Toomas Hendrik Ilves
Toomas Hendrik Ilves , nado en Estocolmo o 26 de decembro de 1953, é un político estoniano, que foi presidente de Estonia de 2006 a 2016.
É diplomático e xornalista e foi tamén membro do Parlamento Europeo.
Os seus pais eran refuxiados estonianos e Toomas criouse nos Estados Unidos.
Durante os anos 80, Ilves traballou como xornalista e implicouse activamente en política, antes da independencia de Estonia (que foi en 1991). Ilves serviu posteriormente como embaixador de Estonia nos Estados Unidos, Canadá e México por varios anos.
En decembro de 1996, Ilves foi Ministro de Asuntos Exteriores de Estonia, exercendo devandito cargo ata a súa dimisión en setembro de 1998, cando se fixo membro dun partido pequeno da oposición (Partido da Xente). Ilves pronto foi elixido presidente do Partido da Xente.
Logo das eleccións parlamentarias de marzo de 1999 foi novamente Ministro de Asuntos Exteriores ata 2002.
Nas eleccións municipais de outubro de 2002, o Partido da Xente foi derrotado e Toomas Hendrik Ilves dimitiu como presidente do partido. Nestas eleccións, o partido recibiu soamente 4,4% dos votos totais en toda a nación.
Desde 2003, Ilves é membro do Parlamento Europeo e desde o 1 de maio de 2004, é membro de pleno dereito.
O 23 de marzo de 2006 foi nomeado polo Partido da Reforma, a favorable unión do Partido Patria e o seu partido, o Partido Socialdemócrata, como candidato á elección presidencial 2006.
O 13 de setembro de 2006, un amplo espectro de 80 intelectuais ben coñecidos publicou unha declaración en apoio á candidatura de Ilves. Entre os que asinaron estaban Neeme Järvi, Jaan Kross, Arvo Pärt e Jaan Kaplinski. Ilves prometeu concentrarse máis na política estranxeira.
| Predecesor: Arnold Rüütel |
Presidente de Estonia 2006 - 2016 |
Sucesor: Kersti Kaljulaid |
Ligazóns externas
[editar | editar a fonte]Biografía en castelán por Fundación CIDOB Arquivado 08 de maio de 2008 en Wayback Machine.
 |
Commons ten máis contidos multimedia sobre: Toomas Hendrik Ilves |
