The Interrupters
| The Interrupters | |
|---|---|
 | |
| Orixe | Os Ánxeles, California,  |
| Período | 2011 - presente |
| Xénero(s) | ska punk, punk rock, street punk, 2 tone, ska |
| Selo(s) discográfico(s) | Hellcat Records, Epitaph Records, Pirates Press |
| Membros | Aimee Interrupter Kevin Bivona Justin Bivona Jesse Bivona |
| Artistas relacionados | Rancid, Tim Timebomb and Friends, Transplants, Green Day, Sugar Ray |
| Na rede | |
| wearetheinterrupters.com | |
             | |
The Interrupsters é un grupo estadounidense de ska punk que se formou nos Ánxeles no ano 2011. A banda está formada por Aimee Interrupter (voz principal), Jessie Bivona (batería), Justin Bivona (baixo) e Kevin Bivona (guitarra). Ata a data editaron tres álbums, o último deles, Fight the Good Fight, no ano 2018, xunto co sinxelo principal do disco, "She's Kerosene".[1]
Historia
[editar | editar a fonte]Formación e primeiros anos
[editar | editar a fonte]Os tres irmáns Bivona coñeceron á solista Aimee Allen en 2009, mentres viaxaba coa súa banda Telacasters apoiando a The Dirty Heads e Sugar Ray. En 2011 Aimee e Kevin comezaron a escribir cancións xuntos e trouxeron aos irmáns de Kevin, os xemelgos Jesse e Justin, para tocar a batería e o baixo. Isto levou aos catro a formar The Interrupters.[2]
A banda comezou cedo facendo xiras con bandas como Rancid, The Transplants, Devil's Brigade e Left Alone, ademais de tocar no festival estadounidense Riot Fest en Chicago e Denver, e no festival canadense Amnesia Rockfest, todo isto antes de lanzar o seu primeiro álbum.
A miúdo participaron no proxecto de Tim Armstrong chamado Tim Timebomb and Friends, que viu o lanzamento en liña dunha canción ao día durante un ano. Tamén foron membros do grupo de xira. O primeiro sinxelo lanzado foi a canción "Liberty", seguido pouco despois pola canción "Family", que contou con Tim Armstrong como vocalista invitado e que foi lanzada a través do proxecto Tim Timebomb and Friends. Os dous sinxelos foron lanzados como unha edición limitada de 7" a través de Pirates Press Records.
The Interrupters, Say It Out Loud
[editar | editar a fonte]O disco homónimo de The Interrupters foi lanzado o 5 de agosto de 2014 por Hellcat/Epitaph Records. O disco debutou no número 95 na lista de álbums estadounidense de iTunes.[3] O primeiro sinxelo, "Take Back The Power", foi usado en anuncios de T-Mobile,[4] Shameless, do Home Run Derby 2016 da MLB,[5] e na película de Michael Moore Where to Invade Next,[6] ademais de aparecer nos créditos finais do filme.
Tras o lanzamento a banda xirou polos Estados Unidos e o Canadá para promocionar o álbum coas simpatías de The Mighty Mighty Bosstones, Street Dogs, Less Than Jake, Big D and The Kids Table, Reel Big Fish, Rancid e The English Beat. A banda tamén xirou por Europa con Bad Religion, e tocou no Soundwave Festival en Australia e no Groezrock Festival en Bélxica.
O segundo álbum de The Interrupters, Say It Out Loud, foi editado o 24 de xuño de 2016 novamente a través de Hellcat/Epitaph Records. Tamén foi producido por Tim Armstrong e chegou ao número 7 da lista de álbums Billboard Heatseekers,[7] ao 25 na Billboard Independent Albums,[8] ao 38 na Billboard Top Rock Albums,[9] e ao 22 na Billboard Vinyl Albums,[10] e estreouse no número 56 na lista estadounidense de álbums de iTunes.[11]
Para promocionar Say It Out Loud, a banda tocou en toda a Vans Warped Tour durante o verán de 2016,[12] e despois embarcouse na súa primeira xira estadounidense como cabeza de cartel, levando ao grupo de Fat Wreck Chords Bad Cop Bad Cop como abreconcertos.[13]
Fight the Good Fight
[editar | editar a fonte]O 2 de maio de 2018 The Interrupters anunciou que o álbum Fight the Good Fight, producido por Tim Armstrong, sería lanzado o 29 de xuño por Hellcat/Epitaph.[14] O primeiro single, "She's Kerosene", alcanzou o número 4 na lista da Billboard de cancións alternativas.[15] O álbum chegou ao número 2 na lista de discos independentes da Billboard,[16] e ao número 141 na Billboard 200.[17] A banda apareceu na portada da revista Kerrang! en abril de 2019[18] e foi nomeada para un premio Kerrang! Awards dese ano.[19]
Billy Kottage, antigo membro de Reel Big Fish, estivo xirando co grupo dende principios de 2019, tocando o órgano Hammond Organ e o trombón.
Membros
[editar | editar a fonte]- Aimee Interrupter - voz principal (2011 - presente)
- Kevin Bivona - guitarra, voz principal e coros (2011 - presente)
- Justin Bivona - baixo, coros (2011 - presente)
- Jesse Bivona - batería, coros (2011 - presente)
Discografía
[editar | editar a fonte]Álbums de estudio
[editar | editar a fonte]- The Interrupters, (Hellcat/Epitaph, 2014)
- Say It Out Loud, (Hellcat/Epitaph, 2016)
- Fight the Good Fight, (Hellcat/Epitaph, 2018)
Recompilatorios e splits
- 2016 Warped Tour Compilation – varios artistas, Side One Dummy Records (2016)
- Hooligans United: A Tribute to Rancid – Varios artistas, Hellcat/Smelvis Records (2015)
- Dale la Bota – varios artistas, Smelvis Records (2013)
- 2018 Warped Tour Compilation – varios artistas, Side One Dummy Records (2018)
Notas
[editar | editar a fonte]- ↑ "Meet The Interrupters, the First Female-Fronted Ska Band With an Alternative Radio Hit Since No Doubt". Billboard. Consultado o 2019-11-25.
- ↑ "Soundproof: The Interrupters". Consultado o 2019-11-25.
- ↑ "iTunesCharts.net: 'The Interrupters (Deluxe Edition)' by The Interrupters (American Albums iTunes Chart)". www.itunescharts.net. Consultado o 2019-11-25.
- ↑ "T-Mobile TV Commercial, 'Never Settle for Verizon' Song by The Interrupters". iSpot.tv (en inglés). Consultado o 2019-11-25.
- ↑ "r/NameThatSong - Song during home run derby commercial". reddit (en inglés). Consultado o 2019-11-25.
- ↑ "Where to Invade Next Official Trailer 1 (2016) - Michael Moore Documentary HD". Consultado o 2019-11-25.
- ↑ "Heatseekers Albums: Up and Coming Musicians Chart". Billboard. Consultado o 2019-11-25.
- ↑ "Independent Albums". Billboard. Consultado o 2019-11-25.
- ↑ "Rock Albums". Billboard. Consultado o 2019-11-25.
- ↑ "Vinyl Albums : Page 1". Billboard. Consultado o 2019-11-25.
- ↑ "iTunesCharts.net: 'Say It Out Loud' by The Interrupters (American Albums iTunes Chart)". www.itunescharts.net. Consultado o 2019-11-25.
- ↑ "Vans Warped Tour announces 2016 lineup". The Know (en inglés). 2016-03-24. Arquivado dende o orixinal o 08 de xuño de 2020. Consultado o 2019-11-25.
- ↑ Bottlerocket, Screeching (2016-08-15). "The Interrupters & Bad Cop/Bad Cop announce North American tour". Dying Scene (en inglés). Consultado o 2019-11-25.
- ↑ Woolsey, Brittany (2018-06-19). "The Interrupters Learn to Fight the Good Fight From Bands Like Green Day and Rancid". OC Weekly (en inglés). Arquivado dende o orixinal o 29 de novembro de 2019. Consultado o 2019-11-25.
- ↑ "Alternative Songs: Top Alternative Songs Chart". Billboard. Consultado o 2019-11-25.
- ↑ "Independent Albums". Billboard. Consultado o 2019-11-25.
- ↑ "Top 200 Albums | Billboard 200 chart". Billboard. Consultado o 2019-11-25.
- ↑ "Kerrang! (UK) 10 abr. 2019". www.pressreader.com. Consultado o 2019-11-25.
- ↑ "Kerrang! Awards 2019 Preview - My Picks". soundmouth.blogspot.com. Consultado o 2019-11-25.
