V-18

V-18; Conexión da AC-14 coa AP-9
Tipoloxía	Vía para automóbiles
Rede	Rede de estradas do Estado
Dimensións
Formato	1 carril por sentido con mediana
Localización
Inicio	AC-14 A Coruña
Fin	AP-9 Culleredo

O Viario 18 ou Conexión da autovía AC-14 coa autoestrada de peaxe AP-9, é unha vía de alta capacidade en proxecto que suporía unha alternativa para desconxestionar o tráfico existente entre a AC-11 e a AP-9.

Historia

Nomeado provisionalmente no proxecto como V-18, de forma análoga ao Viario 14 (V-14), foi planificado polo Ministerio de Fomento de España, para buscar alternativas que permitan desconxestionar a AC-11. En abril de 2012, encargouse un primeiro estudo baixo a xestión da ministra Ana Pastor Julián.^[1]

O maior volume do tráfico da entrada e saída da cidade A Coruña é a AP-9, a pesar de que se trata dunha autoestrada de pago, xa que funciona como conexión máis directa coa A-6 cara a Lugo e Castela e León ademais dos destinos que lle son propios. Ademais, a AP-9, ten un tramo de peaxe na sombra (o comprendido entre o acceso da Barcala e a AC-11) desde maio de 2006, que lle dá maior volume de tráfico á Coruña desde Cambre, San Pedro de Nós, O Temple e O Burgo, especialmente nas horas punta dos días laborábeis.^[2]

Así, esta alternativa desde a AP-9, permitiría ter unha conexión polo sur ao oeste da Coruña a través da AC-14 e a V-14, a barrios como o dos Rosales, A Agra do Orzán, O Ventorillo, Elviña, O Birloque, San Pedro de Visma, Labañou - San Roque, Os Mallos, Vioño etc. Contando, asemade, cunha conexión aos polígonos industriais A Grela-Bens, Pocomaco e Vío, evitando deste xeito conexións desde a AC-11, que na actualidade repercuten en conxestións de tráfico en vías como a Avenida de San Cristovo, a Ronda de Outeiro ou a Avenida de Arteixo até os accesos a ditos polígonos.

Evolución

Marzo de 2015: exposición do proxecto a información pública, cun orzamento estimado de licitación da obra de 18,9 millóns de euros.^[3]^[4]
Agosto de 2016: Fomento solicita a declaración de impacto ambiental.^[5]
Xullo de 2017: fíxose público que unha tramitación irregular do propio Fomento obrigaba a reiniciar a avaliación medioambiental.^[6]

Tramos

Denominación	Tramo	Quilómetros	Estado (xullo de 2017)
V-18	A Zapateira AC-14 - Vilaboa AP-9	1,56	Reinicio da DIA^[6]

Trazado (en proxecto)

Sentido A Zapateira ( AC-14 )	Sentido Vilaboa ( AP-9 )	Estrada
Comezo da Autovía de Conexión AC-14 coa AP-9 V-18 Procede de: E-1 AP-9 P. K. 4+000	Fin da Conexión AC-14 coa AP-9 Incorporación final: E-1 AP-9 Dirección final: E-1 AP-9 Santiago - Ferrol E-70 A-6 Lugo - Madrid	E-1 AP-9
Posible ascenso (5%): Sen enlaces	Posible descenso (5%): Sen enlaces
Fin da Conexión AC-14 coa AP-9 Incorporación final: DP-3006 Dirección final: A Zapateira - A Coruña	Comezo da Autovía de Conexión AC-14 coa AP-9 V-18 Procede de: DP-3006 A Zapateira (pola glorieta)	DP-3006