e pedras en pendentes pronunciadas, a profundidades de 30 a 120 m.

Ameazas

A principal ameaza para a especie foi a eutrofización que se produciu nos anos 1960 e 1970. Por outra parte, a destrución do seu hábitat tamén é unha ameaza local.

Estado de conservación

A Unión Internacional para a Conservación da Natureza e dos Recursos Naturais, considerando que a especie atópase en moitos lagos alpinos e subalpinos de Francia, Suíza, Alemaña, Italia e Austria, e aínda que en moitos lagos a súa poboación diminuíu moito debido á eutrofización nos anos 1960 e 1970, e extinguiuse nalgúns lugares, e que nalgúns destes lagos as poboacións só se manteñen mediante programas de repoboación por traslados de espécimes doutros lagos, en xeral, a poboación está a recuperarse e só está ameazada localmente pola destrución do hábitat, polo que cualifica o seu status como LC (poico preocuipante).

Véxase tamén

Bibliografía

• Kottelat, M. & Freyhof, J. (2007): Handbook of European Freshwater Fishes. Cornol, Xura, Suíza: Publications Kottelat. ISBN 978-2-8399-0298-4.
• Nelson, J. (2006): Fishes of the World, 4ª edición. Nova York: John Wiley and Sons. ISBN 978-0-4712-5031-9.

Outros artigos

• Salmoniformes
• Salmónidos
• Salmoninos
• Salvelinus