Agaete

Agaete

Localización
28°06′06″N 15°42′03″O
Estado	España
Comunidade autónoma	Illas Canarias
Provincia	Las Palmas
Capital	Agaete
Poboación
Poboación	5.568 (2023) (122,37 hab./km²)
Xeografía
Parte de	Mancomunidade de Concellos do Norte de Gran Canaria
Superficie	45,5 km²
Bañado por	Océano Atlántico
Altitude	43 m
Comparte fronteira con	Artenara Gáldar
Identificador descritivo
Código postal	35480
Fuso horario	UTC+01:00
Código INE	35001
Sitio web	aytoagaete.es

Agaete é un concello español pertencente á provincia das Palmas, nas Illas Canarias. Está situado ao noroeste da illa de Gran Canaria, a 30 quilómetros da capital.

Dentro do termo municipal destacan a súa cabeceira (a vila de Agaete), o Puerto de las Nieves a beiras do océano Atlántico, comunicado regularmente por transbordador coa illa de Tenerife, e Los Berrazales (barranco arriba, cunha exuberante vexetación). Nesta última zona, ao pé do piñeiral de Tamadaba, levántase un antigo e abandonado hotel rural.

A economía de Agaete baseouse historicamente na agricultura e a pesca, pero nos últimos decenios o turismo converteuse no sector máis importante. Un dos símbolos do municipio é o Dedo de Dios ou Roque Partido, formación rochosa con aspecto de dedo humano que se levanta fronte á costa. A parte superior do Dedo de Dios foi destruída por unha forte tormenta, a tormenta tropical Delta, en 2005.

Barrios

Atardecer en Puerto de las Nieves

Casas del Camino, El Hornillo, El Risco, El Sao, El Turman, Guayedra, Las Cuevecillas, Los Berrazales, San Sebastián, Barriada Señorita María Manrique de Lara (coñecido como Bilbao), Troya, Piletas, Puerto de las Nieves, San Pedro, El Palmeral, La Suerte, San Pedro, Vecindad de Enfrente e Las Candelarias.

Lugares de interese

• Casa Fuerte
• Conxunto Histórico-Artístico do Casco da Vila de Agaete
• Ermida das Neves
• Ermida de San Sebastián de Agaete
• Lomo de los Canarios-Praia do Risco
• Maipez de Arriba
• Val de Guayedra
• Zona Arqueolóxica La Palmita
• Huerto de las Flores

Festas

Sen ningunha dúbida, Agaete caracterízase tamén polas súas festas patronais. A Vila mariñeira de Agaete celebra durante o mes de decembro as festas patronais en honra á Inmaculada Concepción e durante o mes de agosto, a Festa da Rama en honra á Virxe das Neves. O acto popular máis coñecido durante as festas de agosto da nosa Señora das Neves, é sen ningunha dúbida, a Baixada da Rama, declarado acto festivo de Interese Turístico Nacional.

Véxase tamén

Ligazóns externas

• Sitio web do concello (en castelán)